All posts by TaTa

DermaWand 用後1個月報告

我都算係好不得了, 真係連續用了一個月la

25日 都係早晚各3分鐘

5日 就得承認我懶, 只係早或晚造過1次

你唔一定要搽佢嘅產品

只需要搽晒你用開嘅skincare (如早上, 搽防曬前)

用佢look 就可以.

好處:

  • 係覺得塊面lift up 咗, 緊緻咗
  • jaw line 係明顯啲 (不過眼袋冇乜feel)
  • 眼下的細紋都有改善
  • 因我係睡前look的, 第2朝, 起身冇咁浮屍樣

唔係我個人認為架….話說, 大家都知我係定期去打hifu 修lower face. 係醫生造. 以前, 差不多3-4個月要去一次……今次, 醫生叫我起碼半年後才有需要去. 老實講, 我會keep 住造醫生主理的hifu……..係人嘅都知, 醫生主理, 啲效果勁好多 (要我話dermaward $850 的機, 拍得住醫生幾百萬的機……咁大個大話, 我講唔出). 但造咗醫生機, 用dermaward 去keep, 就very good.

傳說的其他效果:

水份提升, 光澤感, 收毛孔, 改善深紋 ~ sorry, 我暫時未感覺到. 有blogger 話會美白…….我亦唔覺la

壞處:

我係覺得佢激活咗我嘅皮膚 (可能新陳代謝快咗)…….所以, 有兩個effect:

  • 會出暗瘡….出在我平常不會出的位, 如眉心, jaw line. 但好快有濃頭的, 一git 就清 . 好在冇出石頭瘡.
  • 我條頸嘅皮膚, 本身好易敏感, 尤其對汗. 以前要好熱, 出好多汗, 噏幾小時, 就會敏感 (會發紅, 有啲痕同時又有小小”吉”). 現在, 只要出去跑個步, 1-2小時, 就會敏感, 冲走啲汗, 都要過幾小時才settle down. 不過, 平時, 就冇事的.

 PS, 我坐HKEXPRESS嗰時買, 有PROMOTION $850. 如MARKET PRICE, 就$11XX.

以下, 係我早前, 用了10天後寫的分享:

用了DermaWand 10天, 先報告吓

仍是新玩具, 仍有熱誠, 所以我每天, 仍維持早晚各3分鐘

 暫時未覺得佢煩

 朋友教我, 開到最大火力, 貼面造

 其實, 只要你貼面造, 冇乜感覺

 如果你離開1cm, 就會幾”吉”架 (無需要咁造)

用頭幾日, 冇乜特別feel

慢慢, 係覺得摸落面啲肌肉, 好似冇咁鬆 (好輕微, 我都驚係心理作用)

但再慢慢, 覺得jaw line 係firm 咗 (呢個應該唔係幻覺)

這幾天又爆了粒暗瘡在下巴

 清咗膿, 用佢look (我總覺得佢有啲似暗瘡機)

又真係冇翻發, 啲炎好快退

 不過, 去印方面就冇乜feel

這期, 皮膚狀況好咗, 係因為用完Elizabeth Arden 隻Prevage Progressive Renewal Treatment

不過, 好似DermaWand 令我keep 到個態!

註: 我冇搽粉底, 只係用有潤色功能的sun block

骨膠原丸同美白丸(用後感)

世上產品何其多, 唔試唔知龍定鳳

話說, 坊間好多報告, 都話口服骨膠原冇用

最終都係比你自然排走,

而幾多會落到你塊面, 冇人知

我又真係要承認, 骨膠原冇”定位”智能

所以, 幾多去到面, 真係唔知

而我都食過好幾隻骨膠原, 唔係隻隻得

有啲食完, 乜feel 都冇

但work 嗰啲, 我係feel 到成身都滑啲, 關節位又好啲

而早前介紹的一木美肌胎盤素 (放心, 冇荷爾蒙的)

係works for me

反而, 右手, 在日本買的Asahi骨膠原粉

對我就冇乜料到…..已食咗一整包, 仲有一包要食埋佢

但好在佢冇色冇味, 又有纖維, 開coffee 時, 落一羹…..

另一個要share, 係美白丸

這兩款, 我都有食, 都work:

  • 一木防曬美白丸 (名叫防曬ja, 你每天都要塗sunblock 架….唔係食咗佢唔駛搽ka)
  • Transino WhiteC Clear (早前在blog 已介紹咗)

食咗佢地, 我又唔係好覺本身已長出來的色斑淺色咗好多

但每次曬完, 我係唔多變黑的. 同埋啲色斑都冇乜深到.

但係, 唔知係咪我心理作用 ~ 見到一木防曬美白丸有薏米精華 ~ 總覺得近來嘅水腫情況有改善.

la, 一木防曬美白丸冇話佢嘅薏米精華係for 去水腫, quote from 佢哋官方介紹: 嚴選老撾薏米,再以日本嶄新的技術,將薏米精華濃縮15倍添加至防曬美白丸當中。薏米有美白、抗曬、嫩膚的功效,亦有助排走體內黑色素及廢物,改善肌膚乾燥狀態。

所以, 我先帶頭盔, 唔排除係咪自己心理作用. 但起碼, 最了解我體型, 同我train 咗8-9年的私人健身教練, 都話我啲水腫問題, 有改善.

又不過, 中醫話, 薏米有啲涼, 對於我嘅體質, 不能常吃. 所以, 小心為上, 我會一木美白, 同Transino 隔住食.


ps, 如果你想試一木, 萬寧有. 但如果你食過, 有feel, 想大手入(可以同朋友share), 去KONWAY 網上訂, 最抵: https://www.konwayshop.com/ICHIKI,%20一木研究所

我上次我一口起買了20盒, 就造了vip. 早排, 忽然仲送了我一盒美白丸.

Elizabeth Arden Prevage Progressive Renewal Treatment ~ 完成療程分享

身為花心蘿蔔的典範, 我好少咁神心, 話成個月, 都用死一樣產品. 但今次, 我係好乖咁, 連續用咗1個月 ~ 原因好簡單, 只用了第一星期的療程, 啲皮膚明顯好咗…..咁我先好堅持用落去.

因佢有違我一貫的daily care 程序,  我開始時, 都驚自己堅持唔到架:

晚上, 我會洗面後, 搽toner, 敷mask, 再搽幾款serum, 才上night cream

  1. 雖然Elizabeth Arden Prevage Progressive Renewal Treatment只係晚上用. 但係要洗完面, 乜都唔好搽 (包括toner), 即用佢. 如果皮膚太多水份, 會影響佢嘅效果.
  2. 你搽完, 待20min….有需要, 可以搽小小別的serum (我搽firming), 再搽cream. 即係, 我唔可以在晚上敷mask 了.

冇得在晚上敷mask, 會令我心靈好空虛 (咁皮膚上, 又冇乜嘢唔妥, 只係 “習慣”咗敷mask 的感覺)

Elizabeth Arden Prevage Progressive Renewal Treatment, 的濃度, 係會按療程增加…..但就算用到最last 嗰瓶, 我嘅皮膚都冇覺得乸. 最後嗰幾天, 我帶去清邁…..早上戶外活動, 你可以相像都幾曬. 晚上冲完涼, 搽Renewal Treatment ~ 我原意係待20min 再搽cream 先瞓….但因為實在太疲倦, 一待就直接瞓咗……….我係連續兩晚, 冇搽cream只用佢………奇喎….第2朝, 皮膚係唔會覺得乾的.

4星期後的感覺:

先講吓, before 的相, 我係有搽薄薄的粉底. 但after 的相, 我只搽咗有潤色功能嘅sunblock.

  1. 開始用時, 我下巴有啲好深嘅暗瘡印. 用到第2瓶時, 明顯淺色咗. 完成療程, 已清好膿頭嗰粒 (中間嗰粒), 係100去印. 但右下嗰粒, 係仲有啲發炎, 因冇膿頭, 清唔到, 但個印起碼清咗80%.
  • 其實, 我眼尾粒荷爾蒙斑仍在, 係淺色咗20%. 面上嘅其他的斑, 係好咗小小 10%la  (provide 我先去潮州曬到半死, 再去清邁又曬多round)
  • overall 個skin tone 係明亮咗….膚色均勻咗, 光澤感覺係前所未有. 這點非常讚!
  • 毛孔亦細緻咗
  • 細紋有改善, 但大紋仍然在 (畢竟, 我係快50的老女人…..唔可以expect 咁多la….我好收貨架la)

我諗, 每半年用一次都夠照. 我這cheap 精梗係上uk 網同usa 網看看會否平啲….但居然係香港最平.

性價比超高的3INA

孤陋寡聞的我, 以為3INA係韓國牌子, 完來係來自西班牙, 有4大堅持:

  1. 化妝品均由歐洲製造
  2. 不含防腐劑 (所以開封後, 最好按說明限期內用完)
  3. 不做動物實驗
  4. 外包裝採用可回收材質

如圖中的logo, 則代表開封後, 18個月內用完.

我尤其BUY 佢point 2-4, 但我都同3INA的化妝師說, 那你們的產品不要這麼大件吧 (雖然一點都唔貴)….1年內, 點用得完.

雖然當天係PRESS EVENT, 主推mix and match 唇膏set, 但台灣來的化妝師跟我介紹了好幾樣皇牌產品, 真係非常有驚喜 (無論質量或價位). 我即乖乖放下銀両, 買了好幾樣:

OLYMPUS DIGITAL CAMERA

cream shadow

佢哋嘅cream shadow, 出名防水, 游水都唔會甩 (但用eye makeup remover, 一抹就卸到). 當中313 (金銅色) 係最好賣. 化妝師教, 只要搽上眼, 推勻 (質地好軟, 好易推), 待佢乾咗, 啲色就會好lasting. 我即場試, 真係捽都唔甩. 買!

所以, 我就買埋佢嘅黑色cream shadow, 當eyeliner gel 用. 話晒, 佢唔係eyeliner gel, 如果講到 “濃黑”, 佢係唔夠的. 但對我來說, 因除咗化smokey eyes, 我唔喜歡眼線太黑的; 所以平日用, 佢係good enough…..真係唔溶的.

不過313 的cream 好軟身, 你看, 用了幾次, 我又冇平放, 佢係會瀉埋一邊.

OLYMPUS DIGITAL CAMERA

圖: 用咗黑色cream shadow 畫的眼線.

唇膏

質地超多選擇, 有潤的, 啞色的, long lasting 的….

pick & match 的promotion set (可以自己揀唇膏色, 再套入自選的唇膏套內; 每枝$99). 以下係我心水色:240, 533, 584, 114.

另外, 好賣的染唇釉503 同505 係乾燥玫瑰色….我自己就買咗505 !

Make up base and Loose powder (or compact)

化妝師仲話, 我must try 佢哋嘅makeup base 同loose powder; 我心諗, 有幾特別呀 (我屋企的base 同loose powder 多到可以搽身, 我係絕對唔會輕易買的).

佢叫我試在虎位…因最多紋.

左手:

  1. 先搽咗base….我覺得啲紋係blur 咗dd, 但又未至於amazing
  2. 再搽埋碎粉 (透明色)….一啲粉樣都冇, 啲紋就真係blur到去我滿意的地部

右手

冇搽base, 只上碎粉….好明顯有粉樣同啲粉卡在啲紋裡面. 但說句公道話, 啲粉好幼, 拍得住別的品牌嘅高清碎粉架. 卡粉, 只係我虎口的紋太勁.

之後化妝師就只用碎粉, 同我試了一個, 好amazing 嘅效果

  1. 佢先用一枝滋潤型的唇膏, 畫在我手背….唔洗講, 一捽就化開
  2. 佢再在唇膏上, 印上碎粉………再叫我捽……..哇!!! 係捽唔開架!!! 可見其定妝能力幾咁強!!!

唔駛講, 買LA !!! BASE 有保濕同控油兩款, 我揀控油 (比較適合夏天). Loose powder , 我就買咗粉餅裝 ….方便帶出街補妝嘛.

胭脂

啲色真係好出, 顏色唔多, 但隻隻都靚. 我自己就買咗102 (dirty pink) 同100 (baby orange). 但我估唔到, 人氣王係105, 一隻偏啡調的胭脂 (對我來說, 造shading 就合適)

OLYMPUS DIGITAL CAMERA

Highlight and Shading

佢哋有2款 (1盒有4色)的光暗影產品. 一款有啡色, 比較係啞緻, 係適合打shading; 當然, 佢有2格係白白地, 你可以造highlight.

我就選了隻4色都係帶亮的, 所以不能用來打highlight. 但啲色好靚, 可以造眼影都ok. 搽咗胭脂, 沾小小highlight 在apple cheek, 成塊面好有光澤!

不過要留意, hihglight 的粉比較軟, 用了幾次, 發覺個邊啲粉會甩甩哋….即係你要小心, 唔好壓佢或跌…..應該好易碎.

妝1:

  1. 用咗base, 先上自己的foundation; 再用3INA的透明色粉餅定妝. 早上到晚上 (仲入廚房煮埋晚飯), 個妝都仲見得吓人. 佢嘅粉, 真係定妝力好強.
  2. lip 就係505, 乾燥玫瑰紅

妝2:

  1. 眼係先用cream shadow 313
  2. 再用highlight 的橙紅色印上眼蓋
  3. 胭脂用了100 baby orange
  4. 再用了HIGHLIGHT (4色mix 埋), 搽在apple cheek

Elizabeth Arden Prevage Progressive Renewal Treatment

人的皮膚, 有更新週期; 但有時, 因年紀問題, 外界影響等, 會令這週期變差. 所以, 用上適當的煥膚產品, 就可以溫和地退走老化角質, 令健康的細胞再生和重見天日. 皮膚自然會明亮健康.

Elizabeth Arden 新出的Prevage Progressive Renewal Treatment ~ 艾地苯高效煥活再生精華, 就是一set 維期一個月用的煥膚產品. 一盒有4枝, 每枝可用1星期 (我一次用3pumps). 內裡的精華, 是新鮮即壓即塗. 而每瓶的濃度是慢慢增加的, 能令你在最溫和的情況下完成煥膚; 因此, 敏感皮膚都適合.

但請留意, 艾地苯高效煥活再生精華含水溶性成份; 建議洗面後, 直接使用 (不用塗上toner 後才用). 塗上艾地苯高效煥活再生精華後, 待20分鐘, 待皮膚將產品吸收後, 你才再塗你用開的serum 同night cream. 這產品, 只要晚上用則可. 而使用產品期間, 亦最好避免接受光學療程和造好防曬哦.

據產品說明:

第一週: 重現光澤

第二週: 淡化細紋和收緊毛孔

第三周: 減淡深紋

第四週: 均勻膚色

我就用到第2週. 明天, 會進入第3週

點解未用完, 我就咁快share, 因為:

1) 我係皮膚薄, 小小果酸或維他命C, 都好容易覺得嗱, 但佢冇

2) 冇任何脫皮, 亦不用承受皮膚變啞幾天, 亦唔會覺得乾

3) 用咗頭4-5天 (因我怕死, 開始用的份量, 係比較少, 只用1pump; 肯定自己冇敏感, 先加到2pumps, 最後3pumps; 所以第一週的療程, 我用了差不多10天有多), 發覺皮膚已嫩滑咗

4) 跟足份量用後, 發覺新的暗瘡印去得好快; 連舊嗰啲印, 都逐漸淡

5) 用了2枝, 皮膚光澤感明顯提升

不過, 你問我, 我又未覺得啲細紋少咗 (都快50歲, 唔望啲紋消失, 如令啲紋出慢啲已還神), 亦唔見得我啲荷爾蒙斑淡咗 (由身體底層發出來嘅問題, 都係算吧la).

可能我配合FIRMING SERUM 一起用, 所以皮膚彈性好咗 (已開始用了cdp FIRMING SERUM 一排, 之前效果冇咁出, 但加埋Elizabeth Arden的Prevage一起用, 效果就明顯好多)

PS, 張相係素顏, 搽咗潤色功能嘅SUN BLOCK, 冇搽粉底的. 個人認為好透亮

用晒成個COURSE 再報告.