Category Archives: 我的婚禮

同自己試妝

tata's workshop ~ 新娘造型, 我的婚禮, , , , , , , ,

雖然我有AIRBRUSH, 雖然我BIG DAY 一定會用AIRBRUSH

但係我的AIRBRUSH KEEP 在workshop, 所以平時同自己化妝, 我好少用佢

 

這天得閒, 就在workshop 同自己化一次, 順手time 吓自己用咗幾耐; 費事到時自己over run, 老貓燒鬚. 自己化, 大概30-45分鐘左右就得.

anita_sep15_01

影得人before 多, 自己影自己就真係好少. 正在”恭候”大姨媽光臨, 所以荷爾蒙斑深色咗, 又有凸起的瘡, 基本上皮膚處於一個月最差的狀況. 面色又黃又青….應該係成個月最差嗰日. 至如要”改善”的地方:

  1. 我本身一笑就會chik 眉, 所以影相時, 眉永遠一高一低….這點冇得救, 除非打botox 去癱瘓咗佢. 但算…識我嘅, 都知我係咁…所以將眉畫平小小就算.
  2. 眼妝係用最淡嘅藕色, 聚位用灰色….眼線拉長啲就得. 我唔駛smokey eye 或太華麗嘅感覺. 真人都係有妝感, 但上鏡清清哋就得. 因我啲衫都係簡單款, 髮型都只係梳個髻, 冇花巧嘢.
  3. 只係左眼比右眼細啲, 所以用膠紙調左眼就 冇打算化大對眼, 所以睫毛都係用公主李交叉7一對
  4. 眼一開始疲倦, 就會有果好深嘅眼窩, 右眼會出n條眼皮…..所以眼妝不適合太重. 否則會顯老.
  5. 啲色斑我遮到上鏡睇唔到, 見真人仲會有小小 (但要好近望先見到), 因就算用airbrush, 我都想個妝盡薄. 至於凸起的暗瘡和眼袋…係冇得遮.

 

其實用airbrush 可以自己調節妝容的 “水光”感覺….如皮膚夠好 + 夠時間比佢然風乾 (即唔落碎粉), 那水光感都會keep 到架 (但當然風乾後, 水光感會略為降低). 但皮膚唔好, 就唔好咁搞法la.

 

近影, 看到水光感吧 (所以我要努力護膚才可以)

anita_sep15_02

其實妝容冇變, 如過影相位置好光, 其實整個妝都會變得淡咗. 所以, 真係唔可以化得太輕

anita_sep15_03

但相對嚟講, 已比之前化去影pre-wedding 個妝輕好多

anita_sep15_03b

本來諗住畫吓紅咀, 但後來覺得畫咗紅咀就唔可以食嘢…同埋, 都係屋企人食飯, 唔想個樣太過勁…..所以都係略略用紅小小的lip stick 就算.

anita_sep15_03a

 

後話:

咁熱天氣, 我係化咗妝, 出咗去行街食飯再回家, 都起碼6小時以上; 當中冇補過…..但係真係冇乜點溶….連我奄尖的母后都大讚個妝好貼薄有光彩 ~ 但好戲在後頭:

 

媽: airbrush 真係得, 你嗰日都要同我用airbrush

我: 但要皮膚好嘅人先會咁靚 (其實係想講, 你aging skin, 唔駛用la)

媽: 咁就啱晒我la….我啲皮膚咁好….你話同齡嘅人, 邊有我咁好皮膚….你啲皮膚咁好, 都係我遺傳比你!

我: ……………….

媽: 咁你幾時同我試妝 ?

我: ………………

 

我係一個衰mua, 只會同新娘trail, 媽媽妝, 姐妹妝係冇得trail…………估唔到比天收…….我要同位咁有要求的 “媽媽” 試 ~ 而佢, 就係時時話我, 化唔出客人 “內在美” 的人…

 

但問佢 “內在美”點化架………佢會答: 你係mua, 你自己諗吓la!

 

 

Our invitation card

我的婚禮,

向來, 我對invitation card 的要求就係 “唔好煩”

因大部份人只會看完就掉; 所以只要 “開飯” 資料成功傳遞就ok

 

我擺酒的地方冇包帖, 所以要自己整

諗過去淘寶買, 但朋友仔冇介紹, 我亦費事搏

 

諗起好多年前, 收到一位日本朋友的invitation, 真係好喜歡

只係一張卡通畫的postcard , 好得意. 這是我多年來, 唯一keep 住的invitation card (可惜後來母后都 “睇中”咗, 並具為己有, 造咗書籤)

 

所以問準長老們, 就決定用post card 的format

 

相嗰方面, 我唔想用自己的wedding 相

一來, 我不是model, 不想一開封就嚇大家一鑊

2來, 唔想”我們” 被掉進垃圾桶n 次

 

有上過收費網站想買幾張相用….但又好似唔夠 “個人化”

後來我男友話, 不如用佢之前影的相….一對熊貓

 

好到極 ~ 因好多朋友都會叫佢功夫熊貓

另外, 就係嗰張相, 係我哋啱啱開始拍拖時, 去睇熊貓展時影的; 對我們來說, 都有點意義

 

我唔識photoshop, 又唔識design 下, 造了個山寨版 (只係加篤胭脂比熊貓乸 + 寫上 “save the date” (有朋友提議, 反正我識畫畫, 不如自己畫…..no la…..我都係喜歡繼續游手好閒)

IMG_1202

另外INVITATION 要有兩隻色, 以識別午宴及晚宴 ~ 我只諗住啲文字印唔同色就算

 

好在後來我小學同學幫手, 將我的山寨版改得好PRO (加上竹葉, 帖的字兩張都唔同, 底色亦唔同; 仲加咗對公仔…..好有心思) ; 跟手仲幫我哋印埋. 雖然成本比E-PRINT 貴, 但係這家印刷公司係佢哋合作開, 質量有保證 + 朋友可以跟得足啲…..咁當然交托朋友搞掂.

IMG_1380

由於PRINTING 冇包信封, 所以朋友仔仲比埋紙業店的地址我去買:

IMG_1388

我這個懶人, 除咗揾裙係親力親為….其他事項, 都係靠朋友仔介紹, 甚至同我哋搞埋……所以, 到目前, 仲係非常 “游手好閒”

出外靠朋友! 多謝你們

 

以下是各方好友提供的有用tips:

  1. 因就咁上網search 相, 啲resolution 可能好細, 亦有版權問題; 如你唔介意花小小, 可以去 http://www.istockphoto.com/ 買; 幾廿蚊美金就得.

 

  1. 如自己print, 朋友都推薦 http://www.e-print.com.hk/ ; 都係唔貴, 但朋友話, 起碼用300g以上的紙才夠硬

 

  1. 買信封入帖可以去: 永信紙業, 中環歌賦街49號地下 tel: 2542-2393 (信封有平有貴, 有好多色同 我可以攞埋帖去試吓入到冇先買, 又可以睇真吓啲色同texture……掏寶都有信封賣…但冇實物睇咗先嘛)

 

 

我的Pre-Wedding @ Palau Weh

我的婚禮,

Palau Weh係印尼的一個島, 因為係山卡la, 要轉內陸機再坐船先入到去, 所以未被污染, 係潛水嘅好地方. 這地方對我哋嚟講, 好有記念價值, 估唔到結婚前可以再去, 所以就拜託幾位會影相的團友, 同我哋影番輯, 留個念.

 

事前, 我唯一要準備的, 就係上淘寶買件婚紗. 經朋友介紹 (她那件淘得不錯), 就去了天使的嫁衣: http://tianshidejiayi.taobao.com/  , 買了件人仔二百頭的婚紗. 朋友比咗好好嘅意見 ~ 就係盡量揀tube top + 後面綁繩的 ~ 可以大大減低唔啱身嘅機會.

weddinggown

但我希望揾番件同我的vera 有啲似嘅款, 所以就揀咗佢…..但實物同相片落差好大 (cutting + material 都係兩碼子嘅事, 條拉鏈好弱, 真係驚佢會爆開) …..不過只係二百頭, 你想要啲乜?! 影相ok咪算. (不過, 如果聽從朋友意見, 的確可以避免我以下的問題)

 

雖然佢有size chart, 而我亦有比多次我嘅size 佢 ~ 因我比較高, 要長啲 + 胸位要細啲….在網上跟廠家聯絡時, 佢哋話可以同我改…..當然, 嚟到時, 就冇改 ~ 婚紗吊腳的 + 胸位造得太高, 好怪. 雖然佢有好多紙口位比我改, 但我cheap嘛, 唔想比多幾百出去改, 反正只著一次. 好在有朋友係家政高手, 同我用絲帶去駁長肩帶位 + 用線鎖緊胸口位, 成個效果就好好多.

 

去到, 梗係日日潛; 但團友都好有心, 利用休息時間, 同我哋影咗兩次. 第一次, 可惜水退, 但影到好靚的日落.

__ 2

__ 3

但第二次, 潮漲但就作落雨, 所以天色麻麻. 但都將好多珍貴的片段留下來.

__ 1

 

自從開始搞結婚啲嘢, 事事順利 + 可以省好多, 都係多得各方朋友出力幫手. 所以, 我跟他都是幸運兒.

 

__ 4

我的pre-wedding 攝影 @ 3V

我的婚禮

影PRE-WEDDING 對我嚟講, 只係一個紀念 + 人有我有. 當然, 都希望靚靚哋, 但above all, 一定唔可以煩:
1. 唔會去歐洲影: 之前又要BOOK 攝影師, 又要自己帶衫, 帶化妝品, 仲要好長TRAVEL…去到如遇上壞天氣, 就真係攞嚟搞.
2. 有朋友SUGGEST, 不如試吓去韓國影 (全包, 去到有衫有化妝)….咪LA….都係煩…見人哋去到要翻譯帶去揀衫, 又要影N 個景…櫻花或紅葉係好靚, 但天氣會凍, 叫我著住婚紗影?!…咪搞.
3. 一開始, 有諗响香港揾攝影師影….但奈何, 喜歡的攝影師只影室外….LA ~ 我又係怕煩怕辛苦…成日撲出去, 又要自備多SET衫 (因BIG DAY 嗰啲GOWNS, 真係影外影時, 整爛整烏JO 就唔好LA)…成日在外好辛苦….影吓室內, 有啲冷氣嘆吓好喎!
4. 點解唔揾香港的攝影公司 (即有STUDIO 嗰啲)….因聽好多客人講, 佢哋都好HARDSELL, 我又唔想去比人煩.

因我的要求係好直接:
1. 只要相的SOFT COPY, 之後, 乜都唔要 (相架, 相簿, 咪搞…之後只有塞住間屋; 亦覺得冇需要BIG DAY 時, 擺幅大相响門口);
2. 另外, 我要的係QUALITY, 不用比我百幾張, 靚的2-30張, 乜都夠.
3. 也不需要同一件衫, 同一個景比我幾十張….
4. 仲有, 就係不要太多IMAGES…一婚紗+晚裝影STUDIO, 一婚紗+便服影室外就GOOD
5. 室內景有啲韓國風, 室外影啲樹景就OK
之後, 有朋友SUGGEST 3V (在深圳)…啲妝, 攝影都OK + 不HARDSELL. 咁我亦問了幾位客人, 因佢哋的PRE-WEDDING都幾靚; 居然都係3V….OK, 就咁決定, 不用再諗, 就打去問.

SALES 菁菁都好HELPFUL, 一滴都冇PUSH 我哋. 只係我當初話想影樹林, 佢就提議去一個森林公園，但要花一天去影…另外一天室內…..咁煩, 梗係唔好搞我, 最多全部影大半日好LA, 夜景都不要. 至於樹, 我唔介意就咁响街揾排樹…只要你有功力影唔到背後啲大廈就得.

CASUAL

最後決定, 就係影一輯KOREAN STYLE 的室內景 + 去馬場影樹 (但我強烈要求唔好拖隻馬出嚟…真係頂唔住)

INDOOR

因我費事揀衫 + 我喜歡的就會喜歡到底. 所以STUDIO 的婚紗+晚裝, 就係我BIG DAY 會穿的. 便服當然自備；所以, 只需要借一件WEDDING GOWN 外影. 男友的禮服跟便服都是自備.

__ 5

我哋係BOOK 咗一個星期日影的, 但就在早一日, 星期6中午上去揀衫 (其實我又係怕煩…講咗唔要BIG DRESS, 係咁兒試咗兩條, 揀1條就算….當然, 你有心的, 試幾多條都得). 當晚就在附近的HOTEL 過 一晚, 星期日一早就去化妝影相.

其實我對化妝師都冇乜要求, 見真人, 個底妝有啲厚…但上咗鏡就唔覺, 所以我冇多加意見. 髮型我只要求梳起就得. 連化妝師都問我: 小姐, 你平時唔化妝架? (乜意見都冇).

攝影師同助手都好勤快…只係要我哋兩件蛋散笑得溫柔啲…但我哋係走諧星路線…唔係偶像派…..有難度囉.

GOWN_OUTDOOR

啲相2個月到就攞得, edit 咗15x 張 (比晒我哋), 咁我覺得6x 張都好ok 的, 達標有餘. 因為係朋友介紹, 仲送了張差不多A4 大的相連架.

整輯相, 我最喜歡係CASUAL LOOK 這張….因最似我哋….這張相係我BREAK 時, 同男友玩緊, 比攝影師偷影的….所以最似我哋嘅STYLE

BEST

 

 

 

 

我的婚禮 ~ 我的婚紗, 晚裝, 鞋

我的婚禮

我貪靚, 這part, 係我so far “最用心”的環節

 

但用心唔代表花時間….其實都係1 take搞掂……我係在冇去過任何一家婚紗店, 亦未試過身之下, 上網買晒我的裙子的 ~ 充分顯示老娘快, 恨, 準 (實際係怕煩的麻甩性格)

 

婚紗, 晚裝

  • 向來心儀Vera Wang, 真的有豬乸變貂單之功效. 所以, 到自己可以選嫁衣, 我腦裡只有佢.
  • 不要 “鋼紗款” 一切big dress, 大拖尾免問 (我著起會好似小鳳姐+波波裙嗰隻感覺, 真係頂唔緊). 要A-line or 魚尾. 越簡單越好, 最好連釘珠釘石都冇
  • 有天見esd life 介紹網上shop www.davidbrial.com , 見到有很多White Vera (vera wang 的平價版)…..就見到佢 (其實有位客人之前著過, 我看過實物). 就係咁一click 搞掂.
  • 另外, 晚裝 (一條紅裙, 其實只係 Vera Wang 的bridesmaid 系列),
  • 婚紗鞋 + 頭紗, 都是Vera Wang. 相對嚟講, 頭紗最貴…..我要冇LACE 最PLAIN 的…….到手後, 真的大愛…因質地好到不得了…..柔柔的, 飄逸的…絕非 “蚊帳”料. 令豬乸變貂單之功效再提升到更高層次
  •  咁多嘢, 加埋postage 都係HKD6XXX (好多人都問, 咁平, 是否second hand 的? 唔係, 都係BRAND NEW 的; 但不是當季新款…..話說當季white vera, 真係慘不忍睹 ~ 唔知係design 上出錯 定係揾錯MODEL…總之唔靚, 感覺上好累贅
  • 在香港, 租一件 White Vera, 都要5仟尾. 你話唔買點得! 不過david bridal 只寄美國本土. 所以我係托當地一位auntie 代收, 再轉寄比我.
  • 你唔放心, 可以學我啲客人, 上去有white vera 的婚紗點試吓身, 再決定買唔買. 我冇去過任何一家婚紗點試款, 試size ~ 因size chart 已寫得好清楚

 

我買衫, 冇乜問人意見 ~ 因為自我嘛, 老娘喜歡就得, 不用別人認同 (但如果我唔sure 的事, 我還是會問的). 這也是我經常跟客人說的道理一樣 : 試妝好, 去揀衫也好, 不是比面派對, 廣邀好友參與. 畢竟, 如大家的品味, 喜好不一, 你只會越搞越亂. 所以, 你一定要帶朋友來, 就最好

  • 你相信她們的taste,
  • 你品味跟她們一致
  • 一係就同 “話事人” 一起來

 

先看看網上model 的demo

 __ 1

 

不過White Vera Wang 的裙 (即係現成嗰啲, 唔係訂造貴line 嗰啲), 係比較啱高大嘅人著…..佢啲裙, 不適合改短的. 同我改裙 的師傅講, Vera Wang的紙口好少, 所以, 學我買大一個碼, 會安全啲. 另外, 師傅讚了幾次, vera 啲料同拉鍊, 都係靚嘢.

 

由 “狗頭身” 本人, 即時演繹. 但當時未改的, size 其實都ok, 係腰同胸闊咗DD

 __ 2

 

改咗之後 (只改咗胸位, 因改衫EE 話, 改腰大PROJECT, 到就快BIG DAY , 肥OR 瘦定咗先去改LA), 攞去影pre-wedding ~ 相未有, 係當時影screen 的

 __ 3

 

褂

  • 本來諗住出去租, 但因場地confirm 唔到 = 日子confirm 唔到 = 即唔可以行動
  • 有天同一位auntie 食飯, 原來佢結婚時造了套褂王, 如果我啱著, 可以借比我 ~ wa! 你話我幾好彩!!!
  • 先唔好講話可以省回一筆, 仲要係褂王….係講緊幾十年前嘅手功, 現在有錢都未必租得到
  • 遲啲去試, 希望我著得落la

 

 

鞋

  • high heel 雖然冇平底舒服, 但為咗造 “偽9頭身”, 真係要頂住對high heel 當義肢
  • 我天生對腳踭比較扁, 所以穿high heel 的話, 如沒有帶, 會kik 唔住, 行兩步就甩鞋的. 當然, 亦有個別款啱我, 不用帶都得, 但一定要試咗先知
  • 所以我選的vera wang 嗰對白色, 就 仲有佢幾舒服的 ps, 減價後, 係USD30…….白飯魚嘅價, 唔買點得呀

shoe2

  • 本來諗晚裝都著佢, 唔換鞋LA, (反正條裙子遮住睇唔到). 後來, 有天同朋友行過Harvey Nicoles, 見到 “sale” 兩個字就走去8吓….就係咁, 見到對Benjamin Adams, 70%後再10% (因朋友都有斬獲, 買兩對就有extra 10%)….這對鞋冇咁高, 冇帶都唔甩……..就係咁買埋….平時去威都可以在著.

shoe1

  • 褂鞋, 想買對平時都著得番嘅平底紅鞋 (因我有啲驚中式繡花鞋, 好有厲鬼feel). 不過, 如過揾唔到啱嘅, 就買繡花鞋law