我哋潛水6壯士上年去Anilao, 覺得好玩, 決定今在encore. 而我則連續去咗3年了. 我真的好喜歡, 因只要由manila 坐3小時車就到, 好多地方, 要轉機, 坐車再搏船先到. 仲要好多嘢影, 去每個潛點都不用坐好耐船.
這趟住pier uno, 我覺得啲房好靚, 可能新裝修, 床又夠厚夠硬. 食物我就覺得好好 ~ 因都係用貴嘢 ~ 有得打邊爐, 又有蒸石班, 又有燒豬 ~ 如團體餐有咁嘅水準, 真係算係不錯.
今次去, overall 都好好天, 只有一day 落雨, 但唔算落太耐, 第一潛上水已停雨. 仲要係diver 最愛的玻璃水. 唯一可惜的, 就係我哋6缺一, 希望下次可以齊人.
到底有幾曬…你看看向來挨得嘅男團友都包到實一實
阿嫂仲要在陰頂都要扮死屍
上次我哋潛潛吓先發現, 有家韓國人開的resort 有溫泉浸 ~ 可惜係開始咗潛水先發現, 所以冇得浸 (因潛完水, 再浸溫泉可能會有潛水病的). 所以這回, 一到resort 放下行理即去浸溫泉. 入場費每人 HKD100, 玩成日. 我哋又游水, 又浸連汗蒸幕都玩埋. 那溫泉係海水溫泉, 帶點硫磺味的, 對皮膚很好.
今次仲有意外驚喜, 就係遇上一位好細心, 好好服務的船長. 一上水, 佢會即時給你毛巾, 再加杯水送到你面前. 你啲嘢就算亂放, 佢都會知你放响邊. 邊個用邊部相機, 第2個dive 已清楚. 知女仔怕曬, 就一早執好個有陰頂的位比你休息. 所以真係忍唔住第2天已要重重咁比tips 佢. 當然end of trip 都再比. 因這些貼心的服務係好值得鼓勵.
最好笑係last day, 第一潛之後, 就給我同阿嫂接咗頂donut 帽…跟手仲教我哋點接…真係好開心.
大藍水, safety stop時，仲可以影吓相, 在海底, 又影吓到此一遊…
其實我哋都係一day 3潛, 只有第一天玩夜潛, 因day 2 都係去同一個位夜潛, 我哋就唔encore 了. 其實咁都幾好…白天3潛, 大概4點收工, 回到resort 游吓水, hea 吓, 再食dinner. 之後吹吓水, 先回房揾周公…好舒服. 啱晒我哋這些老弱殘兵.
最好笑係宇宙最頑皮的球球唔識死, 聊隻螳螂蝦, 結果恨恨地被傷. 回來手指又腫又痛…..忍唔住問Mark 有冇藥….Mark 只看了一眼, 就知係螳螂蝦傷, 仲講得出球球點樣搞隻蝦才瀨嘢……原來急救方法係將一隻燒焦的青檸敷在腫嘅地方. 果然, 球球的痛楚即時解決了!
魚的品種都有好多
以一枝如鉛筆咁粗的stick 為證, 這條魚真係好細條…可惜我架機影唔到super 微距
