KANEBO vs Kanebo

如果你對底妝有要求,
base, foundation, loose powder or pressed powder 都一定不會少

有些人喜歡陶瓷般的無瑕感
而我, 就一直喜歡自然剔透, 看到皮膚的質感, 凸顯好膚質的感覺的底妝
但相對地, 遮遐度的要求就不會太高 (總之, 看真人會睇到小小瑕疵, 但影相就看不就ok;)

這全大草的KANEBO, 係Kanebo 新出的高端化妝品
高端之所在, 乃佢地係加入更多珍貴的養份,
令妝感提升之餘, 也有不錯的護膚功效

Base 有兩款:
KANEBO TONE UP PRIMER: 雖然佢係淡綠色, 但不只是為面色汎紅的人而設
反而, 任何膚色都OK, 能有不錯的提亮感, 令你散出自然的光澤

KANEBO REFINING PRIMER: 佢係帶點CREAM 色, 能優化肌感, 仲可以修飾細紋和毛孔, 並能淡化瑕疵.

我分左右面, 試了兩隻PRIMER:
私心覺得KANEBO REFINING PRIMER更適合我的需要; 畢竟快半百, 所以修飾細紋和毛孔, 為首選. 的確, 如你罪求光澤感多啲, 咁KANEBO TONE UP PRIMER會啱你多啲. 但用後, 兩者都即時令皮膚變得好幼嫩, 令粉底很易推

亦是私人習慣, 我係prefer 正常濕粉加小量碎粉去定妝. 粉餅雖然方便, 遮瑕亦比較高, 但我就很少只搽粉餅.

所以右邊面, 乃我心水組合: REFINING PRIMER + LUSTER CREAM FOUNDATION + CONTROL FINISH POWDER

LUSTER CREAM FOUNDATION, 保濕度高, 質感幼滑. 可以打造不錯的水漾感. 可以配合佢嘅百搭FOUNDATION BRUSH (纖維); 可以先整面薄上; 之後, 再在有需要位置, 印多幾吓去加強遮瑕度.

之後, 你可以將FOUNDATION BRUSH在紙巾上略略抹走濕粉; 再用佢沾CONTROL FINISH POWDER去定妝. 但上CONTROL FINISH POWDER的手法很創新: 你是如搽胭脂一樣, 由髮線往面中央掃過去. 這有助增強立體感, 又能保留面中央要凸顯出來的水光感.

而左邊面, 乃懶人之選: TONE UP PRIMER + LUSTER POWDER FOUNDATION (pressed powder)
我以為搽完primer 就上pressed powder, 會 “粉樣”……點知又唔會喎…..感覺係比較似搽上正常遮瑕度偏高的濕粉一樣……真係一步就造好底妝遮埋瑕. 可能有PRIMER 打底, 所以, 個pressed powder 好易推.

所以, 要厚要薄, 你自己喜歡!

後話:
即時化完, 用肉眼好細心望, 係分到兩隻唔同primer, 濕粉和粉餅的分別
但過咗鏡, 幾者的分別, 就唔多明顯 (所以, 我都費事show相)

不過….的確個底妝好long last…….這相係晚上10點幾影 (我係3點幾去counter 試); 咁多個小時, 乜都冇補過……睇吓幾咁貼!

ARMANI TONE-UP CUSHION 雪紡水光氣墊精華粉底以及ROUGE D’ARMANI MATTE 絲滑啞亮唇膏

GIORGIO ARMANI 新出的TONE UP CUSHION
係粉紅色盒. 與之前紅盒ICONIC CUSHION那款的分別, 係紅盒偏水光感; 粉紅盒就係帶珠光感. 兩者都有很好的護膚成份, 令你化妝同時護膚.

佢仲有抗污染成份, 對於養貓的我, 係一大BONUS ~ 因我發覺, 用了抗污染成份的產品, 啲貓毛冇咁易黏在面上.

紅盒係SPF23, 粉紅盒就仲低啲, 只有SPF15; 所以我自己先會上一層高防曬的BASE. 這特別適合皮膚不錯的日子, 你想show 到皮膚的質感, 但又帶點珠光去提升好氣息 + 令皮膚看起來很有活力, 很飽滿 (論遮瑕度, 紅盒勁啲). 所以BA 推介, 很多客早上返工前會用紅盒; 但會帶粉紅盒出街補妝, 就兩者的益處都盡得.

另外BA仲同我試咗講於8月20日出的ROUGE D’ARMANI MATTE 403 色…紅得嚟又不太霸氣, MATTE 得嚟, 又唔係乾枯…真係恰到好處!

看我在陽光下, 用咗粉紅盒, 啲皮膚真係靚到不得了! 個唇又係非常之不得了!

100%日本製天然礦物彩妝護膚品牌 ETVOS

因上次在ETVOS (日本網)買了TRAIL SET, 就送咗500YEN COUPON
我就用嚟買咗好想試的SKIN PEEL GEL
又見到有SET MOISTURE SKINCARE TRAIL, 1900YEN…又試埋
另加一枝Liquid eyeliner

先分享吓, 以skin peel gel 為例, 日本賣2800yen, 連稅當佢3000yen, approx HKD210
香港賣$250. 所以, 如果你只係單買一件貨, 用不著去日本買咗再集運回來
SO 唔得幾多
但如果你買埋其他嘢, 又另作別論
因香港, 好似冇乜TRAIL SET 比你試咗先

其實我對AHA PEELING 有啲介心
早年用過好受歡迎的 Neo Strata Gel Plus
簡直攞我老命
好似火燒咁
這係少有, 我係頂唔住, 用了一次就送比啱用的朋友

因有朋友話ETVOS SKIN PEEL GEL超掂, 佢一入就半打
佢話PEEL 得嚟, 又唔LA, 啲皮膚又唔會乾. 但就會靜白好多
所以, 我就試吓

用咗, 面珠有小小LA (但輕微的), 其他位就冇事 (可能Neo Strata Gel Plus AHA 係15%, ETVOS 係8%, 小一半, 所以冇咁刺激)
只需敷兩分鐘就洗得, 洗完皮膚又幾嫩同埋唔乾

我跟手, 敷埋個水份MASK, 啲皮膚就好飽滿了.

ETVOS 的補濕MASK….係好補水….唯獨用完, 佢會令皮膚有種 “黏手”的感覺
真係好視乎你頂唔頂得住

佢啲SKINCARE 賣點係天然純正…..我覺得搽上面嘅感覺, 係冇我用開嗰啲重CHEMICAL 嘢咁勁…..而點解我這幾期都分別買入啲天然產品呢?

我本身唔介意CHEMICAL, 只係, 就如食飯, 你食得多濃味嘢, 都想偶爾食清啲, 比腸胃休息吓. 所以, 我咪開始, 一星期比1-2天, 皮膚用吓啲天然產品….比佢哋休息吓.

cdp synatif eye cream

我肯定cdp synatif eye cream 係我用過的eye cream 當中最貴的
一枝cream 包6片eye masks (比你1星期敷一次)
香港$4800
在日本買, 正價折合 HKD4200, 再加埋啲銀聯再免稅就 HKD3680
足足平了$1120 (差不多一個SYNATIF FACIAL 的價錢)

所以, CHEAP 精梗係去日本買

Synatif eye cream VS cdp eye cream 的分別, 係佢rich 好多…潤好多
我覺得後生女用, 會太笠….張住…真係冇需要用 (我個人認為, 後生女, 根本不用去買Synatif這條line)

起碼好似大媽我…4張幾, 有眼紋, 對眼又易浮腫, 就可以考慮用
大媽乾底….幾rich 都吸得晒

用咗, 係覺得緊緻度比用正常 cdp eye cream 更有提升
出乾紋的情況亦大減

至於對eye masks, 佢唔多汁的, 有啲gel 嘅感覺…非常痴痴笠笠…達上眼有重量的. 仲會有小小㓤㓤地的感覺 (後來問BA, 原來這是活性成份所致, 令你皮膚嬌嫩就係靠呢D). 講真, 敷上去的感覺係唔舒服架. 不過, 如有乾紋, 基本上可以ko. 已出的細紋, 係可以減淡 (唔係ko 呀!).

總結:
舒適度的話….麻麻地…因為比較笠
效果幾明顯…..眼週肌膚係幼嫩咗
但太貴….我都係晚上用JA. 同sos 先連用幾天

半永久眉之飄眉.霧眉 (2: 過程)

霧之前, 第一件事係同你畫啱眉型. 我唔主張條眉跟潮流, 啱番你自己的面型就好. 我自己一有表情時, 有會chik 眉, 天生都有高低; 令外, 就係眉山到眉尾嘅角度唔夠好. 所以, 我要求改吓個尾, 啲色要淡啲 (因我會chik 眉, 如眉色太強, 會凸顯我這缺點)

畫完, 你又覺得滿意後, 就可以敷麻藥, 之後就可以落手造. 有美眉師喜歡用電刀, 有些就 “手動”…有些就兩者混合. 其實真係好視乎美眉師的習慣. Kenia 就比較喜歡 “手動”, 即手工眉.

至於眉色, 你亦可以自選的. 我就選了比較淡的色. 如果平時唔化妝, 都ok. 但如果化妝, 就要用眉筆補色.

過程就好似一針針督啲色入表皮…力度要均勻. 過程冇乜痛 (有麻藥嘛)….但有時麻藥開始散, 你覺得有啲”吉”嗰時, 就要通知美眉師加啲麻藥. 總之, 你不要忍痛.

全程大概3小時左右 (畫.敷麻藥.霧). 即時造完會有以下:
1. 啱啱造好, 啲色唔太深的. 但過一會, 會慢慢深咗. 但這不是你的 “真色”. 脫焦後, 起碼淺一大半
2. 看起來, 會比預期粗小小. 但這亦不是你真正的粗度. 脫焦後, 個粗度會縮水 (大概10-20%)
3. 但就算眼前條眉係偏深色, 但你都可以清楚見到深淺有序. 唔會死實實, 同一隻色的.
4. 大概個多小時, 啲麻藥會退晒. 唔會感覺都好痛 (有小小感覺的), 但好似有啲嘢張住條眉咁. 我自己就冇乜嘢….不過如果覺得腫痛, 可以用冰敷吓. 當晚 (都過了幾小時), 我冲涼淋濕面都冇問題. 只係冲完涼就盡快輕力印乾條眉.

我係6月9日造的 (DAY 1)

           

6月10日 (DAY 2)


可以化妝 (不過你梗係唔好畫眉la, 亦冇此需要), 可以正常洗面. 只係你洗完, 盡快印乾
條眉如素顏看, 係深色啲….但化埋妝, 拉近番個對比, 會易啲接受
我有輕輕摸過條眉, 有焦的感覺, 但唔厚的…..眉頭直情冇焦.

6月12日 (DAY 4)


眉尾啲焦, 開始有小小裂開 (正常的)

6月14日 (DAY 6)


裂紋更多, 明顯咗….有小小痕

6月15 日 (DAY 7)


開始甩焦, 洗面時, 會有好薄, 一小片的焦脫下來. 仍然有啲痕癢

6月16日 (DAY 8)


係成個過程最樣衰的一日, 但我厚顏, 照出街的.
這天的甩焦速度好快, 到晚上, 基本甩晒 (甩出來的到幾大片, 但啲焦係薄薄的)


亦係最 痕癢的一天. 但晚上甩完就唔痕

6月17日 (DAY 9)


早上甩得99%, 洗完面就甩清. 啲色會淡啲…但過多幾日, 又會回色..深番1度

回埋色, 乜都啱啱好…….0妝 (霧了眉和之前造了眼線), 個樣OK架

出街時, 只畫了眼線…冇粉底…..非常自然

化全妝時, 就攞眉筆略略加深啲色 (不過有個型, 真係好易畫)

後話: 過多個月, 再會去補色. 會令顏色更均勻同持久.

但要留意, 原來面油多的人, 可能上色冇咁好, 持久度都會差啲
仲有, 如果敷有美白成份的mask, 就最好避開條眉.