Tag Archives: face oil

Caudalie Divine Oil

護膚品, , ,

 今季, 好多大品牌都推出以油為主的skincare, 推翻了 “油” 比大眾不良印象, 如: 油膩, 笠, 只浮於表面, 令立立 etc

 

而Caudalie 向來以葡萄為本的尊貴產品, 以高效抗氧化功能而聞名, 這季亦推出了一隻3合1的護理油 (for 皮膚, 頭髮同指甲). 當中亦用上了葡萄籽油以及其他3種好珍貴的植物油 如特級初榨堅果油同芙蓉油等.

 caudalie_01

左: Bau de beaute (補濕噴霧, 係Caudalie 的皇牌產品之一)

右: Divine Oil

 

佢跟別的油有乜分別呢? 我覺得係佢好獨特的清香 ~ 好多品牌的出品的護理油都沒有香味, 就算有多數係草本味, 就算係花香頂多都係單一嘅味 ~ 如玫瑰或薰衣草. 但Caudalie Divine Oil 的香味係由香薰大師Jacques Cavallier調製, 當中用了最矜貴的摩洛哥玫瑰同保加利亞玫瑰精華, 仲有清新的西柚同香草等. 有花香, 又有果香, 帶甜的味道絕不濃烈. 我非常喜歡, 用後, 就好似搽咗淡香水咁, 很不錯.

 caudalie_02

 

Divine Oil主要成份:

左 (上到下): 堅果, 葡萄籽, 芙蓉

右 (上到下): 芝麻, 雲呢拿籽, 乳木果油

 

 

但除咗香味外, 佢本身的護膚功能都一樣咁強. 先講質地, 都係好薄的, 滲透力很好, 很快就會被吸收….之後皮膚會即時變得軟滑 (這也是很多牌子都造到的). 我覺得佢最特別之處, 係用後皮膚即時會有一道光彩 ~ 絕對唔係油光 (基本上, 吸收後, 你用索油紙都吸唔到油), 令你看起來好好氣息咁.

 

佢可以用於面, 身, 頭髮同指甲, 或造bath oil 都得. 一大枝100ml 才$320. 以這價位有這樣的功能, 絕對超值. 如你之前未用過任何護理油, 可以先買佢嚟試吓水溫!

 

 

Tatcha Gold Collection山茶花美顏油Camellia Beauty Oil

護膚品, , ,

香港天氣都係潮濕, 所以大多數人都喜歡用清爽的skincare…一提到 “油”, 就可免則免. 對於我來說, 我看似中性皮膚, 但底層都是偏乾的, 所以, 我向來都唔介意用rich 小小嘅產品…當然, 如果造到又潤又爽, 我就更歡迎.

 通常, face oil的滋潤度比較高, 而且相對其他產品, 亦更能鎖住養份. 但如講到滲透力, 同滲透的速度…就未必隻隻都造得好. 所以, 好多時, 搽了滲透力欠佳的face oil, 嗰層油會浮在皮膚上…令你整天都好不爽; 最衰係表面油淋淋, 底層仲係乾爭爭!

 好多人都知, 山茶花蘊含深層滋養及保護肌膚所需的抗氧化及保濕成分, Tatcha Gold Collection山茶花美顏油就是把山茶花萃取應用到肌膚與頭髮護理上. 佢本身的質感冇一般face oil 咁濃厚, 薄薄的. 最amazing係創辦人Victoria 給我造demo 時, 只用了幾滴 Gold Collection山茶花美顏油搽在手臂….舜間叫我們摸一摸feel 吓…一點油膩感覺都沒有, 皮膚感覺又爽又滑. 但最令我驚訝的, 是她即時用面油紙去 “嗦”, 一點油積都沒有吸到出來. 可見滲透力果然非同凡享.

 P9163014

我其實都用了個多月了….一次用兩滴就夠, 搽埋頸就3滴. 佢嘅滋潤同鎖濕力, 比我用開的rosehip oil 強好多. 而滲透力亦比three 的face oil 更強. 所以, 早上, 搽咗佢, 再上妝, 都唔會有溶妝的問題. 現已入秋, 皮膚需要一些滋潤點的東西去進補, 佢真係啱晒.

 我仲發覺佢有樣好特別的好處, 而別的產品造唔到的 ~ 我每次去行山, 都會出好多好多汗….偏偏我對自己的汗敏感的, 所以一路行, 我會一路用濕毛巾嗦汗. 所以排汗已令我早前搽的SKINCARE 一併排走得 7 7 8 8 . 剩餘無幾的, 都被濕毛巾抹走. 所以行到山頂, 我已覺得成塊面好乾.

 現在行山前, 我會先搽兩滴Gold Collection山茶花美顏油, 可以頂到回家, 皮膚都不會覺得乾. 冲完涼, 又再搽兩滴….皮膚即時又軟又滑!

 

Ps

我發覺, 如你是初用face oil 或十分抗拒, 你可以搽完toner 後, 面仲係濕濕的時候, 即上face oil / 又或者滴兩滴face oil 落有保濕力的toner, 再輕輕拍上面. 這樣造, 可以進一步減少油膩感, 同吸收得更快.

TATCH 在JOYCE BEAUTY 有售