All posts by TaTa

Hair Herbal 活髮產品

很多人都有脫髮問題. 我都有. 但咁多年, 我唔多唔少都有小小 “心得”

如果係壓力或疾病問題, 就大鑊啲….你最好搵方法解決咗你嘅壓力或睇醫生醫咗先.

如果係頭皮本身的問題 (頭油多), 習慣問題 (成日扎頭髮, 用好多chemical)….咁, 有效的活髮產品, 的確可以幫到你.

我同我家熊貓, 都有不同的脫髮問題. 熊貓個頭, 油到會滴出嚟 + M 字額

我就因為之前成日扎頭髮, 條界又分死一邊, 所以左邊額角特別禿. 由其係我, 每次洗頭, 啲脫髮都好多.

差不多大半年前, 朋友介紹熊貓用由星加玻出的Hair Herbal Deep Cleansing Shampoo (主要成份係花旗參, 何首烏同當歸等).  我就偶爾tat 啲嚟用 (因為我怕deep cleansing 會洗走我啲hair color) ~ 用用吓, 真係發覺, 甩頭髮的情況有明顯改善. 熊貓個頭, 就相對冇咁油…..額角又出番小小頭髮.

但係, 我個頭始終唔係油脂型, 所以用得太密Hair Herbal Deep Cleansing Shampoo, 會覺得乾. 所以, 我自己就走去買咗佢哋另一條line ~ Moisturizing Shampoo, 再入埋佢哋嘅TONIC 2 (即係hair serum, 洗完頭, 用毛巾吸走多餘水份, 噴tonic 2在頭皮; 按幾吓, 再吹頭)

自從加埋tonic 2, 就發覺我額頭禿的位, 開始生頭髮….效果遠比只用shampoo 明顯.

又介紹番, Hair Herbal有兩款tonic

TONIC 1: 殺菌消炎, 減少頭油 (主要成份: 花旗參, 何首烏, 當歸, 薄荷)

TONIC 2: 滋潤毛囊, 孕育頭髮 (主要成份: 花旗參, 何首烏,沙參, 精油)

我自己會晚上洗完頭用tonic 2. 早上出門前噴啲tonic 1 (用埋tonic 1, 髮根變得好力咗….成日, 個頭都唔會塌).

我的額角出番好多頭髮

熊貓的M字額, 到生咗好多毛毛

我個人覺得, 如果你只係想減輕脫髮 (或你只是剛開始有脫髮問題), 用shampoo 就夠. 如果你想有效出番啲頭髮, 就要加埋tonic 2, 效果就明顯好多.

另外, HAIR HERBAL, 仲有一個HAIR TREATMENT, 但要去SALON 造. 佢有分有色或無色的護理. 如果你想加強生髮效果, 揀無色的會好啲. 佢哋嘅COLOR 都有好幾隻色, 成份天然, 如果你係滿頭白髮的人, 上色效果就very good. 如果你只係幾條, 效果就唔係好好, 所以揀無色嗰隻treatment 好啲.

我就同熊貓去造咗冇色嗰隻treatment ~ 預起碼1.5小時. 會同你先造頭皮磨砂. 再落tonic按, 之後再厚敷中藥造的hair mask, 再steam.

造完之後, 我同熊貓都覺得頭皮爽咗好多….佢尤其頭油少咗. 我就發覺, 洗完頭, 有時係 0 條甩髮…最多都係個位數…..真係好神奇. 未造treatment 前 (但都開始用shampoo + tonic 1, 2), 都要用小小hair volumizer 去keep 住頭髮蓬鬆 (頭頂唔好塌). 現在, 唔駛用volumizer 都ok.

所以, 我哋會每月去造一次.

去邊道買?

佢唔係連鎖藥房的上架貨. 不過好多salon 都會有; 比較出名的有: Beijing, Private I, The Salon at Penisula. 又或者, 你可以message 佢哋fb 問吓. https://www.facebook.com/hairherbalcolour/

我自己就在佐敦, 庇利金街26號(地舖)創念廊買. Hair Treatment都在那裡造.

後話:

睇開我blog, 都知我係christophe robin 的fans…….但有冇發覺, 我只係用佢哋嘅hair mask (好多時, hair mask 當conditioner 用)….我冇乜用佢哋嘅shampoo, 因為唔覺得太特別. 始終我有造hair color, christophe robin在護色者範疇, 的確出色. 佢啲mask, 係造到潤而不笠, 唔會令我啲頭髮塌.

另一隻我都會用的shampoo 係biore 嗰隻快乾shampoo (當你好眼瞓, 但又要洗頭, 真係要用佢) + 同O&M的shampoo (佢都係標榜, 就算deep cleansing 都有color lock 的功效). 早年介紹過韓國品牌 DR FORHAIR ~ 佢的deep cleansing 很不錯, 都有出sea salt scrub….但就會令頭髮退色得好快.

妙用化妝棉

屈指一算, 我差不多成個月冇化過妝

每天到在鑽研, 點樣先可以令個口罩襟用啲

好多人到話, 在口罩裡加張紙巾, 久不久換走塊紙巾

我覺得麻麻….可能我講嘢, 口水多個茶, 所以, 講多兩句, 張紙巾會躂住我個口

用消毒紗布, 就冇這問題, 但貴…成$5一片喎

後來, 有朋友教我用這些化妝棉…..經濟又化算

都是在sasa 買:

藍色嗰盒 $15, 有30片

綠色嗰盒 $12.8 有80片

佢哋兩款都係啱晒口罩size……..

記得, 係放在口罩紋的第2格………這樣才不會當住呼吸

大家常用的麗的化妝棉, 就大張咗小小:

有需要, 就更換塊棉, 咁口罩就會乾爽好多

同埋有棉吸濕, 如果你帶眼鏡, 係冇咁易起霧

仲有, 你可以噴小小, 你喜歡的精油落化妝棉, 再帶上口罩

咁, 起碼聞呼吸時, 冇咁”悶”

有啲油, 係有殺菌作用 ~ 我唔係指肺炎菌. 我唔係指肺炎菌. 我唔係指肺炎菌.

我係指你比口罩噏足一日, 皮膚會滋生啲油脂block 毛孔嗰啲菌……..我個人就喜歡young living 的thieves (我強力反對, 有啲人網上教, 噴精油後, 就唔駛帶口罩!!! 唔好癲la!!! 我唔會信, 精油可以殺到肺炎菌; 係得嘅, 醫院都用咗la! 同埋, 唔該有啲公德心! 話說, 如果你真係唔覺意中咗, 你帶咗口罩….係會減少傳人的機會)

總之, 如果你冇可能一日換幾次口罩, 你起碼換幾次化妝棉

再optional, 噴上你喜歡的精油 (好多都有殺菌功效 ~ 薰衣草, 茶樹, 尤加利……你唔怕阿婆味, 白花油都得架!)

最後…….希望大家, 互相幫助….如果可以, 口罩又好, 消毒液又好, 分啲比有需要的人用!

非洲黑梘

近來, 洗手.洗手.洗手……….真係洗到以為自己有精神病. 但好多醫學報告都話, 就咁用普通梘洗手係最有效的防疫, 不一定要有消毒fomula 的都ok.

Quote Fr 生活誌:https://times.hinet.net/mobile/news/22763872

而肥皂雖然完全沒有任何殺菌的效果,但可以把手上包著病菌的飛沫、其他污染物給洗乾淨,比起要晾乾才能殺菌的酒精,反而可以讓手上的菌叢減少;莊人祥說,「所以勤洗手還是比戴口罩重要的。」

至於抗菌洗手液,有人疑惑是不是兼顧酒精的殺菌效果、又能有肥皂的洗手效果?其實大部分抗菌洗手液中添加的成分「氯己定」已經被證實沒有辦法殺死新型冠狀病毒,所以對預防流感、武漢肺炎來說,它只有肥皂的洗手效果,但的確可以減少其他病菌的感染。

「如果可以,還是要用肥皂洗手,酒精乾洗手可以在外面應急的時候,或是消毒物品時使用。」李秉穎說。

其實, 我就用咗非洲黑梘沖涼一段日子; 近來, 就開多樽, 用嚟洗手. 聽個名, 可能唔多 “美麗”, 但佢係一個好 “美麗”的產品, 配合公平貿易, 連個概念都美麗.

這係我朋友加納人妻Selina 介紹的. 這係佢先生家鄉出品,  真係100% organic. 仲會聘用當地婦女製造, 令佢哋可以自力更生.

咁有乜成份呢 (這是 Selina 提供):

黑皂通常由本地採伐的非洲植物製成,例如車前草,可可豆莢,棕櫚樹的葉子和乳木樹皮。 成分經過曬乾和烤製,所以顏色會變深。 然後加入水和油,例如椰子,棕櫚和乳木果油。

當初, Selina 介紹我用, 因為我好易皮膚敏感, 因為這隻梘成份溫和, 洗完, 會有一層薄薄的油脂留在表皮, 這就會鞏固你的皮膚屏障.

所以, 洗手洗得咁密….乜嘢皮脂都洗走la…..所以用佢, 真係溫和好多. 不過, 大家要有心理準備 (尤其你用開有香味的產品)……佢係冇人工香味….係有啲椰子味, 同埋好輕嘅梘味…..我的確唔覺得佢嘅味道好吸引, 不過又絕對唔反感的.

因為佢係好organic….佢唔似一般梘, 會硬身. 佢比較似一舊乾咗嘅全麥包….但佢會溶得好快, 所以suggest 你mit 開佢, 放入有pump 的樽; 就咁用清水溶咗佢, 當梘液用. (我mit 2/3 舊, 開大概450ml 水. 你喜歡濃啲, 稀啲, 都得, 自己試)

啱啱開, 未溶好. 大概放1小時, 就溶晒.

如果你想買, 可以pm Selina……..佢識中文的.

Paul’S Kitchen: m.me/PaulSelinaGeraldo

FB: Paul’s Kitchen

$150 / 3 PIECES

LANEIGE全新Cream Skin牛奶柔滑系列

早幾個月, 開始用Amorepacific, 好有feel

佢在濟州有私家茶園

產品就係主打茶的強抗氧化力

不過, 好多朋友都嫌佢有啲貴

但機會嚟la, 因為LANEIGE全新Cream Skin牛奶柔滑系列, 性價比高!

就用上了Amore Pacific自家茶園栽培的「白茶葉水萃取」,每年僅在春季、茶葉中胺基酸含量最高的時刻採收,內含大量肌膚所需的胺基酸成分,並透過「荷蘭式萃取工法(Dutch Extract)」,完整保留並獲得更高濃度之胺基酸,改善肌膚同時長效保濕。

牛奶柔滑速效面膜

我本人就首推牛奶柔滑速效面膜. 佢係一片片圓型的pads, 沾滿牛奶水. 最啱早上, 上妝前, 敷2分鐘 (在面珠位, 同額頭). 佢比敷whole face 的paper mask 方便; 敷主, 你都可以自由地食個早餐 或飲杯啡…….跟手就搞掂. 你會覺得個底妝會貼好多. (不過, 你用嗰時, 要小心啲, 因啲面膜好薄, make sure 你攞嗰時, 冇幾張痴埋一齊)

牛奶柔滑細膚水

又或者, 你可以直接買枝牛奶柔滑細膚水; 佢用了高壓混合萃取技術, 將滿滿的乳霜分解成奈米分子融入化妝水中,細小分子更容易被快速吸收,並且迅速為肌膚補充水分。所以又被譽為「最有效的懶人保養品」! 你可以將佢入落spray bottle, 帶出街, 補妝時用. 又或者, 用佢濕透面膜紙敷面又得.

牛奶柔滑潔面奶

仲有, 唔知你會唔會似我, 落完妝 (通常我用落妝油); 雖然我嗰啲落妝油都話, 用水乳化後, 冲洗就ok; 不用再補多次洗面. 但我總係唔放心, 點都要用洗面產品洗多次. 其實咁會令皮膚變乾. 所以, 我試埋牛奶柔滑潔面奶.

佢有3大賣點:

低PH(5.5)清潔劑的溫和配方,溫和而有效地融化毛孔、化妝品和死皮細胞中的雜質。(不過, 佢唔可以用嚟落妝架)

乳狀油質地,可平滑地滑到皮膚上,無需乳化,此配方不油膩,可用於濕手。

胺基酸成分可保護肌膚天然屏障並滋潤皮膚,泡沫豐富細膩,洗臉後皮膚細滑柔嫩。

所以, 洗完面, 都係好moist 好滑!

來自韓國的Peripera

2年前, 去斧山, 我已發現咗佢. 吸引到我嘅, 係佢哋特別幼身嘅眉筆, 可以畫到好細膩嘅眉毛. 同埋, 性價比好高, 當時, 我仲買埋佢哋嘅eye makeup remover. 都幾好, 唔會嗱眼.

上年7月, 佢就在萬寧上架. 咁啱, 我太古城有齊貨, 咪去睇真啲.

唇膏

韓國出的唇膏, 啲色系一般比日系嘅大膽和多啲色 + 多啲texture. 單係 Peripera, 佢就有3款唔同texture 嘅唇膏 (不過, 妝感都係偏向不同程度的啞緻, 唔會glossy 的). 當中ink airy velvet tint 最好玩.

like 佢原因:

  1. 因為佢加入精油, 所以唔會似一般補啞緻唇膏咁會乾. 仲可以修飾唇紋.
  2. 好玩在, 佢都係liquid, 任你互mix, 混合出最啱自己心水嘅顏色
  3. 佢上一層, 可以好薄. 但印多啲, 啲色又可以好實.
  4. 都好lasting 吓, 食完飯, 啲色仲幾健存
  5. 最正係, 佢夠輕, 我直情當埋佢係liquid 胭脂!

當液態胭脂用的技巧 (我用09色)

  1. 份量不用多; 我情願你覺得唔夠色時, 才印多次
  2. 記得先在指尖, 大啲範圍, tat 勻啲色. 咁你印上面時, 才會均勻
  3. 印在面上時, 要快手啲. 因佢會乾得幾快.

眉筆

因為我習慣飄眉, 基本眉型已在. 只需要化妝時, FINE TUNE 啲眉細位, 所以佢哋嘅幼筆芯就啱晒!

  1. 賣點就係佢嘅1.5 毫米纖細鉛筆, 所以可以畫得好精細.
  2. 硬蕊配方質地, 採用”長效蠟結構”技術,可持久保護筆芯的硬度,使筆芯不易脫落或斷裂
  3. 佢哋有5隻色

眼線

佢哋嘅眼線, 有句LOGO 叫 creamy & easy ~ 好少眼線筆會用 creamy 來形容; 而佢真係好滑, 好貼! 輕輕畫, 就好上色. 飽和度又夠. 都係有5隻色; 我就用深啡 + 玫瑰金 (畫眼頭和下眼線)

光影

佢啲光影係liquid, 叫墨水絲潤光影霜; 有3種顏色

  1. 薰衣草色–可以令人白淨啲
  2. 粉色– 令你氣色好啲
  3. 米色– 最自然

所以我用米色. 這隻產品, 薄上就可以….為你底妝透出健康膚色. 我唔建議重手, 因為光感打得太強, 會比人以為面油多的錯覺.

佢嘅另一好處, 就係可以同上面ink airy velvet tint 混合, 造出一隻帶光澤感的胭脂. 另外, 亦可以溝淡ink airy velvet tint的自身顏色; 所以, 如果你的化妝手藝一般, 可以用佢或liquid foundation 溝淡啲唇色去造胭脂 (免得你直接用 ink airy velvet tint 上面, 又失控變紙扎)

眼影

佢哋嘅liquid eye shadow 叫糖果閃耀液體眼影, 有3色 (玫瑰金, 銅紅, 金). 因為想同枝下眼線筆呼應番, 我揀番玫瑰金; 同埋我選的唇色都遍紅, 所以, 眼妝就無謂太深色去搶風頭.

妝1

OLYMPUS DIGITAL CAMERA
  1. 上了底妝, 用米色highlighter 印在眼下3角位
  2. 眼用深啡眼線 + 眼頭用玫瑰金眼線
  3. 印上糖果閃耀液體眼影玫瑰金色
  4. LIP and Cheek 用  ink airy velvet tint 09

妝2

  1. 所有跟妝1一樣; 只是咀用了ink airy velvet tint 07;
  2. highlight 在上完胭脂後, 才印在眼下位 (光澤感覺會比妝1的用法強)

3

  1. 前3個step 跟妝1一樣
  2. cheek 用ink airy velvet tint 01 + 米色光影