Curel深層高效保濕噴霧

這幾排, 真係好鬼熱

熱到早上洗完面, 搽咗serum, 未到搽cream, 已大汗淋漓

唔好講cream, 你連搽lotion都好似頂唔到

唔好唔記得, 出門仲要帶口罩….

另外呢….就係喜歡運動的你, 一定懂我

我呢個打壞, 都會造吓運動 ~ 係為咗之後可以食好嘢

好la….造得勁嘅…你哋都知會爆汗

係爆到沖完涼, 都仲係爆汗

呢啲時候, 一枝平靚正, 有護膚成份嘅spray 就幫到你

Curel Intensive Moisture Care ~ 啱啱好

佢獨有嘅微米潤浸保濕Ceramide功能成分, 比一般成份微細50倍

所以更有效滲透入角質層, 達到保濕又能鎖水

噴咗, 慢慢滲入皮膚, 全日都唔會乾

佢細細枝, 放在手袋, 帶去gym

又或者, 放枝在office. 食完lunch, 成面汗, 抹乾淨在噴一噴

就不用怕冷氣令皮膚乾燥

仲有….我呢個打壞….學人去扒艇

已好醒咁著防曬

對腳就用救生衣蓋住

點知百密一疏, 唔記得救生衣個袖位, 會滲到光

就咁, 對腳有一忽, 狠狠被曬傷 (超樣衰)

真係搽cream掂到都會痛

所以, 又係噴Curel Intensive Moisture Care (佢有大枝裝)

呢幾日, 終於唔痛了.

後話:

仲有一個小分享, 我看到我好喜歡的blogger鍾明軒都有介紹

不過, 佢覺得Curel Intensive Moisture Care是地雷

因為太笠

但我堅覺得唔笠喎…..畢竟, 大家嘅膚質唔同

另外, 就係大家用skinc care 的習慣唔同.

不過, 我仲有個小小的tips, 就係, 如果你想佢 “潤啲”, 就近自己塊面噴

如果想薄啲, 就離遠啲噴

我就keep 枝大嘅在屋企, 化算啲 ($210, 250g). 但佢成枝炮咁大, 唔可能帶出街. 所以仲有枝細的 ($75, 60g)

CURL CREAM

一直想寫分享好耐….終於的起心肝落筆

話說, 我的髮型師對顧客的頭髮質量好著緊….佢只會隔半年才會給你電髮…..冇錯, 如果你身痕, 話2-3個月就去….佢係唔會SO 你. 因為, 電得太密, 會好傷頭髮, 而且出嚟嘅效果亦唔好.

又話說, 我係上年11月左右就電髮. 之後, 一月左右就爆疫症…..如非必要, 我基本上係冇乜出街…..這段期間, 我去過兩次快剪 (即係比$70, 乾剪)….每次, 我只請師傅CUT 短髮尾; 盡量唔好剪我面嗰層 (因為想KEEP 住啲CURL).

我想話, 到今天, 我啲CURL 都仲係好靚. 我總括了經驗, 就係:

  1. 每天洗髮後用curl cream, 佢不但即時令你的curl 美美的 ~ 係唔駛用風筒特別吹; 只要是旦吹乾, 之後在髮尾搽點curl cream 就ok.
  2. curl cream 另外的好處, 就係令你的卷曲度維持得特別長久
  3. 這是我後來發現的, 就係久不久用有豐盈效果的洗髮用品, 都會令啲curl 彈起來. 效果比用keep 住卷曲頭髮的洗髮產品更佳 (但有毛燥問題的人, 則不適合)

我用了3款curl cream, 分別評論吓:

Moroccanoil Intense Curl Cream

這是香港很流行的牌子, 好多地方有得賣 (如duty free). 雖然佢唔笠 (每次用5蚊銀份量), 但相比之下兩隻品牌, 佢係相對heavy. 而佢造出嚟的卷曲度, 係3款之中最低調…..

Christophe Robin Curl Care X Style

睇我blog, 就知我係佢fans, 不過我都只係用佢嘅hair mask多. 不過香港唔係好多地方有, 我都係從look fantastic 訂回來. 佢好輕盈, 造出嚟嘅curl 好WAVY, 好似啱啱電完咁. 我係LIKE 佢多過Moroccanoil

CP-1 Bounce Curl Cream

這是我由韓國代購買回來 (我已忘記店名). 佢係3款之中最平, 好似唔駛$100! 但出來的效果, 不比Christophe Robin 差, 所以係我最心水的.

再補充吓, curl cream 係洗完頭, 吹到8成乾, 搽上; 在吹多幾吓, 效果最佳. 如果懶, 吹到全乾再搽都得 (剛出來的效果一樣, 但好lasting 就冇第一個方法咁耐)

另外, 如果你晚上洗頭, 早上出門時先搽…..基本上效果唔係咁特出, 亦好快連嗰dd feel 都消失埋.

Hair Herbal 活髮產品

很多人都有脫髮問題. 我都有. 但咁多年, 我唔多唔少都有小小 “心得”

如果係壓力或疾病問題, 就大鑊啲….你最好搵方法解決咗你嘅壓力或睇醫生醫咗先.

如果係頭皮本身的問題 (頭油多), 習慣問題 (成日扎頭髮, 用好多chemical)….咁, 有效的活髮產品, 的確可以幫到你.

我同我家熊貓, 都有不同的脫髮問題. 熊貓個頭, 油到會滴出嚟 + M 字額

我就因為之前成日扎頭髮, 條界又分死一邊, 所以左邊額角特別禿. 由其係我, 每次洗頭, 啲脫髮都好多.

差不多大半年前, 朋友介紹熊貓用由星加玻出的Hair Herbal Deep Cleansing Shampoo (主要成份係花旗參, 何首烏同當歸等).  我就偶爾tat 啲嚟用 (因為我怕deep cleansing 會洗走我啲hair color) ~ 用用吓, 真係發覺, 甩頭髮的情況有明顯改善. 熊貓個頭, 就相對冇咁油…..額角又出番小小頭髮.

但係, 我個頭始終唔係油脂型, 所以用得太密Hair Herbal Deep Cleansing Shampoo, 會覺得乾. 所以, 我自己就走去買咗佢哋另一條line ~ Moisturizing Shampoo, 再入埋佢哋嘅TONIC 2 (即係hair serum, 洗完頭, 用毛巾吸走多餘水份, 噴tonic 2在頭皮; 按幾吓, 再吹頭)

自從加埋tonic 2, 就發覺我額頭禿的位, 開始生頭髮….效果遠比只用shampoo 明顯.

又介紹番, Hair Herbal有兩款tonic

TONIC 1: 殺菌消炎, 減少頭油 (主要成份: 花旗參, 何首烏, 當歸, 薄荷)

TONIC 2: 滋潤毛囊, 孕育頭髮 (主要成份: 花旗參, 何首烏,沙參, 精油)

我自己會晚上洗完頭用tonic 2. 早上出門前噴啲tonic 1 (用埋tonic 1, 髮根變得好力咗….成日, 個頭都唔會塌).

我的額角出番好多頭髮

熊貓的M字額, 到生咗好多毛毛

我個人覺得, 如果你只係想減輕脫髮 (或你只是剛開始有脫髮問題), 用shampoo 就夠. 如果你想有效出番啲頭髮, 就要加埋tonic 2, 效果就明顯好多.

另外, HAIR HERBAL, 仲有一個HAIR TREATMENT, 但要去SALON 造. 佢有分有色或無色的護理. 如果你想加強生髮效果, 揀無色的會好啲. 佢哋嘅COLOR 都有好幾隻色, 成份天然, 如果你係滿頭白髮的人, 上色效果就very good. 如果你只係幾條, 效果就唔係好好, 所以揀無色嗰隻treatment 好啲.

我就同熊貓去造咗冇色嗰隻treatment ~ 預起碼1.5小時. 會同你先造頭皮磨砂. 再落tonic按, 之後再厚敷中藥造的hair mask, 再steam.

造完之後, 我同熊貓都覺得頭皮爽咗好多….佢尤其頭油少咗. 我就發覺, 洗完頭, 有時係 0 條甩髮…最多都係個位數…..真係好神奇. 未造treatment 前 (但都開始用shampoo + tonic 1, 2), 都要用小小hair volumizer 去keep 住頭髮蓬鬆 (頭頂唔好塌). 現在, 唔駛用volumizer 都ok.

所以, 我哋會每月去造一次.

去邊道買?

佢唔係連鎖藥房的上架貨. 不過好多salon 都會有; 比較出名的有: Beijing, Private I, The Salon at Penisula. 又或者, 你可以message 佢哋fb 問吓. https://www.facebook.com/hairherbalcolour/

我自己就在佐敦, 庇利金街26號(地舖)創念廊買. Hair Treatment都在那裡造.

後話:

睇開我blog, 都知我係christophe robin 的fans…….但有冇發覺, 我只係用佢哋嘅hair mask (好多時, hair mask 當conditioner 用)….我冇乜用佢哋嘅shampoo, 因為唔覺得太特別. 始終我有造hair color, christophe robin在護色者範疇, 的確出色. 佢啲mask, 係造到潤而不笠, 唔會令我啲頭髮塌.

另一隻我都會用的shampoo 係biore 嗰隻快乾shampoo (當你好眼瞓, 但又要洗頭, 真係要用佢) + 同O&M的shampoo (佢都係標榜, 就算deep cleansing 都有color lock 的功效). 早年介紹過韓國品牌 DR FORHAIR ~ 佢的deep cleansing 很不錯, 都有出sea salt scrub….但就會令頭髮退色得好快.

妙用化妝棉

屈指一算, 我差不多成個月冇化過妝

每天到在鑽研, 點樣先可以令個口罩襟用啲

好多人到話, 在口罩裡加張紙巾, 久不久換走塊紙巾

我覺得麻麻….可能我講嘢, 口水多個茶, 所以, 講多兩句, 張紙巾會躂住我個口

用消毒紗布, 就冇這問題, 但貴…成$5一片喎

後來, 有朋友教我用這些化妝棉…..經濟又化算

都是在sasa 買:

藍色嗰盒 $15, 有30片

綠色嗰盒 $12.8 有80片

佢哋兩款都係啱晒口罩size……..

記得, 係放在口罩紋的第2格………這樣才不會當住呼吸

大家常用的麗的化妝棉, 就大張咗小小:

有需要, 就更換塊棉, 咁口罩就會乾爽好多

同埋有棉吸濕, 如果你帶眼鏡, 係冇咁易起霧

仲有, 你可以噴小小, 你喜歡的精油落化妝棉, 再帶上口罩

咁, 起碼聞呼吸時, 冇咁”悶”

有啲油, 係有殺菌作用 ~ 我唔係指肺炎菌. 我唔係指肺炎菌. 我唔係指肺炎菌.

我係指你比口罩噏足一日, 皮膚會滋生啲油脂block 毛孔嗰啲菌……..我個人就喜歡young living 的thieves (我強力反對, 有啲人網上教, 噴精油後, 就唔駛帶口罩!!! 唔好癲la!!! 我唔會信, 精油可以殺到肺炎菌; 係得嘅, 醫院都用咗la! 同埋, 唔該有啲公德心! 話說, 如果你真係唔覺意中咗, 你帶咗口罩….係會減少傳人的機會)

總之, 如果你冇可能一日換幾次口罩, 你起碼換幾次化妝棉

再optional, 噴上你喜歡的精油 (好多都有殺菌功效 ~ 薰衣草, 茶樹, 尤加利……你唔怕阿婆味, 白花油都得架!)

最後…….希望大家, 互相幫助….如果可以, 口罩又好, 消毒液又好, 分啲比有需要的人用!

非洲黑梘

近來, 洗手.洗手.洗手……….真係洗到以為自己有精神病. 但好多醫學報告都話, 就咁用普通梘洗手係最有效的防疫, 不一定要有消毒fomula 的都ok.

Quote Fr 生活誌:https://times.hinet.net/mobile/news/22763872

而肥皂雖然完全沒有任何殺菌的效果,但可以把手上包著病菌的飛沫、其他污染物給洗乾淨,比起要晾乾才能殺菌的酒精,反而可以讓手上的菌叢減少;莊人祥說,「所以勤洗手還是比戴口罩重要的。」

至於抗菌洗手液,有人疑惑是不是兼顧酒精的殺菌效果、又能有肥皂的洗手效果?其實大部分抗菌洗手液中添加的成分「氯己定」已經被證實沒有辦法殺死新型冠狀病毒,所以對預防流感、武漢肺炎來說,它只有肥皂的洗手效果,但的確可以減少其他病菌的感染。

「如果可以,還是要用肥皂洗手,酒精乾洗手可以在外面應急的時候,或是消毒物品時使用。」李秉穎說。

其實, 我就用咗非洲黑梘沖涼一段日子; 近來, 就開多樽, 用嚟洗手. 聽個名, 可能唔多 “美麗”, 但佢係一個好 “美麗”的產品, 配合公平貿易, 連個概念都美麗.

這係我朋友加納人妻Selina 介紹的. 這係佢先生家鄉出品,  真係100% organic. 仲會聘用當地婦女製造, 令佢哋可以自力更生.

咁有乜成份呢 (這是 Selina 提供):

黑皂通常由本地採伐的非洲植物製成,例如車前草,可可豆莢,棕櫚樹的葉子和乳木樹皮。 成分經過曬乾和烤製,所以顏色會變深。 然後加入水和油,例如椰子,棕櫚和乳木果油。

當初, Selina 介紹我用, 因為我好易皮膚敏感, 因為這隻梘成份溫和, 洗完, 會有一層薄薄的油脂留在表皮, 這就會鞏固你的皮膚屏障.

所以, 洗手洗得咁密….乜嘢皮脂都洗走la…..所以用佢, 真係溫和好多. 不過, 大家要有心理準備 (尤其你用開有香味的產品)……佢係冇人工香味….係有啲椰子味, 同埋好輕嘅梘味…..我的確唔覺得佢嘅味道好吸引, 不過又絕對唔反感的.

因為佢係好organic….佢唔似一般梘, 會硬身. 佢比較似一舊乾咗嘅全麥包….但佢會溶得好快, 所以suggest 你mit 開佢, 放入有pump 的樽; 就咁用清水溶咗佢, 當梘液用. (我mit 2/3 舊, 開大概450ml 水. 你喜歡濃啲, 稀啲, 都得, 自己試)

啱啱開, 未溶好. 大概放1小時, 就溶晒.

如果你想買, 可以pm Selina……..佢識中文的.

Paul’S Kitchen: m.me/PaulSelinaGeraldo

FB: Paul’s Kitchen

$150 / 3 PIECES