Category Archives: 化妝產品

性價比超高的3INA

孤陋寡聞的我, 以為3INA係韓國牌子, 完來係來自西班牙, 有4大堅持:

  1. 化妝品均由歐洲製造
  2. 不含防腐劑 (所以開封後, 最好按說明限期內用完)
  3. 不做動物實驗
  4. 外包裝採用可回收材質

如圖中的logo, 則代表開封後, 18個月內用完.

我尤其BUY 佢point 2-4, 但我都同3INA的化妝師說, 那你們的產品不要這麼大件吧 (雖然一點都唔貴)….1年內, 點用得完.

雖然當天係PRESS EVENT, 主推mix and match 唇膏set, 但台灣來的化妝師跟我介紹了好幾樣皇牌產品, 真係非常有驚喜 (無論質量或價位). 我即乖乖放下銀両, 買了好幾樣:

OLYMPUS DIGITAL CAMERA

cream shadow

佢哋嘅cream shadow, 出名防水, 游水都唔會甩 (但用eye makeup remover, 一抹就卸到). 當中313 (金銅色) 係最好賣. 化妝師教, 只要搽上眼, 推勻 (質地好軟, 好易推), 待佢乾咗, 啲色就會好lasting. 我即場試, 真係捽都唔甩. 買!

所以, 我就買埋佢嘅黑色cream shadow, 當eyeliner gel 用. 話晒, 佢唔係eyeliner gel, 如果講到 “濃黑”, 佢係唔夠的. 但對我來說, 因除咗化smokey eyes, 我唔喜歡眼線太黑的; 所以平日用, 佢係good enough…..真係唔溶的.

不過313 的cream 好軟身, 你看, 用了幾次, 我又冇平放, 佢係會瀉埋一邊.

OLYMPUS DIGITAL CAMERA

圖: 用咗黑色cream shadow 畫的眼線.

唇膏

質地超多選擇, 有潤的, 啞色的, long lasting 的….

pick & match 的promotion set (可以自己揀唇膏色, 再套入自選的唇膏套內; 每枝$99). 以下係我心水色:240, 533, 584, 114.

另外, 好賣的染唇釉503 同505 係乾燥玫瑰色….我自己就買咗505 !

Make up base and Loose powder (or compact)

化妝師仲話, 我must try 佢哋嘅makeup base 同loose powder; 我心諗, 有幾特別呀 (我屋企的base 同loose powder 多到可以搽身, 我係絕對唔會輕易買的).

佢叫我試在虎位…因最多紋.

左手:

  1. 先搽咗base….我覺得啲紋係blur 咗dd, 但又未至於amazing
  2. 再搽埋碎粉 (透明色)….一啲粉樣都冇, 啲紋就真係blur到去我滿意的地部

右手

冇搽base, 只上碎粉….好明顯有粉樣同啲粉卡在啲紋裡面. 但說句公道話, 啲粉好幼, 拍得住別的品牌嘅高清碎粉架. 卡粉, 只係我虎口的紋太勁.

之後化妝師就只用碎粉, 同我試了一個, 好amazing 嘅效果

  1. 佢先用一枝滋潤型的唇膏, 畫在我手背….唔洗講, 一捽就化開
  2. 佢再在唇膏上, 印上碎粉………再叫我捽……..哇!!! 係捽唔開架!!! 可見其定妝能力幾咁強!!!

唔駛講, 買LA !!! BASE 有保濕同控油兩款, 我揀控油 (比較適合夏天). Loose powder , 我就買咗粉餅裝 ….方便帶出街補妝嘛.

胭脂

啲色真係好出, 顏色唔多, 但隻隻都靚. 我自己就買咗102 (dirty pink) 同100 (baby orange). 但我估唔到, 人氣王係105, 一隻偏啡調的胭脂 (對我來說, 造shading 就合適)

OLYMPUS DIGITAL CAMERA

Highlight and Shading

佢哋有2款 (1盒有4色)的光暗影產品. 一款有啡色, 比較係啞緻, 係適合打shading; 當然, 佢有2格係白白地, 你可以造highlight.

我就選了隻4色都係帶亮的, 所以不能用來打highlight. 但啲色好靚, 可以造眼影都ok. 搽咗胭脂, 沾小小highlight 在apple cheek, 成塊面好有光澤!

不過要留意, hihglight 的粉比較軟, 用了幾次, 發覺個邊啲粉會甩甩哋….即係你要小心, 唔好壓佢或跌…..應該好易碎.

妝1:

  1. 用咗base, 先上自己的foundation; 再用3INA的透明色粉餅定妝. 早上到晚上 (仲入廚房煮埋晚飯), 個妝都仲見得吓人. 佢嘅粉, 真係定妝力好強.
  2. lip 就係505, 乾燥玫瑰紅

妝2:

  1. 眼係先用cream shadow 313
  2. 再用highlight 的橙紅色印上眼蓋
  3. 胭脂用了100 baby orange
  4. 再用了HIGHLIGHT (4色mix 埋), 搽在apple cheek

KANEBO vs Kanebo

如果你對底妝有要求,
base, foundation, loose powder or pressed powder 都一定不會少

有些人喜歡陶瓷般的無瑕感
而我, 就一直喜歡自然剔透, 看到皮膚的質感, 凸顯好膚質的感覺的底妝
但相對地, 遮遐度的要求就不會太高 (總之, 看真人會睇到小小瑕疵, 但影相就看不就ok;)

這全大草的KANEBO, 係Kanebo 新出的高端化妝品
高端之所在, 乃佢地係加入更多珍貴的養份,
令妝感提升之餘, 也有不錯的護膚功效

Base 有兩款:
KANEBO TONE UP PRIMER: 雖然佢係淡綠色, 但不只是為面色汎紅的人而設
反而, 任何膚色都OK, 能有不錯的提亮感, 令你散出自然的光澤

KANEBO REFINING PRIMER: 佢係帶點CREAM 色, 能優化肌感, 仲可以修飾細紋和毛孔, 並能淡化瑕疵.

我分左右面, 試了兩隻PRIMER:
私心覺得KANEBO REFINING PRIMER更適合我的需要; 畢竟快半百, 所以修飾細紋和毛孔, 為首選. 的確, 如你罪求光澤感多啲, 咁KANEBO TONE UP PRIMER會啱你多啲. 但用後, 兩者都即時令皮膚變得好幼嫩, 令粉底很易推

亦是私人習慣, 我係prefer 正常濕粉加小量碎粉去定妝. 粉餅雖然方便, 遮瑕亦比較高, 但我就很少只搽粉餅.

所以右邊面, 乃我心水組合: REFINING PRIMER + LUSTER CREAM FOUNDATION + CONTROL FINISH POWDER

LUSTER CREAM FOUNDATION, 保濕度高, 質感幼滑. 可以打造不錯的水漾感. 可以配合佢嘅百搭FOUNDATION BRUSH (纖維); 可以先整面薄上; 之後, 再在有需要位置, 印多幾吓去加強遮瑕度.

之後, 你可以將FOUNDATION BRUSH在紙巾上略略抹走濕粉; 再用佢沾CONTROL FINISH POWDER去定妝. 但上CONTROL FINISH POWDER的手法很創新: 你是如搽胭脂一樣, 由髮線往面中央掃過去. 這有助增強立體感, 又能保留面中央要凸顯出來的水光感.

而左邊面, 乃懶人之選: TONE UP PRIMER + LUSTER POWDER FOUNDATION (pressed powder)
我以為搽完primer 就上pressed powder, 會 “粉樣”……點知又唔會喎…..感覺係比較似搽上正常遮瑕度偏高的濕粉一樣……真係一步就造好底妝遮埋瑕. 可能有PRIMER 打底, 所以, 個pressed powder 好易推.

所以, 要厚要薄, 你自己喜歡!

後話:
即時化完, 用肉眼好細心望, 係分到兩隻唔同primer, 濕粉和粉餅的分別
但過咗鏡, 幾者的分別, 就唔多明顯 (所以, 我都費事show相)

不過….的確個底妝好long last…….這相係晚上10點幾影 (我係3點幾去counter 試); 咁多個小時, 乜都冇補過……睇吓幾咁貼!

ARMANI TONE-UP CUSHION 雪紡水光氣墊精華粉底以及ROUGE D’ARMANI MATTE 絲滑啞亮唇膏

GIORGIO ARMANI 新出的TONE UP CUSHION
係粉紅色盒. 與之前紅盒ICONIC CUSHION那款的分別, 係紅盒偏水光感; 粉紅盒就係帶珠光感. 兩者都有很好的護膚成份, 令你化妝同時護膚.

佢仲有抗污染成份, 對於養貓的我, 係一大BONUS ~ 因我發覺, 用了抗污染成份的產品, 啲貓毛冇咁易黏在面上.

紅盒係SPF23, 粉紅盒就仲低啲, 只有SPF15; 所以我自己先會上一層高防曬的BASE. 這特別適合皮膚不錯的日子, 你想show 到皮膚的質感, 但又帶點珠光去提升好氣息 + 令皮膚看起來很有活力, 很飽滿 (論遮瑕度, 紅盒勁啲). 所以BA 推介, 很多客早上返工前會用紅盒; 但會帶粉紅盒出街補妝, 就兩者的益處都盡得.

另外BA仲同我試咗講於8月20日出的ROUGE D’ARMANI MATTE 403 色…紅得嚟又不太霸氣, MATTE 得嚟, 又唔係乾枯…真係恰到好處!

看我在陽光下, 用咗粉紅盒, 啲皮膚真係靚到不得了! 個唇又係非常之不得了!

半永久眉之飄眉.霧眉 (2: 過程)

霧之前, 第一件事係同你畫啱眉型. 我唔主張條眉跟潮流, 啱番你自己的面型就好. 我自己一有表情時, 有會chik 眉, 天生都有高低; 令外, 就係眉山到眉尾嘅角度唔夠好. 所以, 我要求改吓個尾, 啲色要淡啲 (因我會chik 眉, 如眉色太強, 會凸顯我這缺點)

畫完, 你又覺得滿意後, 就可以敷麻藥, 之後就可以落手造. 有美眉師喜歡用電刀, 有些就 “手動”…有些就兩者混合. 其實真係好視乎美眉師的習慣. Kenia 就比較喜歡 “手動”, 即手工眉.

至於眉色, 你亦可以自選的. 我就選了比較淡的色. 如果平時唔化妝, 都ok. 但如果化妝, 就要用眉筆補色.

過程就好似一針針督啲色入表皮…力度要均勻. 過程冇乜痛 (有麻藥嘛)….但有時麻藥開始散, 你覺得有啲”吉”嗰時, 就要通知美眉師加啲麻藥. 總之, 你不要忍痛.

全程大概3小時左右 (畫.敷麻藥.霧). 即時造完會有以下:
1. 啱啱造好, 啲色唔太深的. 但過一會, 會慢慢深咗. 但這不是你的 “真色”. 脫焦後, 起碼淺一大半
2. 看起來, 會比預期粗小小. 但這亦不是你真正的粗度. 脫焦後, 個粗度會縮水 (大概10-20%)
3. 但就算眼前條眉係偏深色, 但你都可以清楚見到深淺有序. 唔會死實實, 同一隻色的.
4. 大概個多小時, 啲麻藥會退晒. 唔會感覺都好痛 (有小小感覺的), 但好似有啲嘢張住條眉咁. 我自己就冇乜嘢….不過如果覺得腫痛, 可以用冰敷吓. 當晚 (都過了幾小時), 我冲涼淋濕面都冇問題. 只係冲完涼就盡快輕力印乾條眉.

我係6月9日造的 (DAY 1)

           

6月10日 (DAY 2)


可以化妝 (不過你梗係唔好畫眉la, 亦冇此需要), 可以正常洗面. 只係你洗完, 盡快印乾
條眉如素顏看, 係深色啲….但化埋妝, 拉近番個對比, 會易啲接受
我有輕輕摸過條眉, 有焦的感覺, 但唔厚的…..眉頭直情冇焦.

6月12日 (DAY 4)


眉尾啲焦, 開始有小小裂開 (正常的)

6月14日 (DAY 6)


裂紋更多, 明顯咗….有小小痕

6月15 日 (DAY 7)


開始甩焦, 洗面時, 會有好薄, 一小片的焦脫下來. 仍然有啲痕癢

6月16日 (DAY 8)


係成個過程最樣衰的一日, 但我厚顏, 照出街的.
這天的甩焦速度好快, 到晚上, 基本甩晒 (甩出來的到幾大片, 但啲焦係薄薄的)


亦係最 痕癢的一天. 但晚上甩完就唔痕

6月17日 (DAY 9)


早上甩得99%, 洗完面就甩清. 啲色會淡啲…但過多幾日, 又會回色..深番1度

回埋色, 乜都啱啱好…….0妝 (霧了眉和之前造了眼線), 個樣OK架

出街時, 只畫了眼線…冇粉底…..非常自然

化全妝時, 就攞眉筆略略加深啲色 (不過有個型, 真係好易畫)

後話: 過多個月, 再會去補色. 會令顏色更均勻同持久.

但要留意, 原來面油多的人, 可能上色冇咁好, 持久度都會差啲
仲有, 如果敷有美白成份的mask, 就最好避開條眉.

6 – 8 JUL 2018, Lane Crawford X Times Square PROMOTIONS

我今天, 只係去cdp 造SYNACTIF facial
除咗lacer facial, 這係我定期去造的facial
已在FB 介紹過好多次, 係物超所值的
我去過SOGO CDP 同 TIMES SQUARE Lane Crawford CDP造
價錢一樣, 美容師的手勢都一樣,
但Lane Crawford CDP的facial 房大啲, 華麗啲同清靜啲 (sogo 間房好細, 我瞓值會頂腳的)

ANY肥, 這趟去造FAICAL 的另一主旨係格價
因下星期會去日本
梗係會入CDP (一般比香港平 20%, 如在當地機場買, 只要去啲唔好咁顯眼的DUTY FREE, 可能會再平啲 ((上次, 門口大的DUTY FREE 乜都冇得送, 但行去遍遠小小的, 買夠10000YEN , 就折1000YEN, 仲有好多GIFTS))

但係SYNATIF, 我在網上CHECK 過, 成田機場內的DUTY FREE 冇 (我飛成田. 如飛羽田, 就會有少量 SYNATIF), 要到市內的大型department stores ~
嗱….但你又唔好去新宿伊世丹之類去買喎……因遊客多, 好多時會冇貨….就算有貨, 都冇乜free gifts 比你.
去啲冇咁多遊客嘅department stores 會好啲.

因我今次打算括出去買SYNATIF 的night cream 同 eyecream set (包6片eye masks)
厚顏嘅我向BA 表明, 我係CHEAP 精, 只係嚟格價, 會在日本買 

SYNATIF 的night cream HKD9800 (日本價120,000 YEN, approx HKD8500)
SYNATIF Eye cream set HKD4800 (日本價 60,000 YEN, approx HKD4200)

BA 就同我講, 香港買, 仲free 兩個 SYNATIF facial: $1200 * 2 = $ 2400
有SYNATIF samples 送 (後來, 我再發揮cheap 精本色, 再ar 多幾份samples)

今天開始, 3 天…..買夠HKD8000, Lane Crawford 會送$1000 cash coupon (要買正價衫或鞋). 就係咁, 我只係比咗 $99, 就有對剛上市的新鞋.

都係這3天, Times Squre 又可以登記造member, 啲points 可以double up. 即買$10,000, 就當$20,000, 送足5份禮物 (要留意, 名額有限, 手快有! 所以, 我即時買多小小嘢, 夠數就一次過換晒所有禮物):
1. kiko full size lip stick
2. 花花手袋
3. Givenchy travel set
4. Bare Minerals FULL SIZE 光感定妝粉
5. 最不得了的ysl SPF50 Cushion (可以上counter 揀色, retial $480)

仲有$100 logon coupon

唔知點解, 又可以再上2樓登記…又有多$100 log on coupon, 一大堆抽獎券, 同一枝urban decay lip gloss

後話:
1. 個SYNATIF eye cream set 會留番在日本買
2. 嗱…..在香港買晒成SET SYNATIF, 都要$16XXX, 送3個FACIAL. 如半年內, 買多3件產品, 就送多個FAICAL, 前後4個. 對我來說, 唔吸引. 同埋枝香薰我覺得係廢的 ~ 無需要買
3. 我個人又真係覺得唔駛用晒佢成條LINE (雖然BA 話用晒效果最好)
4. 覺得個CREAM 係最得手, 不過我都唔係天天用. 偶爾SOS, 就夠