Tag Archives: 綜合

頭髮卷曲的法寶

頭髮護理, , , ,

對於有電髮嘅女孩, 吹頭要下點功夫, 否則, 啲curl 失控會變得好難睇

亦有些女孩, 電了頭髮, 但又好快變直

 

這些年, 我都有keep 住電, 但都係一年一次.

我亦冇乜心機吹頭, 基本上亂吹, 到70%乾, 就停手. 跟住就由頭髮自然風乾. 因我覺得, 吹到100%乾, 都幾傷吓.

 

按道理, 我的curl 都係長期被我疏忽照顧, 好快直 ~  但又好彩, 真係冇喎

當然, 不能不多謝我的stylist 用心給我弄頭髮 + 佢哋嘅chemical 好

但我都有小小法寶的 ~ 就是在頭髮70%乾的時候, 搽小小令頭髮卷曲的product.

 

好多頭髮品牌都有出令頭髮卷曲的產品. 就如Aveda, 不錯的, 但好貴. 後來我發覺Slicker 都一樣好, 但平好多 (百幾蚊). 因只要小小就夠 (太多會笠) 買1枝用到1年了. 這產品我之前都介紹過: http://hk.myblog.yahoo.com/hifrtata/article?mid=921

 

 

我見好多女仔為keep 住啲curl, 會用啫喱水 or mouse. Curl 係keep 到, 但我覺得唔係咁靚…因佢哋會硬到一枝枝, 又硬又反光, 仲濕濕咁. 但用這些卷曲product就不會，　啲curl 嚟得好自然.

 

這期, 得阿雪介紹Kerastase Reflection Chroma Thermique, 覺得佢比Slicker 更好. 因佢係護髮product, 唔係造型product. 仲有, 佢係可以有效鎖色, 令頭髮bling bling. 佢keep curl 的能力不比 Slicker 弱, 但更輕身, 用完頭髮都係軟軟的. 佢大概要200幾蚊. 但我覺得佢多了護髮功能, 所以非常值得.

 

 

我這頭髮係上年10月尾電的…好話都有半年了…自問啲curl 仲見得吓人架 (我是昨晚洗頭, 今早醒來乜都冇搞就係咁樣la).

 

 

Clarins Body Treatment Oil

護膚品, ,

如塗上身話有減肥功效的產品, 我早年都試很多

對我來說, 如只用產品, 減肥的功效不太明顯

但總可以令皮膚滑滑, 同firm 啲

所以最後, 我都mit 甩買減肥產品的癮, 好好造運動算了.

 

最近博士向我介紹 clarins 這隻body oil ~ 唔好旨意佢可以減肥, 但去水腫跟腿部疲勞一流! 用後, 皮膚都變得滑一滑.

 

 

因我同博士都係勞動階層, 成日要企, 亦造好多運動, 所以雙腳好易水腫. 腫起身, 會搞到有啲鞋唔啱著的. 所以我都去買嚟試.

 

佢係冲完涼, 身仲濕嗰時搽上去, 比身體吸收吓. 如你有心機massage 幾吓, 效果更好…當然, 我 “多數”冇咁好心機. 只係搽上去就算. 由於係身仲濕嗰時搽, 啲水稀釋咗啲油, 所以唔會成身油笠笠的.

 

唔知係咪心理作用, 搽咗冇幾耐就有去vv 的感覺. 對腳第2朝真的冇咁腫.

這油仲可以舒緩造完運動嗰隻疲勞同脹脹的感覺. 而用咗皮膚變得滑一滑, 就絕對唔係心理作用…真係堅滑!

 

我有 “妄想”, 佢咁work, 可唔可以收緊吓我雙手的bye bye 肉…答案係: 唔得. 佢只可以去水腫, 脂肪性的肥腫就冇效的.

 

後話:

給我MASSAGE的師傅教我, 如腳部又腫, 又疲勞, 可以用點力按吓足3里嘅位. 要大力啲, 令自己有點 “痛”嘅感覺, 先可以刺激到啲穴道

 

如自己冇乜力, 就可以用刮痧板去刮. 咁啱, 我睇番一本買咗好耐嘅書 “刮痧變美女” (好耐之前, 在台灣的誠品買的), 你咪睇個名咁娘, 書裡面有好多實用的指引. 當中, 就有一頁係教 “消防隊小腿水腫” ~ 跟MASSAGE 師傅教我的一樣)

 

 

Biothem White D-Tox

護膚品, ,

以往, 美白跟保濕不能造到共存. 但Biothem White D-Tox則是少有的例外.

 

 

以serum 的texture 而言, 佢係偏杰的 ~ 就如正常day cream 嗰種質地. 但上面後, 佢係潤而不笠, 令皮膚即時變得嫩滑. 如你沒有告訴我, 佢係主打美白,  我還以為佢係一枝保水嫩膚的serum.

 

產品的主力, 係sell 抑制, 截擊 + 對抗黑色素. 還有特別成份令皮膚細胞再生. 但最最 “啱聽”, 係佢專為亞洲女性而設, 又適合敏感皮膚用. 這對我非常重要. 因我覺得, 亞洲女性的皮膚跟歐美的不一樣, 如能對症下藥就更好嘛. 況且, 我個人的皮膚係好薄, 如遇上一些較刺激的成份, 往往會感到不適. 雖然未至會即時紅腫, 但吉吉哋, LAR LAR 哋 或癢癢的不良感覺, 會維持好耐. 最怕仲係乾 ~ 之前都提過, 好多美白產品都會令我皮膚底層變乾…..但如我底層一變乾 + 因為護膚品帶來的不適…只要稍為比太陽曬吓…嗰吓就真係會出事. 因我的面會即時紅腫, 並痕到飛起, 要用醫生處方的藥膏去治療. 那你哋明白點解我時時話 “唔要皮膚受苦”吧.

 

所以texture 溫和, 但又要有效的美白產品, 對我來說, 係不可多得.

 

試用了3星期….我覺得最impress 的係, 第一天搽, 已覺得皮膚變得好滑. 水水嫩嫩的感覺係可以last 一整天. 這種感覺, 如在美白serum 來說, 真係首次有咁 “水”嘅感覺. 我試過晚上搽咗佢, 原本想等佢比皮膚吸吓, 我先上night cream. 但我 “等等吓”就瞓著咗. 到第2天, 皮膚竟然冇覺得乾. 我絕對唔係叫大家只用佢, 連cream 都唔搽, 只係想說明, 佢嘅補濕力的確很好.

 

 

當然, 美白的效果都很好…我當時剛從台南回來, 當地太陽給我的 “洗禮”, 絕不會少過我去菲律賓潛一次水少. 我之前都有分享過, 如暴曬後而出的斑斑, 只要你在緊接的1星期內, 用有效的美白產品護理, 這些斑就不會在你皮膚扎根. 而BIOTHEM 都不負所托, 很快令我皮膚回復舊觀.

 

自製潤唇膏

護膚品, ,

先在這鳴謝給我這FORMULA 的DON

佢之前造了枝潤唇膏給我用

我覺得好好用. 冇味, 夠潤, 但唔笠

佢拍得住我用過好貴的MTM 同 MENARD

而且製作簡單, 只要將所有材料溶埋一起, 再等佢哋凝固就得

 

 

支裝潤唇膏製作 （一般唇膏筒為5g，此份量可做 3支）

 

a.) 甜杏仁油 sweet almond oil    8g

b ) 酪梨油 avocado oil   2g

c ) 乳木果脂 shea butter     2g

d ) 蜂蠟 beeswax    3g

e ) Vit.E oil    1 滴

f ) 天然香薰油 / 油溶性食用香油     數滴 （optional）

g ) 錫紙兜

 

做法：

1.   a+b+c+d 全放入鍚紙兜，隔水加熱至溶化，攪勻

2.   加 e & f錫紙兜攪勻

3.   錫紙兜摺起尖位，以方便倒入唇膏筒，待凝固即成

 

盒裝潤唇膏製作

因為盒裝潤唇膏用手 / 唇掃上嘴唇，所以要軟一點才易塗。

 

a.) 甜杏仁油 sweet almond oil    5g

b ) 荷荷巴油 jojoba oil   5g

c ) 酪梨油 avocado oil    2g

d ) 乳木果脂 shea butter    2g

e ) 蜂蠟 beeswax    3g

f ) Vit.E oil     1 滴

g ) 天然香薰油 / 油溶性食用香油    數滴 （optional）

h ) 錫紙兜

做法同上。

* 甜杏仁油可用初榨橄欖油代替。

* 甜杏仁油 sweet almond oil / 乳木果脂 shea butter（J’s Land 有售）

* 酪梨油 avocado oil（city super 有售 250m l，用唔晒可煮餸；J’s Land 有 100m l 裝賣）

* Vit.E oil 可用藥丸；J’s Land 有 10ml 裝賣

* 蜂蠟 beeswax有白色，有黃色 – 白色係脫色脫味 （J’s Land）；黃色有淡淡蜂蜜味 （天麗天然有售）

* 錫紙兜 （二德惠有售）

* 唇膏筒（J’s Land 有售）

*天然香薰油切勿選用金橘類 （即西柚 / 檸檬 / 橙 ….），因為此類香薰經太陽曬後會皮膚發黑。化學香精例外。

 

左: 盒裝潤唇膏製作, 右: 支裝潤唇膏製作 (我兩款都冇落到 “g” (香油))

 

 

後話:

我對DIY 冇概念的, 這都係我第一次造

我先造了一小批 “試吓”. 係按 “支裝潤唇膏製作”. 只係我冇將佢變成枝裝, 都係用盒入.

這FORMULA 造出嚟的, 係比較硬身啲. 如你怕油笠笠, 這隻會啱你多啲.

 

OK 咗, 再另外造多一批, 係按 “盒裝潤唇膏製作”

我第2次造時, 因大意, 落少咗BEE WAX

但發覺出嚟嘅效果都好好, 因更軟身, 亦 “薄”貼啲. 只係天氣太熱嗰時, 佢會有少少 “溶”嘅感覺. 但都比LIP GLOSS  “固體”好多. TEXTURE 有啲似凡是林 GIT 出嚟嗰隻潤唇膏咁.

 

發覺好多女仔嘴唇好多死皮, 所以咪只顧住塊面要護膚

嘴唇都要架.

挑選美白serum

護膚品, , , ,

有朋友近日同我share 點去揀美白serum……我先醒起…係喎…如在counter 即時試一試, 又真係唔知佢好唔好喎.

 

美白產品同化妝品, or 補濕, 滋潤型嘅護膚品好唔同.

l   粉底, 眼影, 你可以即時試上手, 就知啲色靚唔靚, 貼唔貼, 同埋會唔會掉粉

l   補濕, 滋潤型嘅護膚品, 你都可以feel 吓, 即時上手嘅效果, 係咪夠潤, 笠唔笠

l   但美白產品….真係唔知喎…佢又唔係漂白水, 你唔會即時就睇到啲斑有冇淺色到. 只有買回去, 天天用, 快則2-3星期見到初步成效. 慢則, 要等個多月先見到效果. 即時的感覺 ~ 頂多可以試到佢嘅味道 + texture.

 

所以我選美白產品, 我一定會:

l   看看該出品係咪大牌子 (我對大牌子比較有信心)

l   睇吓佢哋嘅成份說明, 覺得 “有冇道理”

l   初步試上手, 感覺吓. 因我皮膚偏乾, 而美白serum 都係偏乾的. 如佢啲texture 係好薄嗰啲 (會滴滴吓嗰啲, 如圖中: SHISEIDO White Lucent),  我會用後感到皮膚變乾的. 所以如用這種texture 的美白serum, 我都會再加多層滋潤嘅serum 响面.

 

 

 

(手垂直時, 水水的serum 會往下流. 證明serum 好薄, 好輕, 搽上面一吓就吸晒. 所以會覺得有啲乾)

 

l   再搽少少上面, 睇吓有冇lar. 我皮膚薄, 用了vitamine C 濃 OR 有果酸的產品, 會即時覺得好lar. 後來有朋友話我知, 這是我底層乾而引至的. 所以她教我, 先上點滋潤嘅serum打底, 再上這viatmine C 嘅serum 就得. 果然.係得.

l   最後有朋友用過, 覺得好推介給我

 

有些朋友說, 上美白SERUM, 就要單上 ~ 即不要再加另外的SERUM, 否則美白效果會減弱.但老實說, 我個人好怕乾 或lar, 所以情願效果慢一點, 我都唔要 “受苦”.

 

當然, 如揾到隻又美白, 又補濕的serum 就更好. 所以, 之前在blog 介紹過的美白serum, 都可以單上的. 近日開始試用Biothem White D-Tox.~ 當然, 佢都係單上都 感覺到水潤. 至於美白效果如何, 我試多幾星期才跟大家share.

 

 

Biothem White D-Tox的TEXTURE 就像LOTION….上面已有水潤感覺, 不用另上滋潤嘅serum. 但又唔會笠. 初步感覺幾好.

 

仲有, 一定要睇清楚產品說明才好買. 因為有些美白product 係認明 “只可以晚上用”. 如早上用了, 佢有啲成份會 “吸光”, 咁會令你啲斑越整越深色.

 

還有哦, 大家要認清自己的斑斑係雀斑, 定係荷爾蒙斑:

l   雀斑: 多數係太陽晒出嚟, 而市面嘅美白產品多數都係aim for 雀斑的. 心急的話, 可以去用激光打走佢.

l   荷爾蒙斑: 係身體的荷爾蒙引起…市面好少美白產品可以擊退佢哋. 就算造光學療程, 都只可以減淡, 不可以100%擊退.

 

最後, 用咗咁耐美白產品, 我覺得有效的產品, 會令你皮膚色素變得均勻就好. 令剛給太陽晒出嚟嘅斑消滅, 就更加好!!! 你唔好奢望滿面的斑斑會變到0 ~ 因你嗰啲, 可能係連皮膚醫生都無能為力的荷爾蒙斑哦.