其實今年的冬天有冇嚟架…..連孱仔強我, 都覺得這個冬天不太冷….轉眼又話春天了. 星期2, RMK 已LAUNCHED 咗春夏新品. 這季的靈感係來自馬戲團令人開心, 充滿活力和繽紛的色彩.
有兩個新品我覺得很特別 ~
Spring Circus Face Color (limited edition)
剛剛寫成報BEAUTY 專欄, 有關如何打造 “紅粉菲菲”的妝容….RMK 的公關則向我提議這款產品. 看起來相當可愛, 因一盒有齊所有 “調色”的原素:
- 白色: 締造自然的明亮感
- 粉紅色: 散發少女味
- 藍色: 令膚色透亮
- 橙色: 製造健康膚色
當時我是看圖象的, 已覺得很美. 到PRESS CON 時看到實物, 就更美….而且想唔到係咁大粒, 真係有排用. 而註場的BA 亦教了我3種用法:
- 用碎粉掃, 整個粉餅打圈: 功用有如碎粉一樣, 可以定妝; 並可以吸走多餘油脂, 令皮膚清爽. 而且產品透明感重, 適合任何膚色的人使用.
- 用光影掃, 上半來回掃: 上半多是白色, 可作HIGHLIGHT 用
- 用胭脂掃, 下半來回掃: 因色系偏淡紅調, 可作胭脂或修容用
所以這盒出品, 真係靚得嚟, 又多用途; 仲兼夾夠大盒, 有排用! (看看跟胭脂的比例, 就知佢有幾大盒)
Color Performance Eyes
這季的眼影, 全系有6款. 每款有3隻色.
在press con, 我請BA 給我試 04 Bordeaux , 眼影帶點酒紅色和金色. BA 係用眼影掃, 先將 3隻色掃混合, 再搽在眼蓋位就完成. 最令我感覺與之前的季度的產品唔同, 係佢出色度極高, 就算冇搽EYE BASE, 顯色度都令人十分驚喜; 以前, 不只RMK, 基本上日系色大多數都係似有還無…..這次只要輕輕取色, 就能造出好實在的感覺.
PRESS KIT 內付上 EX-02 PURPLE 給我們回家試. 我就跟BA 教的方法, 逐一嘗試. 未化妝前, 先看看佢哋的顯色度有多高
A. 左: 直接搽在皮膚上 (銀色和淡粉紅都係淡淡的, 但中間的紫色已很出)
B. 右上: 搽了薄薄的濕粉 (比直接搽在皮膚相比, 啲色實在咗少少)
C. 右下: 搽了eye base (顯色度非常飽滿)
我覺得如你沒有眼油的問題, 就咁搽已足夠你日妝用. 所以我沒有眼油問題, 以下的眼妝, 我是上了濕粉, 再用Spring Circus Face Color定妝後, 就開始化.
用法1:
只在眼蓋位上單色; 我選了粉紅色. 眼頭則用銀色
粉紅色很淡, 但閃亮度則很美. 但因顏色不足以變大對眼, 所以提議畫眼線方面, 比多小小.
用法2:
有些人會問, 用粉紅會否令人顯得眼腫 ~ 會的…加上帶閃片, 會令眼腫問題加大. 如果你真的太浮腫, 應選啞色和不帶紅調的眼影比較好. 但如只是一點點腫, 則可以和我這樣, 在聚位 (多數在眼尾), 加點深色, 再blend開．深邃一點的眼妝, 會令眼睛放大, 並減低浮腫感.
用法3:
3隻色混合一起上在眼蓋…基本上係淺紫色. 非常易用. 感覺上會比單上粉紅色, 妝感會重一些
用法4:
單用中間的紫色, 這基本似一個light smokey ~ 不過由於顏色飽和度很夠, 所以最好blend 吓啲邊界位, 免得比人看見”一條眼影”. 另外, 亦可以在邊界位加點粉紅色去blend 鬆, 這會令整個眼妝的層次更分明
這次仲玩埋新甲油 ~ 啲色有別於spring summer 常用的粉色系, 反而係啲深深實實的色. 我試深藍色. 這甲油比較透薄, 要搽3層才達到實色的效果. 但就算唔上top coat, 啲色都好有造了gel 甲, 好透亮的感覺.
