其實有啲產品已在fb fan page 講過; 不過再全部重溫吓

 Chanel Essential Regenerating Mask

話說這係我gym 的靚太太介紹; 就係佢當年踢我入cdp 火海. 這些年, 佢介紹的產品, 件件都good. 這期見佢皮膚又靚咗, 問佢搞咗啲乜, 佢話就係用咗chanel 金line. 而首推佢嘅mask 同eye cream. 我梗係走去入貨.

同好多朋友講起, 聽到CHANEL skincare, 都say no: 主要都話香味太濃, 有啲就話冇乜feel (但佢哋唔係用金裝). 我在counter 試過, 啲香味頂得住, 微香而已, 我接受到.

太太教我, 這mask 配合按摩, firming 效果很好, 而且用完皮膚又滑又有光彩; 係去party 前的急救恩物; 連上妝都貼好多. 我自己試過…搽上面就跟一般cream mask 冇乜分別. 但我唔喜歡用手按, 我喜歡用refa 按, 到位又唔會整到成手cream.

•  如唔按, firming 效果差好多. 只係皮膚滑咗而已
• 用手按, 有firming 效果, 只係本人唔喜歡用手 (懶呀, 用refa, 一隻手就 如要手按, 要兩隻手嘛….用一隻手按…我另一隻手可以攞零食入口…令過程 “暢快”一點)
• 用refa, 最有firming 效果 ~ 我覺得refa 本身係有效, 加上我 “願意”用佢按耐啲 (只用手, 我冇心機). …所以效果最好. 用手, 我按5分鐘都冇就收工; 用REFA, 我可以用15-20分鐘.

FIRMING 效果係令成個面冇咁浮腫. 對我嚟講, 最明顯係眼袋位….我早上起身, 眼袋位最腫; 如隔晚用咗MASK + REFA 按…第2朝都仲係好FIRM 的. 我當然有試過用refa 配合別的按摩產品 (如cdp 的按摩cream), 但firming 效果, 都係chanel 勁啲 ~ 係勁好多! 所以要兩者并用.

另外, 我家都有黃金棒….我個人覺得, 佢都有效, 同REFA 差唔多LA….但佢細枝, 我面又大….用REFA 按接觸面大好多 = 快啲. 所以, 我偶爾只會用黃金棒按眼位就算.

CAUDLIE Instant Detox Mask and ERNO LASZIO Hydra-therapy skin treatment

剛在fb 都介紹過這枝caudlie detox mask. 真係好用. 可以即時去暗黃, 灰灰的面色. 另外, 如皮膚有小小發炎 (小小癢癢脹脹就ok, 爆瘡唔得架), 佢都可以即時舒緩. 佢有啲似clay mask, 會乾的…乾咗皮膚會繃緊….所以我就會厚上, 敷5分鐘左右就洗掉. 我唔會等到佢乾到烈先洗…感覺不良好.

我通常洗完就會敷番個補水或滋潤的mask. 而近來我好友小虎就極力推介ERNO LASZIO Hydra-therapy skin treatment. 其實這隻mask 我n 年前都有用…係有效, 補水力好, 用完皮膚即時又嫩又滑….但係就煩囉….又要用佢啲水開粉, 敷上面又一pat pat….之後又要一忽忽mit 出嚟, 再洗面.

其實唔只小虎, 我有些美容達人朋友都話佢好…我就諗住過咗咁多年, 佢可能有改善, 即管再用吓. 結果, 我的結論係維持不變: 係有效, 不過煩….所以唔會encore

不過, 用佢, 真係唔可以慳, 話一枝分兩次用; 個mask 會太薄….更難mit, no good.