Tag Archives: skincare

CDP synactif facial

護膚品, ,

故事真係說來話長. 我本身都有定期去造吓lacer facial (收緊或美白)…不過都係一年去3-4次左右. 如果傳統的facial, 咁耐, 只有impress 的facial 深得我心. 可惜, 佢已close 咗, 一直未重開. 而我一直都冇再遇到啱心水的. 所以, 真係一年一次起兩次止….多數去, 都係因為爆了瘡, 自己清唔到 ~ 我都係cheap, 用join gym 時送的facial就算, 冇乜意慾去買全統facial. 反而, 平時就會自己敷masks, 效果都不錯.

又話說, 都係自己抵死, 之前用的水楊酸pads 效果非常好….次次都抹到灰灰黑黑的污jo嘢….所以, 我就一次又一次退下防避之心 ~ 因我本身皮膚薄,又乾底又有敏感….所以對 “酸”, 係份外小心. 但這pads 實在太amazing…我就由開始, 只抹t-zone, 改到全面連頸都抹. 由一星期只抹2-3天, 改到天天抹……….跟住就 “跳fuse”, 衰咗.

面, 就乾到爆….搽乜都乾….sea berry oil, cdp la cream….總之乜到乾, 條頸仲開始敏感, 紅到一達達…..化了妝, 去到中午4-5點….就會覺得乾到想裂咁. hur hur 聲去gym 造個最潤的facial….造完尚可, 去到第2天, 又再乾過.

又話說當時開始sogo thankful week, 去CDP 買嘢, 同BA 講開我這問題, 佢就提議我去試吓synactif facial….都係$1200, 唔駛開course. 老老實實, 這價唔貴 (我gym 嗰啲死人facial, 吓吓$2-3000 起跳…….但真係冇乜feel, 好在係送的), 因賣點係會豪用synactif 的產品, 尤其係會用10天份量的night cream 同你按摩 (這跟impress 那facial 有點似), 而當中亦有些產品, 係冇得賣.

當然, 你連用6個月synactif 產品, 會令效果推至巔峰 (synactif 係主要通淋巴, lifting, 同滋潤)….如果你買晒成set synactif (items 不多, 都係洗面梘, day, night cream, serum, toner 咁)…用到3個月, 要3萬幾; 用半年, 就起碼5-6萬….因個night cream 係勁貴. 但如你買full set, cdp 會送你4次facial.

首先, 我冇錢; 而我咁花心, 係冇可能用死1set 半年. 不過當時有christmas set ~ 乜都有齊, 不過係細size, 夠用3-4星期 (香港賣$2500, 日本賣$2150 ~ 所以我後來再托朋友分別同我添多兩sets). CHEAP 精諗住, 每次FACIAL 後, 用1星期就算……..咁3盒, 應該夠我用1年. BA 話, 好似我咁用….係造到滋潤的效果ONLY…用足6個月, 才會有明顯lifting 效果. 不過, 目前, 我造到滋潤都夠.

而首次幫襯synactif facial, 會送你samples set ~ 都夠用1星期. BA 教, 我造完FACIAL 就開始用這set skincare, 會令facial 效果延長.

我係去Times Square CDP造facial, 佢在counter 後有一間細房….清淨的. 成個facial 差不多1小時.

  

 有深層清潔 ~ 將一些純水霧化噴在面上
 又會用toner 濕透面膜紙同你敷
 之後又有人手按摩 (用按摩霜)
 又有熱棒按摩 (用10天份量的NIGHT CREAM)
 再敷多次mask

其實工序太多….我都唔多記得全部 (可能有啲位記錯)

造完, 第一個感覺就係去了水腫, 輪廓緊緻好多. 當然夠曬滋潤…一次就KO 咗我乾燥問題 ~ 啲乾紋都冇晒….眼尾啲魚尾紋都好咗好多; 我等了FACIAL 後1星期…啲皮膚仲係滑滑的, 飽滿又充滿光澤, 仲好firm 添……所以, 拍心口, 佢係夠堅…..因此, 即去買第2次 1個月後去造 (這個moment, 已造咗第2次….會係農曆年前造第3次…..打算keep 住 1-2個月造一次)

我堅LIKE 全程, 美容師好手勢, 一滴都唔SELL 嘢….令你好”安心”……我最怕一路造, 一路比人哦. 造完facial, 你仲可以request BA 同你化個淡妝….真係LAM 到盡架.

BUT 同我幾個朋友SHARE 開…佢地都有試過 synactif ~ 但係不喜歡……因為香味有點濃 (我ok 的, 可接受)….所以, 大家買之前 , 去counter 聞吓先. 又或者, 造facial 時, 叫美容師skip 香薰. 亦有朋友feedback, 話平平地買塊梘都好…因為可以有效去暗瘡印.

又再講吓响日本賣synactif 的經驗 ~ 我係先托去東京的朋友encore 多一盒 (平香港$350)….後來越諗越愛, 再托去北海道的朋友整多盒. 東京cdp 比較手緊, 冇嘢送….但北海道就送了差不多8-9 個synactif samples (當中居然有最貴嗰隻晚霜) 真係開心死我. 仲有, 機場DUTY FREE 係冇synactif christmas set, 但會有幾款full size. 如你想在duty free 買full size, 最好上網先預訂….朋友話, 好多時, 去到乜都賣晒.

實物:

暗瘡大作戰 ~ (2/4 清毛孔MASK)

護膚品, , ,

其實, 下巴位向來都係我最易出瘡的地方; 我這回出石頭瘡的初期, 仲有好多白頭同粉刺飈出嚟…..我都唔知點解.

 好多人, 可能會即時去造FACIAL, 順手針清啲粉刺. 以我過往經驗, 在這風頭火勢的時候, 我係唔可以去針清….因只要稍受針清的刺激, 就會在剛清完的位置附近出多幾粒石頭瘡…越清皮膚越差.

 況且, 在這嚴重的時間, 我一滴帶滋潤成份的SKINCARE 都唔可以掂到下巴…否則又多幾粒石頭瘡 ~ 所以唔可以造FACIAL. 亦不可以用磨沙產品同洗面機….因為都係帶點刺激, 加速石頭瘡形成 (可能只係我本身的問題, 其他人照用or 去造facial 係冇問題).

 這款在屈臣氏的上架貨, Back to Sixteen Soya Blackhead Heating Mask (韓國出品) 係我唯一用到的mask.

 其實以往都試過好多黑頭mask, 泥mask ~ 對清黑頭都幾唔錯. 但這隻, 就多了一個 “發熱功能”…..可以更快更有效去溶解黑頭和粉刺. (我就係看中佢 “發熱”功能才試吓)

 pimple_04

佢細細粒獨立包裝, 足夠你搽鼻位同下巴. (or 搽t-zone 都得). 搽上去不久, 就會有熱力透出來. 10-15分鐘後 (全程都會有熱力), 用水洗走就得. 佢嘅清潔力比一般不會發熱的clay mask 強, 所以對我來說如果敷面珠位就太over 了(因我面位比較乾, 亦冇乜粉刺需要清)….但搽鼻同下巴就一流.

 

咪睇佢細細粒….但就算大面人如我, 都可以敷晒鼻同下巴位

 Image

 

基本上, 有啲唔太頑固的黑頭和粉刺, 都可以溶走….有啲就逼咗出嚟, 你只要用手壓一壓就成粒走出嚟. 當然, 佢又唔係神到用一次就乜都清乾淨…..但我一星期用2-3次….如是者用了3星期….啲粉刺就冇咗8成 (餘下的頑固貨, 就待暗瘡好得8899, 才去美容院針清).

 

後話:

1) 這兩個月來, 我下巴位一直沒有掂過帶滋潤成份的products. 所以搽cream 又好, 敷別的masks 也好, 一律避開下巴位 (其實在最嚴峻的時期, 我就算搽面, 都係用oil free 的aqua gel….以免唔覺意啲cream “hide” 到落下巴, 令暗瘡借啲意又發過). 所以Back to Sixteen Soya Blackhead Heating Mask是唯一可以用到在下巴位的mask.

 

2) 下巴敷完mask…..我, 我會搽小小Fleurance Nature Gel Aloe Vera, 去鎮定吓啲皮膚. 因佢完全不會令皮膚敏感, 有時早上都會先搽小小, 再搽暗瘡藥….減少皮膚脫皮乾燥的情況.  http://www.tastyling.com/?p=6550

 

 

CDP 盈亮緊緻面膜 (concentré illuminateur)

護膚品, , , ,

自從造了生銹女鐵人後, 我的確寫少咗blog…..因跑到得半條命

亦一路都忙於新娘妝的工作, 都係少寫咗blog 嘅原因

但步入夏天, 可以跑少啲, 亦係wedding job的淡季….我會盡量回復 “產量”

畢竟, 這些月都買咗啲好用嘅嘢, 可以share 吓

 

其實這個mask, cdp 都推出咗差唔多半年…..我雖然係佢哋嘅fans, 但在香港的時候, 我冇買入. 因為我以為佢似舊formula ~ 以前如你買到一定價值, cdp 會送你一片面膜 ~ 都係先搽serum, 後敷一塊gel 狀, 但又不會水滴滴的mask 比你………好老實, 我唔覺得佢有乜特別…即係用完同未用差唔多. (我唔係用了1次就band 佢, 係用了3-4次, 效果都係麻麻, 我先band 佢)

 

直到博士後來買咗新formula, 佢話都幾潤, 所以冬天用好, 夏天可能too much. 雖然我都心動, 想再試, 但佢都唔係平, 要成千幾蚊…我就唔買住la…反正有排都未冬天.

 

以為這事告一段落, 直到4月去日本, 在duty free 見到佢, 比香港平成2-30% (維起 HKD8XX, 仲有gift 送! (duty free 的cdp 貨品不及大公司的cdp 多, 起碼就冇美白嗰隻MASK. 但係在公司買任何化妝品都不可以退稅)……見平咁多, 我就即時買了一盒.

 P4235149

回來後, 都一直未開, 直到我再去造了dublo (一隻會收緊輪廓的光學美容, 我早前的blog 都有介紹. 效果很好, 但係side effect 係會令皮膚超乾). 當晚, 我就開了一片cdp 的mask 嚟用….新forumla 的即時感覺, 係比舊formula 濕啲 (好似啲serum 多啲)….這趟敷完之後, 真係覺得好潤, 好舒服. (但老實講, 如你冇造過dublo 這類的光學美容令你皮膚乾….正常的皮膚在夏天, 真的受不了咁補的mask).

 

我造了3次doublo, 以往, 都要成個星期敷mask + 搽啲好潤嘅cream (我開頭幾天, 直情要用la cream), 啲乾燥感才消失. 但這回用了1次mask, 基本上都冇再感覺到乾燥; 當然, 我為了令皮膚加速康復, 我都是晚上keep 住搽了1星期la cream (遲啲再分享 cdp la cream).

 

打了doublo 一星期後, 我就坐了一次長途機. 以往, 一坐長途機, 我都要在機上敷吓水份mask. 去到外國, 由於天氣都會比香港乾, 我亦會加強補濕. 但這回, 我沒有在飛機敷mask, 去到外國,亦只是偶爾敷吓….皮膚都好ok. 所以我覺得這新formula 的mask + la cream, 的功效不錯, 而且效力很持久.

 

 

用法 ~ re : http://www.cledepeau-beaute.com/hk/products_skin/concentre_illuminateur.html

 使用一次即感到肌膚沐浴於光芒中。

這細緻的深層修護，能瞬間於臉頰、嘴和眼睛肌膚締造光芒。
肌膚即時亮澤，疲勞一掃而空。

第一步：健膚水—去除老化角質

清新的健膚水能去除老化角質，淨化肌膚，使肌膚綻放光芒。

第二步：精華素—為肌膚注入光芒

輕抹於肌膚的瞬間，肌膚立即綻放由內而外的明亮光采。

第三步：面膜—成就完美零瑕肌膚

緊貼輪廓線條，鎖緊精華，發放持久的光芒，令肌膚更亮麗。

 

 

SAMPAR 3 Day Weekend 蜜糖肌免曬保濕乳

護膚品,

有些人喜歡白皙的皮膚, 正所謂一白遮3醜. 但有些人則喜歡健康的古銅色. 我天生偏白, 不太容易曬黑; 早幾個月去潛水, 我不經意地曬了一點古銅色….回來後, 大家都說好看, 什至說成個人看起來firm 咗又slim 咗 (我估, 就如你穿上黑色, 看起來會瘦一點的原理一樣). 所以, 我之後, 我偶爾都曬吓啲手腳, 保住啲古銅色.

 

但問題係 ~ 我塊面….我都想佢有小小蜜糖色, 但太陽會令我出雀斑, 會令我皮膚加速老化….所以, 2選一, 我會prefer “唔好曬親塊面”. 所以我死人都會帶遮或帶帽, 搽上高spf 的產品和晚上一定用美白products. 就係咁, 我塊面同身, 就有很大的色差.

 

其實我都有試過一啲self tanning 的products….係可以即時變黑, 但係啲色好古怪, 帶泥黃色的….如搽唔勻, 會一達達…有時, 連手掌都染埋色…..好麻煩. 仲有, 好多self tanning products 都有一陣怪味, 這都係我冇再用嘅原因. 如真係要 “靚”, 我都數用黑小小嘅粉底去減少面同身的色差.

  sampar_jun14_02

初時見SAMPAR 3 Day Weekend 蜜糖肌免曬保濕乳, 我都以為佢係一搽就變色嘅self tanning product, 但git 出嚟, 佢係白色的, 感覺上就如一般的保濕cream (佢的補濕功能的確不錯). 唔會即時變色. 看真啲說明, 才知佢可讓肌膚在不受紫外光影響下, 溫和地用你體內的黑色素, 令你擁有如日光浴後的honey color 同光澤. 於此同時, 佢獨有的 日光防禦因子可以保護細胞DNA, 增強肌膚抵抗紫外光和預防光老化!!! (這點真係不得了!!!)

 

即係, 你可以有HONEY COLOR, 但不用曬, 反而層加皮膚的抗紫外光能力 + 補濕!

 

用法好簡單, 你只要早上潔面後, 上完TONER 再搽佢 (如你有用SERUM, 就搽咗SERUM 先用佢), 只後再用你用開的DAY CREAM. 這只是早上用就OK

 

用後感:

  1. 雖然BA 叫我, 如要達到最快的效果, 最好唔好用美白SERUM 住, OR 如你一定要用, 就只用重點美白的產品 ie 只在有雖要的地方搽. 咁, 我又真係好怕啲斑失控, 所以, 我早上搽SAMPAR 3 Day Weekend 蜜糖肌免曬保濕乳時就不用美白serum. 但晚上都係成面用. 咁樣, 個effect 的確慢咗出現….我大概用了1星期多才覺得自己有小小tan. (記住, 一定要搽埋頸位, 前後, 360度都要搽)sampar_jun14_01
  2. 但佢補濕效果一流, 但又唔笠. 成天都感覺到水潤的感覺
  3. 搽咗佢, 皮膚會有一種好飽滿的光澤….連朋友都看得到, 問我用了邊隻粉底咁得手
  4. 老實說, 佢話晒都會刺激到自身的黑色素; 開始用時, 我都有小小擔心, 我啲雀斑會唔會浮番出嚟…..但好好彩, 冇. 只係overall 個底色變得有小小tan.
  5. 用了差不多兩星期後, 我去了幾次游水 ~ 都係白天, 去沙灘游. 我雖然都有搽防曬, 如唔游水, 都會在樹蔭下hea + 帶帽….但塊面都會比往日易黑.
  6. 但以前, 我曬後係會變黃, 唔會有tan look. 但現在係有tan color, 但冇黃氣. (我見tanning 效果已很不錯, 所以, 現在沒有天天用. 只係偶爾用吓, 去keep 住健康膚色)

 

Tony Moly Intense Care Gold 24K Snail

護膚品, ,

因我時時都會造lacer facial, 1星期最少4次劇烈運動會令我喪出汗, 亦喜歡去OUTDOOR 跟陽光玩遊戲 ~ 這些習慣對會令皮膚受到衝擊, 很容易就覺得乾燥. 所以自從接觸到蝸牛黏液這ELEMENT 後, 發覺佢不但可以滋潤皮膚, 亦可以令已受損的地方得到修復, 仲有就係刺激性低, 令很多有皮膚敏感的人都合用. 所以, 我長期都會帶一枝 tonly moly 的蝸牛安瓶(http://www.tastyling.com/?p=2769  )  在手袋, 有需要時就搽.

 

至於黃金這element, 我都好喜歡, 因佢會一次過掃走皮膚的暗啞, 令皮膚叉足電咁. 所以TM 的Intense care Gold 24K snail 的mask 同cream 我都吸引到我去試.

 我都不是第一次用有黃金成份的東西…由大大塊的金鉑同細細粒的金粉都試過….TM 的Intense care Gold 24K snail 的mask 同cream 的金鉑係細粒嗰種….而且唔係好顯眼……開始, 我都有猶疑佢夠唔夠照架….但用落, 發覺得手喎! 整體效果, 比只是蝸牛成份的skincare 更勝一儔.

 TM_feb_01

先講講mask ~ 佢都係paper mask x gel 的模樣. 內裡的汁唔算多, 但足夠的. 反而係塊mask, 造得比以往的齌snail or snake mask, 更薄, 更滑. 所以造mask 時, 你最好趟下來, 否則塊mask 會滑落. 造完後, 我覺得最amazing 是光澤度上的改善, 另外就是掃走乾紋的能力亦很強. 效果亦lasting.

 

我剛去完泰國, 對腳曬到龜裂 + 甩皮. 所有我這慳家精, 敷完面後, 見塊mask 仲好濕潤吓, 就攞佢嚟敷腳. 第2天起來, 發覺雙腳皮膚不但冇再甩皮膚, 仲又亮又滑.

 TM_feb_02

至於cream, 佢係比較rich 的, 所以滋潤度很夠, 冬天用就一流. 我都覺得佢可以如mask 一樣, 可以提升光澤度 + 皮膚的彈性. 反正$599 有一大瓶, 所以我用埋嚟搽頸位, 一併加強頸部的緊緻度. 初上面時, 佢會有小小油的, 但比小小時間吸收就沒有問題.

 但如你之前先用過Intense Care Gold 24K Snail mask, 你就薄薄塗一點就夠. 因我開頭, 以為多就好, 先敷mask, 後厚上cream, 結果皮膚食唔晒. 但平時, 沒有敷mask 的話, 厚上一點cream 都ok. 尤其以我這底層時時乾爆的人, 舒緩度的確很大. 但如你是油性皮膚, 又喜歡爽身的產品, 那我之前介紹個的純蝸牛cream 會啱你多啲 :  http://www.tastyling.com/?p=2754

 

.