Tag Archives: 流行文化

Biothem White D-Tox

護膚品, ,

以往, 美白跟保濕不能造到共存. 但Biothem White D-Tox則是少有的例外.

 

 

以serum 的texture 而言, 佢係偏杰的 ~ 就如正常day cream 嗰種質地. 但上面後, 佢係潤而不笠, 令皮膚即時變得嫩滑. 如你沒有告訴我, 佢係主打美白,  我還以為佢係一枝保水嫩膚的serum.

 

產品的主力, 係sell 抑制, 截擊 + 對抗黑色素. 還有特別成份令皮膚細胞再生. 但最最 “啱聽”, 係佢專為亞洲女性而設, 又適合敏感皮膚用. 這對我非常重要. 因我覺得, 亞洲女性的皮膚跟歐美的不一樣, 如能對症下藥就更好嘛. 況且, 我個人的皮膚係好薄, 如遇上一些較刺激的成份, 往往會感到不適. 雖然未至會即時紅腫, 但吉吉哋, LAR LAR 哋 或癢癢的不良感覺, 會維持好耐. 最怕仲係乾 ~ 之前都提過, 好多美白產品都會令我皮膚底層變乾…..但如我底層一變乾 + 因為護膚品帶來的不適…只要稍為比太陽曬吓…嗰吓就真係會出事. 因我的面會即時紅腫, 並痕到飛起, 要用醫生處方的藥膏去治療. 那你哋明白點解我時時話 “唔要皮膚受苦”吧.

 

所以texture 溫和, 但又要有效的美白產品, 對我來說, 係不可多得.

 

試用了3星期….我覺得最impress 的係, 第一天搽, 已覺得皮膚變得好滑. 水水嫩嫩的感覺係可以last 一整天. 這種感覺, 如在美白serum 來說, 真係首次有咁 “水”嘅感覺. 我試過晚上搽咗佢, 原本想等佢比皮膚吸吓, 我先上night cream. 但我 “等等吓”就瞓著咗. 到第2天, 皮膚竟然冇覺得乾. 我絕對唔係叫大家只用佢, 連cream 都唔搽, 只係想說明, 佢嘅補濕力的確很好.

 

 

當然, 美白的效果都很好…我當時剛從台南回來, 當地太陽給我的 “洗禮”, 絕不會少過我去菲律賓潛一次水少. 我之前都有分享過, 如暴曬後而出的斑斑, 只要你在緊接的1星期內, 用有效的美白產品護理, 這些斑就不會在你皮膚扎根. 而BIOTHEM 都不負所托, 很快令我皮膚回復舊觀.

 

自製潤唇膏

護膚品, ,

先在這鳴謝給我這FORMULA 的DON

佢之前造了枝潤唇膏給我用

我覺得好好用. 冇味, 夠潤, 但唔笠

佢拍得住我用過好貴的MTM 同 MENARD

而且製作簡單, 只要將所有材料溶埋一起, 再等佢哋凝固就得

 

 

支裝潤唇膏製作 （一般唇膏筒為5g，此份量可做 3支）

 

a.) 甜杏仁油 sweet almond oil    8g

b ) 酪梨油 avocado oil   2g

c ) 乳木果脂 shea butter     2g

d ) 蜂蠟 beeswax    3g

e ) Vit.E oil    1 滴

f ) 天然香薰油 / 油溶性食用香油     數滴 （optional）

g ) 錫紙兜

 

做法：

1.   a+b+c+d 全放入鍚紙兜，隔水加熱至溶化，攪勻

2.   加 e & f錫紙兜攪勻

3.   錫紙兜摺起尖位，以方便倒入唇膏筒，待凝固即成

 

盒裝潤唇膏製作

因為盒裝潤唇膏用手 / 唇掃上嘴唇，所以要軟一點才易塗。

 

a.) 甜杏仁油 sweet almond oil    5g

b ) 荷荷巴油 jojoba oil   5g

c ) 酪梨油 avocado oil    2g

d ) 乳木果脂 shea butter    2g

e ) 蜂蠟 beeswax    3g

f ) Vit.E oil     1 滴

g ) 天然香薰油 / 油溶性食用香油    數滴 （optional）

h ) 錫紙兜

做法同上。

* 甜杏仁油可用初榨橄欖油代替。

* 甜杏仁油 sweet almond oil / 乳木果脂 shea butter（J’s Land 有售）

* 酪梨油 avocado oil（city super 有售 250m l，用唔晒可煮餸；J’s Land 有 100m l 裝賣）

* Vit.E oil 可用藥丸；J’s Land 有 10ml 裝賣

* 蜂蠟 beeswax有白色，有黃色 – 白色係脫色脫味 （J’s Land）；黃色有淡淡蜂蜜味 （天麗天然有售）

* 錫紙兜 （二德惠有售）

* 唇膏筒（J’s Land 有售）

*天然香薰油切勿選用金橘類 （即西柚 / 檸檬 / 橙 ….），因為此類香薰經太陽曬後會皮膚發黑。化學香精例外。

 

左: 盒裝潤唇膏製作, 右: 支裝潤唇膏製作 (我兩款都冇落到 “g” (香油))

 

 

後話:

我對DIY 冇概念的, 這都係我第一次造

我先造了一小批 “試吓”. 係按 “支裝潤唇膏製作”. 只係我冇將佢變成枝裝, 都係用盒入.

這FORMULA 造出嚟的, 係比較硬身啲. 如你怕油笠笠, 這隻會啱你多啲.

 

OK 咗, 再另外造多一批, 係按 “盒裝潤唇膏製作”

我第2次造時, 因大意, 落少咗BEE WAX

但發覺出嚟嘅效果都好好, 因更軟身, 亦 “薄”貼啲. 只係天氣太熱嗰時, 佢會有少少 “溶”嘅感覺. 但都比LIP GLOSS  “固體”好多. TEXTURE 有啲似凡是林 GIT 出嚟嗰隻潤唇膏咁.

 

發覺好多女仔嘴唇好多死皮, 所以咪只顧住塊面要護膚

嘴唇都要架.

挑選美白serum

護膚品, , , ,

有朋友近日同我share 點去揀美白serum……我先醒起…係喎…如在counter 即時試一試, 又真係唔知佢好唔好喎.

 

美白產品同化妝品, or 補濕, 滋潤型嘅護膚品好唔同.

l   粉底, 眼影, 你可以即時試上手, 就知啲色靚唔靚, 貼唔貼, 同埋會唔會掉粉

l   補濕, 滋潤型嘅護膚品, 你都可以feel 吓, 即時上手嘅效果, 係咪夠潤, 笠唔笠

l   但美白產品….真係唔知喎…佢又唔係漂白水, 你唔會即時就睇到啲斑有冇淺色到. 只有買回去, 天天用, 快則2-3星期見到初步成效. 慢則, 要等個多月先見到效果. 即時的感覺 ~ 頂多可以試到佢嘅味道 + texture.

 

所以我選美白產品, 我一定會:

l   看看該出品係咪大牌子 (我對大牌子比較有信心)

l   睇吓佢哋嘅成份說明, 覺得 “有冇道理”

l   初步試上手, 感覺吓. 因我皮膚偏乾, 而美白serum 都係偏乾的. 如佢啲texture 係好薄嗰啲 (會滴滴吓嗰啲, 如圖中: SHISEIDO White Lucent),  我會用後感到皮膚變乾的. 所以如用這種texture 的美白serum, 我都會再加多層滋潤嘅serum 响面.

 

 

 

(手垂直時, 水水的serum 會往下流. 證明serum 好薄, 好輕, 搽上面一吓就吸晒. 所以會覺得有啲乾)

 

l   再搽少少上面, 睇吓有冇lar. 我皮膚薄, 用了vitamine C 濃 OR 有果酸的產品, 會即時覺得好lar. 後來有朋友話我知, 這是我底層乾而引至的. 所以她教我, 先上點滋潤嘅serum打底, 再上這viatmine C 嘅serum 就得. 果然.係得.

l   最後有朋友用過, 覺得好推介給我

 

有些朋友說, 上美白SERUM, 就要單上 ~ 即不要再加另外的SERUM, 否則美白效果會減弱.但老實說, 我個人好怕乾 或lar, 所以情願效果慢一點, 我都唔要 “受苦”.

 

當然, 如揾到隻又美白, 又補濕的serum 就更好. 所以, 之前在blog 介紹過的美白serum, 都可以單上的. 近日開始試用Biothem White D-Tox.~ 當然, 佢都係單上都 感覺到水潤. 至於美白效果如何, 我試多幾星期才跟大家share.

 

 

Biothem White D-Tox的TEXTURE 就像LOTION….上面已有水潤感覺, 不用另上滋潤嘅serum. 但又唔會笠. 初步感覺幾好.

 

仲有, 一定要睇清楚產品說明才好買. 因為有些美白product 係認明 “只可以晚上用”. 如早上用了, 佢有啲成份會 “吸光”, 咁會令你啲斑越整越深色.

 

還有哦, 大家要認清自己的斑斑係雀斑, 定係荷爾蒙斑:

l   雀斑: 多數係太陽晒出嚟, 而市面嘅美白產品多數都係aim for 雀斑的. 心急的話, 可以去用激光打走佢.

l   荷爾蒙斑: 係身體的荷爾蒙引起…市面好少美白產品可以擊退佢哋. 就算造光學療程, 都只可以減淡, 不可以100%擊退.

 

最後, 用咗咁耐美白產品, 我覺得有效的產品, 會令你皮膚色素變得均勻就好. 令剛給太陽晒出嚟嘅斑消滅, 就更加好!!! 你唔好奢望滿面的斑斑會變到0 ~ 因你嗰啲, 可能係連皮膚醫生都無能為力的荷爾蒙斑哦.

 

兩款我愛的paper mask

護膚品, , ,

如cream mask 同paper mask 相比, 我愛用cream mask 多啲. 因敷咗之後, 我都可以如常 “運作” ~ 講嘢 + 食嘢…方便!

 

但好多人跟我說, paper mask 好啲, 因佢 “撻”住你塊面, 會令養份更快落到皮膚底層. 所以我都會時不時用paper mask.

 

之前講過, skincare 我都係分兩大類: 滋潤或美白. 所以這回介紹的paper mask, 都係 1隻滋潤, 1隻美白.

 

 

LANCOME ABSOLUE MASQUE ~ 滋潤

這, 真的要多這母后. 母后乃係LANCOME 的DIE HARD FANS….佢一出手, 就買到血流成河. 我之有幸接觸到這MASK, 就係母后醒了幾片給我. 一用, WO WO WO…不得了 ~ 簡單啲講, 有啱啱造完好貴FACIAL的感覺. 而且皮膚柔軟的感覺係LAST 到好幾天.

 

唔好講自家敷的PAPER MASK, 就算出咗去造FACIAL, 造完當然有效果, 但第2天好多時都冇乜FEEL 了. 所以LASTING 嘅面膜真的可喻不可求. 這盒要$8xx 6片…維起要百多元一片…絕不平易…….但你有諗吓喎, 只要百多完, 就有造完一個好的facial 嘅效果…..試問出去造facial, 有幾多個, 可以百幾蚊但有好效果的呢?

 

SOFINA WHITHENING MASK ~ 美白

好多人知我玩潛水, 又去跑步行山, 同太陽玩咁多, 都會問我: 點解你仲咁白嘅.

基本上, 我係曬唔黑, 但會變黃, 同狂飈雀斑. 況且對上次打斑都係3.4個月前嘅事….我段估都會出番好多斑 (因醫生都話過, 這唔會斷尾的, 但你只要好好保養, 就唔會出得咁快). 所以我問醫生要唔要再打, 佢check 過之後, 就話: 你仲好好喎, 冇出番, 唔駛再打喎.

 

我覺得Sofina Whitening Mask應記一功. 因佢對付 “新鮮”起的黃氣 + 雀斑非常有效. 通常我連續敷兩至3晚, 已可以得救. 但對於 “陪”咗你好耐嘅雀斑, 就要用多好多片了. 所以當你啲雀斑還 “新鮮”嗰時, 就要及早處理, 唔好比佢哋在你皮膚 “長居”

 

我為了達至最佳效果, 我會在敷這mask 前, 先上點這系列的serum, 事半功陪.  但這不是must 的, 你可考慮用不用.

 

Biothema Aquasource 溫泉水潤保濕凝膠

品牌workshop, 護膚品, ,

多年嚟, Biothema 的產品對保濕都立下不少口碑. 我當年開始買這牌子的產品, 都係佢超卓的保水功能; 同埋產品都係清爽的, 最啱夏天用.

 

 

這季, 佢又推出新FORMULA 的Aquasource, 所以我又join 佢哋嘅workshop, 看看這產品有幾好同埋學吓最新的護膚知識.

 

 

新的Aquasource有兩種: 綠色的line 係比中性至混合性的皮膚. 而粉紅色的則適合乾性皮膚. 我兩隻都試過, 粉紅色的會多了一 份“油潤”的感覺, 絕對啱晒乾爆的皮膚. 但我本身係混合性的, 加上現在已踏入夏季, 所以綠色的Aquasource係我不二之選.

 

舊裝的Aquasource我都用過, 跟新的相比…新的更silky smooth, 少了gel “膠膠”的感覺. 所以在妝前打底都冇問題, 不會出擦膠碎. 但如要MIX 濕粉, 相信用粉紅色裝的會更好. 因佢會令粉底好推啲.

 

新的Aquasource加入了一種新成份叫Mannose, 佢不但可以將水份帶到肌膚的第五層, 仲可以在皮膚表面形成一個保護膜, 令保濕嚟得更深入同更持久. 我試過晚上只搽Aquasource就去睡. 雖然整晚開冷氣, 但第2朝醒來, 皮膚還是很飽滿. 由於Aquasource的補水力的確令人驚喜, 我t-zone 位的出油情況都減少了. 而佢嘅質感好FRESH, 所以在這麼悶熱的天氣, 用佢就好舒服. 最重要係, 夏天, 大家都流好多汗, 所以都會令皮膚缺水, 所以好的補濕用品, 你又怎可缺少呢!

 

在workshop, 我還學了好幾個好實用的護膚tips:

1.   由於毛孔係向下生的, 所以洗面時, 就要向上打圈, 咁先會有效清潔到毛孔

2.   過份起泡的產品通常係偏鹼性的. 但皮膚係弱酸性的. 所以多用鹼性高的產品對皮膚不好

3.   用化妝棉上toner 時, 一般人都係用1隻手指夾住塊棉花的. 但這會令棉花跟皮膚的接觸面太少. 所以應用兩隻手指夾住. 上toner亦要抹埋頸 + 耳後, 好令成塊面, 頸, 正面, 後面的膚色都一致.

 

 

4.   上skincare 時, 好多女仔都會先將skincare 放在手心, 在掌心捽幾吓, 再上面. 咁樣造, 你大部份的skincare只會落在你手中, 已上唔到面. 正確方法係將skincare 即接點在面上, 再往外推勻.

5.   上眼霜時, 有些人愛往外 (眼頭往眼尾方向)塗抹, 有些人則相反. 其實兩種都ok 的, 只係功效唔同. 往外: 去眼紋. 往內: 去黑眼圈, 眼腫 (因咁會通到淋巴位)

6.   但上bb cream時, 就不要將上skincare 咁直接點在面上 + 在面上打圈. 這會令bb cream 上得唔勻. 正確方法係你先用手指將bb cream薄薄的在面上攤開, 跟住先輕輕地推勻.