Category Archives: 護膚品

女人的補健品

護膚品

女人, 不同年齡都需要補健品. 真係視乎體質, 去挑選啱自己需要的產品. 補氣血, 補骨膠原, 美白抗氧化, 去水腫…..真係各色其色. 我近排, 就試咗幾款產品, 感覺良好, 就在這裡分享吓.

先講吓, 我係就快半百的老女人. 自細血氣麻麻, 脾虛容易疲倦又怕冷; 有經痛, 又有經前綜合症 (發冷發熱, 水腫, 胃抽筋, 瞓得唔好), 好鬼麻煩. 同婦科醫生研究過, 這都係本人的荷爾蒙產生出來的問題, 但又未至於嚴重到要食藥; 所以咪食吓補健品, 舒緩吓.

韓國正官莊

先係好姐妹博士介紹的正官莊出品的紅石榴液同水蜜桃液.

紅石榴液可以抗氧化, 調節經期內分泌絮亂 (啱晒!). 佢真係好神奇, 第一次食, 嗰晚已瞓得好安穩 (所以最好睡眠前1-2小時食)! 經前綜合症減輕咗, 同埋嚟經順暢咗.

但佢啲味有啲苦(唔難食, 但絕對唔好味). 仲有, 我如果連續食超過3日, 即生暗瘡 (好大粒, 好多膿嗰啲). 我幾位朋友, 食後分享, 都有這問題. 博士就話, 忍一排由佢出, 之後習慣咗, 就唔會出. 但我冇勇氣面對大孖瘡日日生的畫面, 都係月經前 or 月經中, 身體超唔舒服時食sos !

水蜜桃液主要係去水腫. 食完, 個身冇咁墜 (但佢唔係減肥食品). 佢味道幾好, 亦都唔會令我生瘡. 咁平時有需要食吓, 體感輕鬆啲.

其實佢哋仲有一隻熱情果液, 有好高維他命c, 但食咗會開胃, 我唔敢試 ~ 我本身已好大食…..我怕肥架!

呢3隻產品, 1盒有30條 (我每日1條). 原價$380, 官網有折就$342. 不過最抵, 係你同幾個好姐妹夾份買coupons (coupons要去門市買, 但可以分幾次取) $2800 有11盒 = $254/盒.

www.ckjhongkong.com

日本INNESS植物精華

佢係過百種天然及草本成份，針對內脂及調理荷爾蒙的每種有效成份，濃縮調配成植物精華飲料。

佢可以調理內分泌, 從而減輕經期不適. 亦可以改善睡眠質素, 抑制醣份吸收, 改善肥胖和水腫問題. 還能增加皮膚的骨膠原, 改善暗淡膚色. 即係, 佢一枝就combine 咗正官莊出品的紅石榴液同水蜜桃液的功能; 另加減肥效果.

我只食咗1星期, 好明顯皮膚滑咗. 開始時, 我係早餐後服, 我唔覺得睡眠質素改善. 但後來改咗睡前服, 就好好效果. 佢亦冇令我出暗瘡. 但我又未到經期, 所以仍未知佢對付經前綜合症的功能, 有冇紅石榴液咁卓越.

不過, 味道上, 佢係唔好飲 (未至於難入口, 但絕對唔可口; 我都係一啖水吞咗佢) ~ 如果你有飲開別的有骨膠原成份的補品, 你會知我的感覺.

至於減肥瘦身效果, 我暫時係冇感覺. 我相信任何補充品 (唔係減肥藥), 只可以係輔助性質. 如你要有效果, 你係要管好你的intake + 造運動…世上冇捷徑.

我相信, 呢啲補充品要長期食先可以accumulate 到功效, INNESS植物精華一盒14條, 要$439. 但係現有香港限定promotion, $1688 有6盒 ~ 即$281/盒, 抵好多! 我就入咗手2sets (因為佢話, 長期調理, 可以改善手腳冰冷 ~ 所以, 我希望食一排, 今個冬天, 會冇咁怕冷)

www.yoshina-co.jp/hk-iness

SYMA CLARIFYING CREAM AND CLARIFYING GEL

護膚品

我下巴係爆瘡的重災區. 但每個人爆下巴瘡的原因不同:

長期帶口罩, 令毛孔閉塞

本身皮脂多

體質問題 ~ 如腸胃不好, 燥熱, 脾虛

我本人的問題, 係體質原因居多. 我發覺, 清瘡有步驟

如果只係一PAT 紅腫, 冇膿頭. 你最好自己先搽藥. 結果就會係”等運到”. 一係紅腫會消失(FILE CLOSE); 一係就會長出膿頭.

如果有瘡已成長, 最好搵有手藝的美容師替你徹底清理. 呢道真係要分享吓, 我向來唔喜歡比人清下巴啲瘡, 因清咗一粒, 但第2日會生多幾粒. 後來遇上現在的美容師, 我才知道, 我的下巴瘡生得特別衰同古惑. 因表面係有一粒膿頭, 但主膿頭下再會有一堆膿頭仔. 以前啲美容師, 往往忽略咗呢堆 “仔”, 所以, 就算清了主膿頭, 啲”仔”會自己發出來.

但有時, 自己比較心急, 生得一粒又費事去造FAICAL, 自己又唔識GIT. 結果搞到好多疤, 好難清.

之前我曾介紹過, 用CLINIQUEFresh Pressed Daily Booster With Pure Vitamin C, 會令啲印退得快啲 (但如果你稍為冇清乾清, 粒瘡係會再發).

近來, 我試用咗SYMA CLARIFYING CREAM, 清印消炎功效真係一絕. 不過, 如果你係 “谷”緊出嚟, 我覺得佢唔係好幫到你收番粒瘡 (我都係用醫生開比我的藥膏, 收瘡的機會會大啲)

但如果你清咗啲膿 (美容師斷尾清得好, 梗係冇問題) ~ 我指係我自己, 底手清咗表面啲膿, 肯定都仲有殘留. 但你APPLY SYMA CLARIFYING CREAM, 唔單止同你消炎, 只要用多3日左右, 啲印會退走起碼大半. 我連啲千年印都大有改善.

我覺得最佳效果, 係你晚上清潔好塊面, 就厚敷在問題位置(敷過夜). 因為佢好厚, 似MASK. 就算佢叫CREAM, 唔覺得你早上可以搽完就返工. 除非你真係 “心急人”, 你可以用SYMA CLARIFYING GEL, MIX 到佢好薄, 搽在患處. 妝就唔化到架LA, 起碼唔會一pat 白色.

SYMA CLARIFYING CREAM 主要係植物成份, 所以有好濃的草藥味 (我覺得係似雲南白藥). 你搽到冇事, 就可以唔搽. 如果想預防再爆, 你可以一星期敷兩次在災區. 又或者可以mix 1份SYMA CLARIFYING CREAM : 3份 SYMA   CLARIFYING GEL.

其實, SYMA CLARIFYING GEL 本身都幾好FEEL, 佢都可以殺菌同舒緩紅腫 (咁OVERALL 功效, CREAM 強好多). 最好係你可以雪佢在雪櫃, 如果曬完用佢, 好FEEL 過用蘆薈. 同埋佢補水力都幾好, 可以當係TONER 咁用.

而家買呢兩款產品, 都有PROMOTION:

https://storeheshekids.com/syma_landing_july

頸紋

護膚品,

頸部的皮膚比面部的還薄， 大概只有2/3； 連帶骨膠原的細胞都相對少， 所以會很容易缺乏彈性令皺紋跑出來； 再加上皮脂和汗腺， 更是面部的1/3， 這表示保水能力都很弱， 加上頸項本身的紋理都是橫向 ~ 易缺水加紋理深， 都是助長皺紋的。 加上每天都要承托頭部的重量， 再加上生活習慣上， 不停地抬頭和低頭， 都會加快令頸部皮膚疲勞和老化。

要預防頸紋， 可以將面部的保養品都塗抹在頸嗎?

一般情況， 是可以的。 但上文提及， 因頸部皮膚比面部的脆弱很多， 所以對某些人， 如用同一產品， 塗面沒有問題， 但塗在頸上就會敏感 (我就是這樣的人, 頸部皮膚比面敏感很多)。 所以， 你要自己去試試 (如你頸部特別易敏感， 就要小心使用酸性和多活性化物質的產品， 這些產品， 都能有助去皺， 但同時都會比較刺激)。 所以， 如你頸部的皮膚比較脆弱， 不如用頸部專用的產品， 敏感機會會減低一點。

另外， 不要以為， 有個頭 “頂住”陽光， 就不用為頸部防曬哦。 UV都會射到頸上， 加速皮膚老化的。 所以, 塗防曬, 一定要照顧埋條頸.

如何從生活習慣中改善頸紋?

人一天有好幾小時在睡眠； 所以， 選個不高又不矮的枕頭是很重要； 另外就是小點造低頭族。 不過, 對我嚟講, 這知識來得太遲. 我自細都習慣睡高枕頭, 加上頭大負荷重, 我自細都有頸紋問題.

到現在快50, 青春已bye bye, 但我拿捏到幾個points去保養. 說實話, 要頸紋消失係冇可能 (我consult 過醫生, 佢話只有打filler 才可以 ~ which 我覺得無謂. 我無需要咁perfect). 但令啲紋減淡少少, 同冇再惡化落去, 已係一大成就.

1. 定期用有拉提功效的美容機.

我已介紹過幾次, so far, 用了2年, 始終係我no 1 的 Dr.Arrivo Ghost Premium: http://www.tastyling.com/?p=9853

 佢係我so far 用過最好, 又最唔麻煩的美容機. 1星期2次, 每次都係5-10分鐘左右. 對頸, 面同眼袋, 都有正面的回報. 只係佢幾貴, 近$10,000.

佢當然冇醫生機咁勁, 但弱雞的我, 都只能承受到佢2度的power (total 有4度). 當然你有財力, 去揾醫生打機, 都會有效果. 我就選擇自己嚟, 日子有功.

2. 選用頸部適用的護膚品

前文都提過, 我的頸部皮膚超敏感. 要減淡頸紋, so far, 我覺得最有效係用有retinol成份的產品. 但偏偏, retinol 係相對刺激, 所以要細心挑選.

我之前用cdp 的wrinkle correcting concentrate, 有retinol, 但唔刺激. 可惜非常細枝又非常貴.

之後, 放棄, 我就用i-Firm Neck Formula. 佢冇retinol, 我 “主觀覺得”佢冇咁勁. 都唔平, $1xxx

後來就發現GlowBiotics MD Advanced Retinol Renewal Treatment (for face n neck). 呢隻得! 價位ok (30ml $990 ; cdp 係20g, 成千幾)

每晚豪用兩pump 搽頸. 冇敏感, 用咗10日, 已覺得啲紋淡咗dd (收貨la)!!!

佢係可以搽面, 除咗抗皺, 仲有有煥膚收毛孔, 減少黑色素同有效控制賀爾蒙失衡所引致的荷爾蒙暗瘡. 我測試咗一次搽面, 係ok 嘅, 冇敏感. 但礙於, 我成日造outdoor運動, 如搽咗retinol就最好唔好曬到.  我又怕, 出咗汗, 又補唔切啲防曬, 咁對皮膚反而有反效果. 所以, 我夏天就唔會用佢嚟搽面.

而家到7月31日, 去官網: https://www.glowbiotics.com.hk/

買GlowBiotics MD Advanced Retinol Renewal Treatment, 使用promo code：GLOWGETTER可享有8折 = $792!

2021防曬分享

Uncategorized, 護膚品

好多人都搞唔清, 防曬系數, 幾多先夠? 物理性防曬同非物理性防曬的分別? 以前, 在成報寫過以下分享, 再同大家recap 吓:

先講解基乎所有防曬都會用上的指標:

SPF (Sun Protection Factor) 防曬指數, 是指在日光下, 可以為你提供多久保護, 令你免被曬傷; 因每人的膚質不一樣, 而扁白的人的耐曬能力會比偏黑的人差; 所以, 就算在同情況下, 需要的SPF 就相對要高些少. 例如, 你一般10分鐘就會被曬傷, 用了SPF30的產品, 你就能延長被曬傷時間30陪, 即300分鐘.

UVA: 是紫外光的一種, 能深入皮層, 令皮膚衰老, 失去彈力, 出現黑斑

UVB: 也是紫外光的一種; 但主要影響表皮, 令皮膚通紅, 變黑 PA: 目前, 最多有4個+. +越多, 對抗紫外線的能力越強. 但PA多數在日本的產品通用; 歐美品牌, 不是每一個都會標明.

而防曬產品, 就多數分為兩大類: 

物理性防曬: 相比化學防曬的成份, 會簡單好多; 主要能將UV反射. 但相對化學防曬的質感, 會厚身和笠一點. 

非物理性(化學防曬): 成份可以很複雜. 主要是吸收並分解UV的有害物.

而目前, 有些產品, 會是兩者的混合.

到底要幾多SPF才夠呢?

那就要視乎你的膚質和要承受的日曬時間有多久.

如一般OL, 只是來回公司, 那SPF15-30 就足夠. 如要參加戶外活動, 當然就要SPF30以上, 兼具防水防汗功能的為佳.

因高效防曬的附著力很強, 如清潔不好, 會堵塞毛孔. 長期使用, 會令皮膚構成負擔 (會長粉刺或容易引發敏感).

所以筆者建議, 晚上最好用溫和的落妝產品, 確保所有殘餘防曬被卸清.

該用物理性防曬或是化學防曬?

如你本身有皮膚敏感, 用物理性防曬比較好. 因成份肯定溫和一點, 而且UV被反射走功能, 亦是減低敏感的要因. 但因為物理性防曬的質感偏厚重, 油性皮膚或暗瘡肌則可能不太適合; 所以自己衡量.

塗防曬記得要塗上足夠份量. 如出了汗, 游完水, 都要快點抹乾身, 再補搽. 如化了妝, 亦可以補搽的: 你可以選用SPRAY ON 的防曬, 或用有防曬功能的碎粉去補妝.

另外, 就係本年度最大嘅問題: 帶口罩 + sunblock, 好容易引起暗瘡問題.

因為長時間口罩, 你說話時的口水飛沫加汗水, 再加sunblock, 係好容易滋生細菌和block 毛孔. 本人有幾個方法 

  1. 常更換口罩 

2. 如果你只係多室內活動, 可以防曬只塗在口罩對上的範圍. 又或者, 乾脆不塗, 外出就要打太陽傘 

3. 就算冇化妝, 晚上都用溫和的卸妝產品, 再好好洗面.

以下幾款, 係我近來常用的防曬產品, 有平有貴. 我的宗旨係, 如戶外多, 消耗快, 用經濟的. indoor 多, 時間長, 用貴的.

平貴的分別, 多數貴的會聲稱多啲護膚功能, 冇咁易block 毛孔. 但如果講搽上面的感覺, 其實平價的都一樣唔會笠, 好輕盈.

EVIDENS DE BEAUTÉ三重膠原全面隔離防曬霜SPF50 PA++++

佢係超貴, 30ml 都$9xx, 仲唔係道道有得買. 但搽上面, 佢真係好滑, 就算帶埋口罩, 你到唔會覺得成面笠. 市面係有啲搽上面, 會好似有層粉咁的sunblock, 相當清爽. 但係遇著你皮膚底層乾的日子, 呢啲sunblock 好似會令你更乾.

但 EVIDENS DE BEAUTÉ係潤得嚟清爽. 如果你有小動物, 你就知搽完SUNBLOCK 好易痴到成面毛. 而 EVIDENS DE BEAUTÉ係可以令你減少這問題.

這是本人大愛 ~ 只係佢實在太貴……..不捨得豪用.

AMOREPACIFIC TIRPLE DEFENSE SUN PROTECTOR SPF50+ PA+++

可惜, 佢已DISCONTINUED. 冬天用係一流 (唔會令你出乾紋; 所以, 如果夏天你在冷氣地方多, 都啱架) 但夏天室外用就有啲笠.

但佢防水防汗一流, 有能抗氧化. 所以, 我夏天造OUTDOOR 時, 出門前會搽佢. 但之後, 會用經濟版的SUNBLOCK 補.

其實, AMOREPACIFIC 有新的SUNBLOCK, 比呢款清爽好多. 但記憶中係幾貴,唔同埋防曬系數冇咁高. 所以, 如果用貴嘢, 我家吓就選EVIDENS DE BEAUTÉ.

GLOWBIOTICS MD 全物理抗氧防曬霜 SPF30

因為我怕笠, 我相對少用物理性防曬, 但GLOWBIOTICS MD算係我用過的物理性防曬產品, 相對唔笠的.

佢最特別係有益生菌成份，性質溫和, 適合所有肌膚，包括暗瘡肌、敏感肌、和醫美療程後用. 孕婦及小孩亦適用. 我早幾排爆暗瘡, 用佢都冇問題! 而且防汗效果不錯.

佢有小小柔膚功能, 妝感唔重的. 我就算現在皮膚冇問題, 都會久唔久用佢, 比皮膚休息吓.

而家到7月尾, 去佢哋官網買, 有DISCOUNT~  Promo code: GLOWGETTER 全物理抗氧防曬霜 原價：$580 優惠：$464

全物理抗氧防曬霜SPF30

KOSE UV PERFECT GEL SUPER WATER PROOF SPF50+ PA++++

夏天, 我每星期都會去海灘, 佢係我最佳的伴侶. 玩足全日 (記得每次上水, 抹乾身, 都補吓); 都冇晒傷. 佢質地好水潤, 好易搽上去, 絕對唔會笠.

早排, 春夏交替, 我仲有去行山, 都係用佢. 因為試過有次太熱, 出超多汗, 皮膚嚴重缺水. 我用爽身的SUNBLOCK, 係上唔到. 只有用佢, 先食得住.

BIORE UV ATHLIZM SKIN PROTECT SPRAY SPF50+ PA++++

呢隻有枝裝液體同SPRAY裝. 枝裝, 就係好清爽, 搽上身彷如搽粉嗰啲. 係好爽, 但當皮膚缺水, 就會唔貼. 當然, 真係冇幾何, 皮膚會缺水成咁. 你正常運動的日子, 係GOOD 的.

但我更愛佢嘅SPRAY 裝….因為可以用在頭髮上. 玩得戶外多的人都會懂, 頭髮和頭皮都會被曬傷, 所以, 佢真係幫助到你. 同埋佢爽, 所以噴上頭, 都唔會 “成頭油”……VERY NICE!

SYMA NOURISHING CONCENTRATE ESSENCE

護膚品,

我用SINCARE, 係平貴都會用

最緊要有效果, 性價比要合我心水

之前介紹咗SYMA  24 Whitening Double Up Essence Mask, 真心覺得驚喜, 撞啱3月有PROMOTION ~  1SET 才$288,  有:

1盒 24 Whitening Double Up Essence Mask (原價$138)

1盒ANTI-AGING FIRMING ESSENCE MASK, (原價$320)

1 盒MULTI-VIAMINS MOISTURIZING ESSENCE MASK ). (原價$320)

好在, 我HUR HUR聲入了兩SET MASKS ~ 現在冇架la ! 不過, 用了3款, 我私心覺得24 Whitening Double Up Essence Mask係最好用.

Moist 24 Whitening Double Up Essence Mask

講多小小SYMA (引用官網):

SYMA成立29年。所有產品遵循台灣化粧品GMP規範， 提供品質的保證。SYMA在台灣、香港、瑞士設有生產線，因應亞洲人皮膚特質及氣候， 特別研發適合亞洲人使用的護膚系列產品。設有美白、防曬、淡斑、淡紋、舒緩過敏性肌膚及改善毛孔粗大等獨家配方。

家吓, 機會又嚟la, 今次係新出嘅SYMA 滋養精華液有promotion (本身$399, 家吓 $1 就得; 不過要加$60 行政費 + delivery. 咁都係$61, 抵到不能!)仲可以用$100 加購1盒 24 Whitening Double Up Essence Mask. 但係SYMA 滋養精華液絕對有驚喜 ~

呢個係官網介紹:

這款美白精華的主要成分包括大豆水解蛋白、桑根萃取物、光果甘草根萃取物、洋甘菊萃取物等。在淡化色素、白皙肌膚、抗菌消炎方面是你的護膚好幫手

  • 光果甘草根萃取物：抑制黑色素母細胞的活躍度，還具有良好的抗氧化能力，使膚色得到淨化的同時，還使皮膚維持平穩，減少敏感
  • 洋甘菊萃取物：不僅舒敏抗炎，還有效抗菌、抗氧化、防止肌膚多生粉刺等功效
  • 桑根萃取物：抗氧化、提亮膚色
  • 大豆水解蛋白：對肌膚有高效的保濕、調理作用，加快肌膚新陳代謝、煥發生機

而且這款精華非常溫和，哪怕是敏感肌也能使用，打破美白精華都很刺激的傳統

我個人用後感:

  • 絕對係溫和; 我去完沙灘曬完用佢, 都唔會敏感
  • 補濕一流. 晚上搽完開冷氣瞓, 第2日, 皮膚水份都係好pump pump
  • 用了1星期, 皮膚係透亮咗. 連朋友都看得見
  • 仲有非常清爽, 早上用完帶口罩, 都唔會覺得笠
  • 真係唔駛搽粉底, 皮膚都見得人! (佢有以前CDP WHITENING ESSENCE比我的感覺; 但價位就係1/5)

唯一, 我係覺得佢有小小香味. 如果冇味, 就perfect! 另外, 如果只aim for 去暗瘡印, clinque 的維他命C會勁啲, 但如果有傷口, 佢會嗱到你飛天. 同埋皮膚薄的人, 會有小小蟻咬的感覺. 不過, 如用SYMA 滋養精華液, 就唔會有任何不適的感覺.

SYMA 滋養精華液絕對係性價比好高的產品!

佢冇實體店, 可以從官網買: https://www.heshekids-store.com/products/syma-nourishing-concentrate-essence

記得睇真啲, 今次PROMOTION 係2揀1

1. 2 x 滋養精華液 5ml + 1 x 小心面滑煥白水潤修護面膜4片

OR
2. 滋養精華液 50ml + 1

我梗係揀2 + 加購24 Whitening Double Up Essence Mask 一盒.