明朗sir 真的好有heart
課程結束後, 再加多堂比我哋
還給我們demo 多次, 並希望我哋化番第一次嘅作品, 睇吓會唔會再下一城
佢講得好啱 ~ 化妝就係不停地去試, 去練…..唔好覺得有啲位造唔好, 就skip 咗去迴避佢….只有勇於面對自己嘅不足, 才可以再下一城
所以我再慢慢study 過我上次化得不好嘅地方:
總括嚟講, 我上次的線條畫得未夠smooth, 有啲位畫得太粗, 亦冇跟到model 面骨的凹凸位去造
這回就揾我首席死士 lamb 上.
這回明朗sir 話效果好咗好多
阿sir 話, 加埋bling 電話造道具, 效果更好!
再用picture show 造effect
Lamb 當天用的頸巾, 好有俄羅斯娃娃嗰隻feel, 我哋癲傻2人組又嚟 “情深演譯”
LAMB 話: 底能兒童, 快樂無窮!
So Ture ~ So Us!!!
向來我對大戲妝感興趣, 因我對佢嘅blending 好好奇….咁大塊面, 點解啲白色可以咁smooth, 點樣可以由桃紅色blend 到淡粉紅…..明朗sir 昨天就為我揭開謎底
我們用的物料比粵劇的先進啲 (佢哋用水粉, 我哋用油彩). 基本上blending 的 “原理” 同化眼妝一樣, 只係手法有啲唔同, 因用的係膏狀嘅嘢. 但就算造到定妝的process, 都係要造blending.
仲有樣難, 就係畫柳葉眉同剔眼. 畫錯要改好麻煩.
咁哽嘅嘢, 當然由我首席死士Lamb上la!
跟住阿sir 提意加點現代的element 入去.
Left: BEFORE
Right: AFTER
畫得更誇, 我愛這現代版, 因層次感更強.
等了一年, 明朗sir 終於開creative 化妝班, 教化年代妝, 大戲, 油彩…好多..好多….所以我又上學了.
年代妝, 我早就在讀ZING嘅時候學過．當然嗰啲妝家吓唔可以化出街, 但當中學到的技巧, 仲係好有用的. 明朗sir 的教法又跟Zing 的不一樣…..我會多多學習.
20年代的女性妝容: dup 眉, 薄唇 , 白面, 黑眼 …..看彩色, 嚇死你….但在黑白相中…就啱啱好……
咧啲咁哽嘅妝….我當場找來我嘅BB ~ LAMB 嚟 “頂”…..佢話晒都見慣大場面…在ZING, 最哽嘅妝, 都係佢頂晒……所以佢真係冇得頂! 看我BB 跟REFERNCE 幾咁神似!!!
上這class 仲可以玩埋set 頭 + 影相….好玩!!! 不得不認, 看彩色係有啲嚇人的.
9姑娘上身了
睇番BLOG, 早在2009年, 我在ZING上黑白妝時 (即只用藍.綠.黃化)….因驚嚇度爆燈, 我哋就影咗這相: http://hk.myblog.yahoo.com/hifrtata/article?mid=4010
2年後嘅今天…..我哋癲 + 傻就再嚟1個
後話:
世局難測…就只有活在當下
身在福地, 有好朋友, 有好錫我的家人
無憾了.
多謝你哋對我咁好.
對於有電髮嘅女孩, 吹頭要下點功夫, 否則, 啲curl 失控會變得好難睇
亦有些女孩, 電了頭髮, 但又好快變直
這些年, 我都有keep 住電, 但都係一年一次.
我亦冇乜心機吹頭, 基本上亂吹, 到70%乾, 就停手. 跟住就由頭髮自然風乾. 因我覺得, 吹到100%乾, 都幾傷吓.
按道理, 我的curl 都係長期被我疏忽照顧, 好快直 ~ 但又好彩, 真係冇喎
當然, 不能不多謝我的stylist 用心給我弄頭髮 + 佢哋嘅chemical 好
但我都有小小法寶的 ~ 就是在頭髮70%乾的時候, 搽小小令頭髮卷曲的product.
好多頭髮品牌都有出令頭髮卷曲的產品. 就如Aveda, 不錯的, 但好貴. 後來我發覺Slicker 都一樣好, 但平好多 (百幾蚊). 因只要小小就夠 (太多會笠) 買1枝用到1年了. 這產品我之前都介紹過: http://hk.myblog.yahoo.com/hifrtata/article?mid=921
我見好多女仔為keep 住啲curl, 會用啫喱水 or mouse. Curl 係keep 到, 但我覺得唔係咁靚…因佢哋會硬到一枝枝, 又硬又反光, 仲濕濕咁. 但用這些卷曲product就不會， 啲curl 嚟得好自然.
這期, 得阿雪介紹Kerastase Reflection Chroma Thermique, 覺得佢比Slicker 更好. 因佢係護髮product, 唔係造型product. 仲有, 佢係可以有效鎖色, 令頭髮bling bling. 佢keep curl 的能力不比 Slicker 弱, 但更輕身, 用完頭髮都係軟軟的. 佢大概要200幾蚊. 但我覺得佢多了護髮功能, 所以非常值得.
我這頭髮係上年10月尾電的…好話都有半年了…自問啲curl 仲見得吓人架 (我是昨晚洗頭, 今早醒來乜都冇搞就係咁樣la).
如塗上身話有減肥功效的產品, 我早年都試很多
對我來說, 如只用產品, 減肥的功效不太明顯
但總可以令皮膚滑滑, 同firm 啲
所以最後, 我都mit 甩買減肥產品的癮, 好好造運動算了.
最近博士向我介紹 clarins 這隻body oil ~ 唔好旨意佢可以減肥, 但去水腫跟腿部疲勞一流! 用後, 皮膚都變得滑一滑.
因我同博士都係勞動階層, 成日要企, 亦造好多運動, 所以雙腳好易水腫. 腫起身, 會搞到有啲鞋唔啱著的. 所以我都去買嚟試.
佢係冲完涼, 身仲濕嗰時搽上去, 比身體吸收吓. 如你有心機massage 幾吓, 效果更好…當然, 我 “多數”冇咁好心機. 只係搽上去就算. 由於係身仲濕嗰時搽, 啲水稀釋咗啲油, 所以唔會成身油笠笠的.
唔知係咪心理作用, 搽咗冇幾耐就有去vv 的感覺. 對腳第2朝真的冇咁腫.
這油仲可以舒緩造完運動嗰隻疲勞同脹脹的感覺. 而用咗皮膚變得滑一滑, 就絕對唔係心理作用…真係堅滑!
我有 “妄想”, 佢咁work, 可唔可以收緊吓我雙手的bye bye 肉…答案係: 唔得. 佢只可以去水腫, 脂肪性的肥腫就冇效的.
後話:
給我MASSAGE的師傅教我, 如腳部又腫, 又疲勞, 可以用點力按吓足3里嘅位. 要大力啲, 令自己有點 “痛”嘅感覺, 先可以刺激到啲穴道
如自己冇乜力, 就可以用刮痧板去刮. 咁啱, 我睇番一本買咗好耐嘅書 “刮痧變美女” (好耐之前, 在台灣的誠品買的), 你咪睇個名咁娘, 書裡面有好多實用的指引. 當中, 就有一頁係教 “消防隊小腿水腫” ~ 跟MASSAGE 師傅教我的一樣)
