Bridal Styling

新娘造型

我明白當準新娘去揀婚紗,晚裝時係幾咁興奮。 哇…咧件靚喎…呢件又靚…租呀買呀…大日子當天…一天換8套 (或以上)…有需要嗎?

賓客不會記得你換了邊幾套衫, 只會記得 “當日位新娘唔知走左去邊”。 在大日子, 你就是忙著轉妝轉頭同換衫, 冇時間同朋友聚一聚…冇時間影相…冇時間食…仲成日比人催促…一日就得個 “趕” 字…何苦。

我覺得最理想會是精選3套靚衫就好 : 婚紗, 褂, 晚裝…如真的真的有很喜歡…頂多預多套晚妝送客時著。 多些時間同朋友影靚相, SOCIAL一下…開開心心過一晚。

說到妝和頭…化新娘妝 + set 頭, 要1.5 – 2小時。 因我每個step 都要造得好細緻 (化姐妹, 通常30分鐘就得)。 底妝處理得好, 是不會輕易脫妝的。 大家別以為清淡的妝就代表簡單…用色越少的妝, 越考化妝師的功力。

但你亦要留意。出門時, 通常在白天…有日光, 妝容不用太深。 但很多晚宴場地, 燈光都較暗, 晚妝亦會有很多顏色…所以晚妝會在對比度下多點功夫。
我覺得最美的新娘妝, 是ZING 給劉嘉玲化的…最靚的妝, 是要高貴清麗…就算20年後拿回來看, 都會覺得美麗…而唔係: 哇…我當年咁得人驚?!!!

ZING 教我們化新娘妝時, 比了幾大TIPS, 同大家說說:

  1. 有些永恆色, 襯乜膚色, 乜衫都靚: 金。 啡。 灰 (白晢的新娘較合適)。 黑(造聚位)
  2. 唔好一套衫就換一個妝…藍色晚裝 + 藍色色眼影…轉綠色晚裝就綠色眼影。 唔係化妝師懶, 就算時間充足, 一晚又落又化…是新娘子的皮膚吃不消, 會脫妝的。
  3. 亦唔好化到五顏六色, 造型奇特。 結婚唔同登台哦。
  4. 我當然可以造出少少改動, 但不必要的大改…會令妝容變得很不乾淨。
  5. 不要用太多閃粉…一來俗氣…二來, 在閃光燈下…會好像油光, 不好看。
  6. 有些化妝師會覺得晚宴前為客人100%落妝, 再化, 這才有良心。 ZING的意見是看情況而定。 如底妝仍是好好的, 不用多此一舉…只要落掉眼妝, 再化就好。 明明冇事, 落了又再化, 會令皮膚疲倦, 反而令底妝不再亮麗。

我覺得晚宴前再化 或 大touch up一次…晚宴期間只做適當的touch up。 反而用時間改變髮型。 試想想…婚宴時, 都係影集體相多…相中新娘的眼影係什麼顏色, 真係唔多覺…但換了不同髮型就好覺。 況且轉妝換衫, 通常得15分鐘, 所以要好好利用時間。
至於頭飾, 真係隨你喜歡。 但我最愛用鮮花。 要買些不會離水即謝的花朵哦! 這你要預早同你的花店好好溝通。

Leave a Reply