化一個靚妝, 成功打好個底妝係好必需. 但每人的皮膚.喜好.對朝流的觸感, 都不同, 對底妝的要求亦不一樣. 但咁多年嚟, 我對底妝的要求, 都係維持在透薄自然有光澤….就算看到小小瑕疵, 都不要成為厚粉人 (所以, 我自己麻麻地陶瓷feel 的底妝, 係滑的, 但好似厚咗啲)
而光澤感, 反而, 我這些年, 有些喜好的改變. 早期, 喜歡日系嗰啲帶有小小閃爍的光澤感 (通常, 會用點有好微幼的閃片…再陽光下, 特別美). 到近年, 提亮的產品越來越多, 有粉狀的, 又有膏狀或液態的. 如粉狀, 我喜歡霧光感; 如膏狀或液態的, 則喜歡水光感. 但我最怕好似牙帶魚嗰啲銀白光…拍照係冇問題, 但見真人, 真係好假好油膩+幾分俗氣.
而水光和油光又真係差一線….我這文盲都唔知點同大家形容 ~ 也許, 水光係清澈柔和的….油光是強而有力的反射.
日系出的底妝, 向來都以薄透為基礎. LUNASOL 今季出的一系底妝產品, 係出奇的薄, 但居然都有不錯的遮瑕度 (我用後覺得, 佢唔係靠厚度去遮蓋瑕疵, 係靠利用光線的折射; 而終極的遮瑕, 係要用遮瑕膏的).
新品仲有LUNASOL Watery Primer, 本身添加了精華液, 就如護膚品咁為皮膚補濕. 當中的 Pore Covering Polymer 可以修飾毛孔; 而 keep fit polymer 就可以耐汗控油. 如你皮膚狀態超好的日子, 就咁用佢都靚架. 只係佢只得SPF13, PA+, 防曬度不高, 所以, 如要出戶外, 你得先搽防曬.
重頭的LUNASOL Glowing Watery Oil Liquid, 有5色….01-04 係有好輕的色調, SPF25 PA++, 都夠平日在室內工作的人用. 另有CL ~ 係透明色, 有極高的剔透感, SPF18 PA++ (個人認為, 係為絕佳膚質的女士而設). 所以, 我個人喜歡01-04. 試用時BA 只用了3滴, 再配合佢哋嘅濕粉掃 ($260, 真係超抵買, 可以上到粉更貼薄)…就可以上完我塊大面. 不過, 如要KEEP 住最靚嘅水光感, 唔上碎粉嘅效果最掂 (我本身皮膚唔油的, 所以唔上碎粉OK).
雙色遮瑕膏Seamless Consealing Compact 一深一淺, 足夠你遮蓋暗瘡印並可以調到啱你自己膚色. 佢貼得嚟, 係好薄, 唔油….好易同皮膚溶合. 而造shading 的Contouring Stick, 係我用過最淺色的contouring stick….以為唔夠強, 但原來啲色又啱啱好……最好係, 就算大意了…都不會有個鞋印在面上.
用後感:
我覺得個底妝咁靚, 最好化淡妝, 盡量將個妝容的focus 落番在底妝
為咗保留水光感, 我連胭脂都會用液體或膏狀的
如真係要上碎粉, 上在t-zone 好了
但如果你的皮膚極油 + 非常粗大毛孔, 係要成面落碎粉. 但我個人認為, 你會浪費了這粉底的長處.