CUCKOO 強力蒸汽拖把@萬寧

我同熊貓係好懶同好嗱渣

屋企可以又亂又污jo, 但我哋都頂得住

但自從有咗大小不良

就要盡量改變

盡量執吓啲嘢 (否則, 會比佢哋推落地)

又會盡量保持室內清潔

每天吸1-2次塵, 同隔日拖地

如果遇著天氣差, 大不良會扯蝦, 小不良又會流眼水

那為娘就會天天拖地

但為娘又怕啲拖地水有chemical

所以一時會用環保酵素

一時就用好熱的水

近日, 睇珍寶珠介紹, 萬寧有隻蒸氣拖把(cuckoo, 係韓國品牌), 原價$1380, 換購價$399 (萬寧member 要35個印花, 非member 就40個印花)

https://www.mannings.com.hk/zh-hk/latest/promotions/stamp-redemption

我就hur hur 聲同人用買咗啲印花, 又hur hur 聲走去換.

因為蒸氣溫度高, 消毒一流!

好處:

  • 輕身
  • 可以用佢拖埋啲櫃門
  • 不用幾秒就ready, 蒸汽又夠勁
  • 塊抹地布係鑲咗膠邊, 所以夠硬, 唔會拖兩拖就反
  • 拖完個地好乾淨; 咁高溫steam 個地, 肯定啲菌死得8899.
吸完地先拖地, 塊布到黑成咁

唔好處:

  • 有條電線好鬼煩 (我用開無線的吸塵機嘛)
  • 即係, 拖房要插電; 之後, 拖廳, 又要插另一個電源….都煩
  • 一拖完嗰吓, 地比較濕, 要啲時間比佢乾. 老老實實, 係濕到有啲冼架….所以行路小心啲.

總結:

我覺得係抵買的……有動物的家庭好啱用. 就算你啲毛孩冇嘢, 但吸塵, 係清唔晒啲毛髮….真係要拖, 先至乾淨.

但我個人認為, 一星期, 都係要正常拖地同steam 拖地混合造, 達到最佳效果. 因普通拖地, 我係密密洗個拖, 感覺上, 可以帶走多啲塵. 但用steam…我懶….係steam 完成間屋, 先洗塊布; 不過, 佢殺菌力強, 又冇CHECMICAL.

cdp The Lip Serum

有啲嘢, 真係唔到最”嚴峻”嘅時候, 你唔知佢咁堅

話說我好怕會有阿婆咀 (即咀唇有好多裂紋)

gym 靚太就教我用cdp 的lip serum

好貴, 成$6xx (一般護唇, 都係幾十, 貴嘅, 都頂多咪$2-300)

我用咗, 覺得極好 (用完個唇又滑又軟), 同埋就算冬天, 你都不用密密補, 因佢好lasting. 同埋佢唔油的, 用咗好快吸, 之後, 你搽有色唇膏, 都冇問題.

我當時即叫小虎同我去日本入貨

佢都買咗枝, 但佢覺得效果好一般

用平平地嘅凡氏林都差不多 ( 不過, 你用凡氏林, 上唇膏前, 就要印走啲油)

所以, 我都冇在fb 介紹

好la…話說早幾日, 我瀨嘢, 比條剛煮熟的菜心燙傷咗咀唇, 皮都甩埋, 痛到嘔

咁我即時搽馬油 (因冇燙傷藥)….係唔得

晚上, 就搽sea berry oil (因佢有修護功能) + 飛滋膏….這combination, 都搽咗兩日….個傷口仲係時時痛, 同唔埋口 (可能我多嘢講, 成日郁到個傷口)

我冇辦法, 就只有放棄, 晚上如常搽番cdp the lip serum

點知, 第2朝, 個傷口終於唔痛, 同開始埋口

搽了3天,已好番

可見這lip serum 的修護力何其勁

所以我會keep住用

Giorgio Armani 新玩具

早前, 出席完GIORGIO ARMANI Beauty “RED CARPET背後嘅美妝秘密”發報會 (已在fb 介紹咗, 就不特別講)

當中, 又會番一位, 之前見過, 好熱心, 介紹又貼心的BA…..咁就順手看看新產品……唔講尤至可, 一講, 真係中晒我心頭好…..就擺抵銀両買咗3件:

Powder Fabric High Coverage Foundation Balm #4

首先, 都今時今日, 我都喜歡用silk fabric  (tube 裝): 我唔會就咁用, 因為搽咗好似冇搽. 但用佢mix 濕粉, 就會令整個底妝的效果, 提升. 這是有一次, 我為一個廣告化妝, 有位舞蹈員自己上了底妝來, 靚到不可挑剔 ~ 就是她教我這道秘訣.

而戰前, GA 都出了一盒, 玻璃裝的CREAM FOUNDATION….coverage 好到不得了, 但看起來的妝感, 又不會太厚 ~ 但只出了1趟, 就discontinue….但多年都連我記得佢.

BA 同我試咗Powder Fabric High Coverage Foundation Balm, 哇, AMAZING! 佢係 tube 妝同戰前嗰盒玻璃裝的CREAM FOUNDATION的混合體. 不錯的coverage, 但好爽身, 可以唔搽loose powder 都得. 成個底妝一take 過, 仲好lasting……佢進化在, 傳統silk fabric一般都係啞緻, 但佢就帶點光澤, 令妝感更自然.

有朋友同我反影, Powder Fabric High Coverage Foundation Balm都係偏乾; 咁我個人冇這問題, 因我化妝前, 會搽上足夠的skincare, 保住皮膚水份. 反而, 如個你要我數佢嘅弱點, 就係一丁點防曬功能都冇. 我係好喜歡佢唔駛碎粉去定妝….夠方便.

另外, 就係佢地枝concealer: Power Fabric High Coverage Stretchable Consealer

就如佢所講, stretchable – 延伸力好掂….即可以拖開, 但又能有效遮蓋毛孔. 都係唔一定要落碎粉就可以定妝. 市面, 大多數嘅遮瑕, 都需要碎粉定妝, 所以這就係佢特別之處.

 BA 教我, 平時出街, 帶住佢, 就可以補妝, 一枝搞掂, 非常方便.

因為我見BA條眉畫得好靚, 問佢用乜, 佢就介紹埋: High Precision Brow Pencil #2

佢好幼身, 能輕易define 都最sharp 嘅眉型. 當然, 咁幼嘅眉筆, 唔係GA 獨有, 我都有幾款韓國牌子嘅眉筆係咁…..但佢嘅深啡 02色, 好靚….啱啱好, 唔會太黑, 又唔會太啡! 所以我買埋

BA EVENT 嗰日, 同我用Powder Fabric High Coverage Foundation Balm + Power Fabric High Coverage Stretchable Consealer 造底妝. 咀就用LIP MAESTRO 絲絨啞亮唇釉ARMANI RED #400 正紅色. 好多人都話這紅色靚.

其實, 這幾年, 都有好多人問我用什麼色的大紅唇….又話好難搵到一隻啱自己色的. 當然, 嗰隻紅要襯自己膚色…..但我發現, 更重要係胆色……好多人, 唔係唔啱紅唇, 而係睇唔慣自己CARRY.

OLYMPUS DIGITAL CAMERA

如果平日淡妝, 就Powder Fabric High Coverage Foundation Balm + Power Fabric High Coverage Stretchable Consealer, 眼影都冇. 就咁搽eyeliner n mascara, 加啲liquid 胭脂已出得門口.

O&M 來自澳洲的髮廊級護理品牌

O&M 係來自澳洲的髮廊級護理品牌, 係不含化學成份的頭髮用品, 所有產品均不含化學成份或阿摩尼亞, 親膚性極高, 尤其針對染色頭髮需要。品牌以椰子油代替化學起泡劑,葡提子油代替防腐劑,即使敏感頭皮亦可使用。所以, 一般市面的deep cleaning 產品, 係會加快髮色流失, 但O&M 就冇這問題.

我尤其推薦 Frizzy Logic (係髮油), 我個人認為不得了! 可以用在乾或濕髮

  • 佢可以滋潤頭髮抗熱力 (咁好多髮油都可以);
  • 連頭皮都可以搽 (呢吓唔係隻隻得 ~ 仲要搽咗, 啲頭髮係滑咗, 但仲係好爽的, 一啲都唔會笠, 會動L 的) ~ TIPS: 加強修護:在洗頭前輕輕按摩頭皮,幫助頭皮排毒 or 晚間修護:睡前按摩頭皮,一星期兩至三次,保濕又防頭屑
  • 但最霹靂的, 係如用在濕髮上, 可以大大減短吹頭時間 (哇…呢吓係我愛佢嘅主因)

其實你可以就咁搽上手去FEEL 佢嘅TEXTURE ~ 係好爽同好快被吸收. 另外, 你亦可以用佢自製有機的HAIR TREATMENT OIL:

以1:1的份量, 加入

椰子油 ~ 補濕

牛油果油 ~ 補充蛋白質

橄欖油 ~ 補濕又補蛋白質

只要洗頭前, 仲係乾髮, 用以上MIX 好的TREATMENT OIL, 搽在頭髮上. 起碼留30分鐘 (其實越長時間越好). 之後, 正常洗髮程序就OK. 我覺得, 用咗, 頭髮強韌咗.

另外, 就係我這些頭髮薄, 冇VOLUME 的人嘅恩物 ANTONIC Thickening Spray

以往, 我都係用鹽水….但不能常用, 因會傷頭髮

而佢呢隻spray, 就可以造到鹽水嘅效果 (但feel 上手, 冇用鹽水後咁”鞋”)….頭髮真係好有volume….就算家吓天氣潮濕, 都頂到1天唔會蹋

造型產品, 好少可以冇chemical, 所以我先敢天天用.

於 A Beauty Bar 專門店及指定專櫃有售

A Beauty Bar 專門店

 銅鑼灣軒尼詩道 467-473 號建德豐商業大廈 15 樓 2295 6072

 尖沙咀廣東道 11 號世界商業中心 712 室 3188 2566

A Beauty Bar 專櫃

 中環置地廣場 HARVEY NICHOLS 1 樓 HL118-119 2111 9398

查詢熱線:2833 5157

骨膠原,美白supplement

真係, 呢煲, 我係又要 “share” 又要帶頭盔

因食落口嘅嘢….搞不好會直接危害健康

所以, 你哋自己衡量吓, 啱唔啱食

先簡報吓, 我近來試咗的:

swisse 血橙 ~ 冇feel (我家吓當佢可以補充維他命, 抗氧化); 飲完就唔會encore

Vegie 奇蹟美肌甘酒 ~ 冇feel….我亦唔多喜歡佢嘅味道….亦係飲完唔會encore

先講番骨膠原補充品

我係長年食開, 在日本買的fancl 骨膠原粉

開始頭幾年, 都幾有效, feel 到成身的皮膚都滑咗

但食到近兩年, 就冇乜特別feel, 所以, 上年開始就停咗

我亦一直在揾, 啱用, 又啱價位的骨膠原補充品

係試到LANEIGE全新膠原蛋白美肌飲有feel

不過要9佰幾蚊一個月….我又唔係好捨得 (即每天要$30; 以前fancl啲粉, 都係$10內)

我之前寫成報美容專欄時, 都上網search 過; 原來好多醫生, 都話食骨膠原補充品, 對皮膚冇直接的幫助; 而有幾多成份可以落都塊面, 更冇人可以控制.

我本人, 有agree (幾多成份可以落都塊面嗰part); 亦有不agree ~ 就係, 我食咗, 真係覺得皮膚好咗, 補水力強咗, 彈力好咗. 我有啲朋友, 仲會覺得關節smooth 咗, 冇ka ka 聲. 所以, 我先keep 住, 成日食.

我都係 “餃子”媚姨啲同類, 對”胎盤素” 好有feel….但都只限於敷mask….因看得太多報導, 如服食過量 (如雪鴿膏), 因有太多雌激素, 會對身體唔好, 甚至生cancer.

起初聽到一木研究所美肌胎盤素, 冇諗過去試, 亦係以上的原因;  但後來, 看到產品介紹 (quote fr their online info):提取過程是由安全無污染農場飼養的豬胎盤進行抽取(日本規定只能以豬或馬進行胎盤抽取),營養構造與人體最為相似,極易吸收,並於當地GMP認證工場進行去除雌激素及殺菌的程序,再造成20倍超強濃縮,令每份量都包含4000mg的胎盤素,高效可靠。

嗱….我相信日本出品唔會老點我, 所以我試.

我已食緊第二瓶了. 但食咗十幾天, 已有feel:

  • 差不多食咗5天, 開1見到皮膚的補水力強咗, 光澤咗. 但食耐啲, 功效更明顯.
  • 佢係士多啤梨味….唔似一般膠原蛋白DRINK, 一係就腥, 好啲嘅都有小小古怪的蛋白味.
  • 最amazing 係, 我帶咗佢去滑雪旅行時食. 要知道, hotel 就勁暖氣 = 乾爆. 雪地又曬又凍….比著以往, 就算我搽盡skincare, 皮膚唔多唔少都會覺得乾. 一般, 我這貪靚精, 會除身袋住補濕 mist, 密密噴…..但這次, 我居然唔多駛用. 所以, 我可以實牙實齒證明, 補水力好咗好多.
  • 我都近半百, 有皺紋, 皮膚冇彈性就梗. 始終只食咗十幾日, 我話啲皺紋冇咗, 就太虛假. 皺紋仍在….但覺得毛孔細緻咗, 搽skincare 的份量, 亦不用以前重手. 所以, 我都打算食番一段時間.
  • 仲有, 回到香港; 我去打lacer…….你知要洗完面, 乜都唔搽得, 等醫生. 比著以前, 我塊面一定乾到爆, 但今次, 就唔覺得乾了.

講番價位:

如果想試, 嚟緊 3月15-21 日, 萬寧會有promotion: $269 一盒 (原價 $489; 就算官網有DISCOUNT, 一盒都$299).

一盒可以食20天 (每天食4粒)

如果你試啱, 可以同FRIEND 夾, 上官網, 最抵係$4200 有20盒; first purchase, 可以打8%, 即$3864 ~ 維起$193 一盒, 即每天$9.6 ~ 啱我budget (我自己就買咗20盒, 1年食).

至於美白

我食過白兔牌的美白丸係冇feel. 當年最有feel 係usana 出的葡提籽精華, 但後來改了formula , 就冇咁好feel 了, 所以我冇再買.

食咗美白丸, 係抗氧化能力好咗, 你會見到皮膚剔透咗, 啲色均勻咗, 同埋就算晒完, 都冇咁易黑; 而就算黑咗, 亦白得好快. 但佢唔會令你啲雀斑 or 荷爾蒙斑消失, 但會淡啲. 你比我, 只要keep 住啲荷爾蒙斑唔好黑落去就good enough (雀斑我永遠唔擔心, 因去醫生道, 一打就清)

有朋友介紹我Transino White C (180粒, 每天食4粒). 我食了一瓶後, 真係搵番usana 比我的感覺; 所以去日本嗰時, 就買咗6瓶 (好似佰幾蚊; 原來香港都有 hktvmall 都係賣2佰頭)