Tag Archives: 綜合

兩款我愛的paper mask

護膚品, , ,

如cream mask 同paper mask 相比, 我愛用cream mask 多啲. 因敷咗之後, 我都可以如常 “運作” ~ 講嘢 + 食嘢…方便!

 

但好多人跟我說, paper mask 好啲, 因佢 “撻”住你塊面, 會令養份更快落到皮膚底層. 所以我都會時不時用paper mask.

 

之前講過, skincare 我都係分兩大類: 滋潤或美白. 所以這回介紹的paper mask, 都係 1隻滋潤, 1隻美白.

 

 

LANCOME ABSOLUE MASQUE ~ 滋潤

這, 真的要多這母后. 母后乃係LANCOME 的DIE HARD FANS….佢一出手, 就買到血流成河. 我之有幸接觸到這MASK, 就係母后醒了幾片給我. 一用, WO WO WO…不得了 ~ 簡單啲講, 有啱啱造完好貴FACIAL的感覺. 而且皮膚柔軟的感覺係LAST 到好幾天.

 

唔好講自家敷的PAPER MASK, 就算出咗去造FACIAL, 造完當然有效果, 但第2天好多時都冇乜FEEL 了. 所以LASTING 嘅面膜真的可喻不可求. 這盒要$8xx 6片…維起要百多元一片…絕不平易…….但你有諗吓喎, 只要百多完, 就有造完一個好的facial 嘅效果…..試問出去造facial, 有幾多個, 可以百幾蚊但有好效果的呢?

 

SOFINA WHITHENING MASK ~ 美白

好多人知我玩潛水, 又去跑步行山, 同太陽玩咁多, 都會問我: 點解你仲咁白嘅.

基本上, 我係曬唔黑, 但會變黃, 同狂飈雀斑. 況且對上次打斑都係3.4個月前嘅事….我段估都會出番好多斑 (因醫生都話過, 這唔會斷尾的, 但你只要好好保養, 就唔會出得咁快). 所以我問醫生要唔要再打, 佢check 過之後, 就話: 你仲好好喎, 冇出番, 唔駛再打喎.

 

我覺得Sofina Whitening Mask應記一功. 因佢對付 “新鮮”起的黃氣 + 雀斑非常有效. 通常我連續敷兩至3晚, 已可以得救. 但對於 “陪”咗你好耐嘅雀斑, 就要用多好多片了. 所以當你啲雀斑還 “新鮮”嗰時, 就要及早處理, 唔好比佢哋在你皮膚 “長居”

 

我為了達至最佳效果, 我會在敷這mask 前, 先上點這系列的serum, 事半功陪.  但這不是must 的, 你可考慮用不用.

 

Biothema Aquasource 溫泉水潤保濕凝膠

品牌workshop, 護膚品, ,

多年嚟, Biothema 的產品對保濕都立下不少口碑. 我當年開始買這牌子的產品, 都係佢超卓的保水功能; 同埋產品都係清爽的, 最啱夏天用.

 

 

這季, 佢又推出新FORMULA 的Aquasource, 所以我又join 佢哋嘅workshop, 看看這產品有幾好同埋學吓最新的護膚知識.

 

 

新的Aquasource有兩種: 綠色的line 係比中性至混合性的皮膚. 而粉紅色的則適合乾性皮膚. 我兩隻都試過, 粉紅色的會多了一 份“油潤”的感覺, 絕對啱晒乾爆的皮膚. 但我本身係混合性的, 加上現在已踏入夏季, 所以綠色的Aquasource係我不二之選.

 

舊裝的Aquasource我都用過, 跟新的相比…新的更silky smooth, 少了gel “膠膠”的感覺. 所以在妝前打底都冇問題, 不會出擦膠碎. 但如要MIX 濕粉, 相信用粉紅色裝的會更好. 因佢會令粉底好推啲.

 

新的Aquasource加入了一種新成份叫Mannose, 佢不但可以將水份帶到肌膚的第五層, 仲可以在皮膚表面形成一個保護膜, 令保濕嚟得更深入同更持久. 我試過晚上只搽Aquasource就去睡. 雖然整晚開冷氣, 但第2朝醒來, 皮膚還是很飽滿. 由於Aquasource的補水力的確令人驚喜, 我t-zone 位的出油情況都減少了. 而佢嘅質感好FRESH, 所以在這麼悶熱的天氣, 用佢就好舒服. 最重要係, 夏天, 大家都流好多汗, 所以都會令皮膚缺水, 所以好的補濕用品, 你又怎可缺少呢!

 

在workshop, 我還學了好幾個好實用的護膚tips:

1.   由於毛孔係向下生的, 所以洗面時, 就要向上打圈, 咁先會有效清潔到毛孔

2.   過份起泡的產品通常係偏鹼性的. 但皮膚係弱酸性的. 所以多用鹼性高的產品對皮膚不好

3.   用化妝棉上toner 時, 一般人都係用1隻手指夾住塊棉花的. 但這會令棉花跟皮膚的接觸面太少. 所以應用兩隻手指夾住. 上toner亦要抹埋頸 + 耳後, 好令成塊面, 頸, 正面, 後面的膚色都一致.

 

 

4.   上skincare 時, 好多女仔都會先將skincare 放在手心, 在掌心捽幾吓, 再上面. 咁樣造, 你大部份的skincare只會落在你手中, 已上唔到面. 正確方法係將skincare 即接點在面上, 再往外推勻.

5.   上眼霜時, 有些人愛往外 (眼頭往眼尾方向)塗抹, 有些人則相反. 其實兩種都ok 的, 只係功效唔同. 往外: 去眼紋. 往內: 去黑眼圈, 眼腫 (因咁會通到淋巴位)

6.   但上bb cream時, 就不要將上skincare 咁直接點在面上 + 在面上打圈. 這會令bb cream 上得唔勻. 正確方法係你先用手指將bb cream薄薄的在面上攤開, 跟住先輕輕地推勻.

 

 

Snoxin去皺serum

護膚品, , , , ,

我係嗰啲 “see to believe”的人

雖然人哋用得好, 不等如我用都好 ~  但係, 有點真實的成功例子, 唔多唔少都會多啲信心.

 

正如介紹我造激光facial 的D, 不要看她5X歲, 但皮膚白滑細緻得, 好些廿幾30歲的女孩都比唔上. 所以佢嘅介紹, 我都好BUY….況且跟佢造了激光FAICAL 後, 皮膚好了很多….更證明佢冇 “老點”.

 

因買course 的時候, 送了另外的treatment, 據說能令骨膠原增生, 因而可以有效去皺, 令皮膚緊緻. 我深知一造完, consultant 一定會sell 我, 所以我事先打去問D 這treatment 造唔造得過. D 劈頭第一句就話: 唔駛買, 近來發覺有隻好嘢, 都係二百幾銀, 去皺好得. 萬寧有售.

 

我就跟D的介紹去萬寧買Snoxin ($295, 有時遇上DISCOUNT, 會有$50OFF). 佢係SERUM, 所以洗好面後, 上了toner就先用佢, 再用你用開嘅護膚品. 我用了差不多1個月, 發覺眼紋跟頸紋都減淡了. 這PRODUCT 平得嚟WORK 喎!

 

 

撇開這兩個DOWNSIDE, 佢真係好好, 又抵用!

1.   但這PRODUCT 都只係FOR 去皺, 佢冇乜滋潤成份.

2.   早上用咗佢, 再上妝, 會令底妝起屑.

 

這間廠還出了個遮紋, 毛孔的base (化妝品)叫Nanoblur,佢係利用光線的折射而令人看起來少啲皺紋. 佢本身不會令你去皺的. 都係百幾, ok 抵.

 

 

但佢唔係我用過最好的 (化妝品).  NARS 的pro-prime or RMK Smoothing Polish Base都比佢好, 但就貴好多.

 

 

 

Lancome Blanc Expert Melanolyser 鐳射光瞬白精華

護膚品, ,

我明白太陽係美白的大敵….又耐何, 我熱愛水上活動….所以冇可能要我介掉不去玩. 只是我現在會更小心防晒 + 晒後護理 + 美白.

 

這回….我又去跟陽光玩遊戲 ~ 去菲律賓潛了5天水. 跟隨我出征的美白代表, 正是這枝Lancome Blanc Expert Melanolyser Spot Eraser.

 

 

 

每天朝 6, 晚6, 12 小時的水上活動 (所以亦不能帶帽), 我是會上SPF50的防晒, 中場休息, 就會先上點face cream 給皮膚一點養份……

 

先讓我介紹吓當哋情況

陰天, 雨天, 都”光燦燦”的…可見紫外綫幾勁!

 

 

好天的話, 晒到你皮都甩!!!

 

 

 

可惜我去的是個荒島, 島上沒有淡水的….冲涼的水是略為化淡的海水. 只在晚上收爐後, 略為冲 “乾淨啲”, 就恨恨的上Lancome Blanc Expert Melanolyser, 再加點night cream (有幾晚, 因沒有冷氣, 我連night cream 都冇上, 只搽了serum 就算). 因覺得整個人都係 “鹹的”, 連mask 都懶得敷.

 

也許你會問我, 為何早上不用…..actually, 在香港的話, 我早上會用的….但在菲律賓, 我這頭起床, 嗰頭就 “中”落海……乜都 “洗晒”….所以早上, 我只會上sport 用的防晒.

 

就係咁回到香港後…先有機會 “照鏡”, 看看自己變成點

l   膚色尚算均勻冇變黃. (菲律賓的太陽好勁, 就算陰天, 紫外線都足夠晒傷你).

l   有啲雀斑位深色咗, 但冇話 “飈多幾粒”出嚟

l   皮膚嚴重缺水, 死皮勁多 (護膚又唔勤力, mask 都冇敷, 抵死)

l   敏感出粒粒 (天天鹹水洗面, 又比水母炸到)

 

所以一回來, 我早晚都用Lancome Blanc Expert Melanolyser.

晚上都會敷保濕mask, 並用Lancome Blanc Expert Melanolyser打抵.

 

這serum 有幾好…..Let the product speak for itself

 

 

Left: 去trip 後 (即時),  雀斑位深色咗小小, 皮膚缺水, 死皮多了, 皮膚暗啞.

Right: 護理了3天後, 雀斑明顯化淡了, 皮膚冇咁乾了.

 

嚟張素顏1/4 面:

 

 

 

Left: 去trip 前….白滑, 細嫩 (真令人懷念)

Right: 去trip 後並護理了3天. 人overall 深了2個tone, 但膚色沒變黃. 雀斑減淡中.  覺得很乾…要再繼續敷補濕mask

 

 

化了淡妝後:

 

 

 

Left: 去trip 前(真令人懷念)

Right: 去trip 後並護理了3天. 上了妝, 雀斑不覺眼…但因底還是乾, 所以光澤度還要點時間去收復.

 

用後感:

l   佢質地很薄…一啲都唔笠. 但滋潤度比我用開的美白產品強.

l   暴曬後, 基本上皮膚沒有變黃. 整個面的膚色尚算均勻.

l   雀斑沒有爆發 (在菲律賓嗰5天, 護膚只靠這SERUM + NIGHT CREAM), 咁曬法, 只係深色咗小小, 實屬萬幸. 所以效果已令我滿意.

l   回來好好護理了3天, 色素明顯減退.

 

Clarisonic 洗面機 (補文)

護膚品, ,

所謂 “7分清潔, 3分保養”, 所以清潔對護膚來說係極重要的一環

 

清潔的皮膚不但可減少出粒粒的慘況, 更可以令你之後上的護膚品更好被吸收:

 

有醫生說, 人年紀大, 新陳代謝會變得慢. 所以死皮長了出來, 就會 “留在”原地. 就算你平時有好好落妝洗面, 都未必可以清理到死皮. 而你死皮層加厚時, 你不但失去皮膚應有的光彩, 就算你搽幾好的護膚品, 都不會有效地被吸收, 十分浪費.

 

以上 “清潔的重要性”, 我向來都知.

我怕痛, 要我針清黑頭, 真的可免則免, 但這些年來, 化妝又多, 空氣又污濁, 所以我定時都會為自己造deep cleansing 的mask or 造點好mild 的scrub. 但去到造facial 時, 美容師總說我有黑頭, 又有死皮….

 

為了修對靚眉過年, 我當然走去揾我最 “心儀”的SAMMY 修. 他向來的皮膚真的超好, 比好多女仔還好….這天見佢 ~ 又靚咗嘅?! 一問之下, 原來佢買咗這部Clarisonic 洗面機 (Joyce Beauty有售)….他說, 用這機洗面, 好乾凈, 跟手再敷吓補濕mask 就掂晒. 用了, 黑頭又少咗, 連deep cleansing, scrub的產品都不用了. 這機sell 的是比一般的潔面process 乾淨6倍, 因此, 你對護膚品的吸收度會大增, 因而皮膚會得到很大的改善.

 

唔駛講…..我第一時間就飈過Joyce Beauty買!

 

 

這機貴的….用HSBC credit card 可打10%off, 都要 HKD1890. 如大家想買, suggest, Fri – Sat, 去Times Square Lane Crawford 內的 Joyce Beauty買, 因HSBC credit card 用戶, 這幾天買嘢, 會有extra discount (即打了10% discount後, 仲會有多個discount).

 

這麼貴…值得嗎? 我覺得值.

 

在短短的1星期, 我已體會到佢嘅好:

l   長年伴住我長在下巴的暗粒消了大半

l   黑頭又少了, 毛孔細緻咗

l   t-zone 出油情況改善不少

l   皮膚光澤度大增

l   化妝時, 上小小粉就good, 而且好貼

l   佢有包埋另一個擦頭洗身用的, 用完, body 亦係變得好滑

 

可是, 我見好, 就 “去得太盡”….說明書有講, 成個洗面process 只要1min: 兩邊面各10sec, 額頭 20sec, 鼻.下巴位 20sec….我就連面都各造20sec

 

結果….就乾爆了幾天….真係搽乜都1吓嗦晒….mask 又係一下子就吸晒 (博士笑我, 連skincare 都用多了6倍). 所以停了2天, 再狂上skincare 就back to normal.

 

我仲發覺, 我天生的皮膚都係偏薄, 所以不用天天洗1分鐘….隔天洗就好了. 但鼻位 (黑頭聚居地), 就天天洗20sec.

 

 

這洗面機有包埋1個洗面擦頭 + 1個洗身擦頭. 再有幾枝洗面 + 洗身的PRODUCT (但你用回你用開的洗面PRODUCT 都OK 的). 洗面擦頭大概3個幾月就要換…到時, 我會試吓佢哋 for sensitive skin 的擦頭, 可能會更啱我.

 

後話:

l   這天只上了一點revlon 的礦物粉, 皮膚都好靚了.

l   眼就是用了peacock 的copper red + 淺金色化…..色彩都夠出, 這些新MAC, 有料到.

 

 

 

 

補文

 

想不到大家反應咁熱烈…..並提供到更平的SOURCE….我再總括一吓:

 

1.   如在JOCYE BEAUTY (Times Square) 買, 最低價會係:

10% 後 = $1890, 再減埋最紅星期5, 6, 日, 嘅$200 (最maximum) = $1690

Extra brush 係 $250 一個

 

Note:

l   最紅星期, 只造到2月尾

l   在這裡買係最貴的, 但勝在方便又即時攞到貨.

l   要維修, 都係攞番去jocye beauty 就得…方便.

 

2.   多謝ssung 的提供, 在skinstore.com 買….平好多:

http://www.skinstore.com/clarisonic.aspx

 

只要USD195 再打20% OFF, 在美國係Free shipping, ship 嚟香港, approx USD15

即係TOTAL: USD171 @7.79 = HKD1,332

Extra brush 係 USD 40 兩個  ~ APPROX HKD155 一個

 

Note:

l   直接由美國ship 嚟, 可能你要買多個插頭換 (好少事)

l   但維修你可能要自己post 會美國

 

3.  多謝 cc的提供. 原來yahoo auction 都有seller 賣…價錢比在skinstore 買差唔多, 有啲嘢仲平小小 (百幾蚊 difference)

 

Note:

l   始終唔係 “authorized dealer”, 啲貨真唔真, 你自己諗. 所以我都唔會出條link, 你哋有興趣上yahoo auction 揾吓.

l   可在mtr 交收, 方便快手. 但如他日要維修, 你要揾番這dealer.

 

 

再講埋, 同cc 傾過 ~ mia sonic 可能仲好 ~ 如你唔執著要洗埋body. 因平好多.

我又諗 ~ 唔知得唔得架…….你買咗mia sonic….就算你想洗埋身, 最多咪買多個bursh 囉….都係多百幾蚊only.