我向來都有去salon造color, 但都係一年兩次左右 (before 新年造一次, 自己生日前造一次). 我去得少….其實就如去少去beauty salon造facial 一樣, 我怕悶, 10 吓10吓坐大半天. 如年中, 真係頂唔住, 我會自己用泡泡 color (beauty labo) 造一次. (beauty labo, 我以前的blog 都有介紹過:  http://www.tastyling.com/?p=2835  . 以前在香港, 要去水貨舖先買到, 而且啲色唔齊. 現在去阿信屋, $8x 就有)

其他日子, 就會用quis quis 啲treatment color 造吓 (亦在blog 介紹過: http://www.tastyling.com/?p=2180 )…一來, 我都怕太多chemical 對頭髮唔好, 所以用quis quis, 雖然佢哋啲色唔太實 (基本上要在太陽下才看到啲色), 亦只可以last 到1個月. 但始終佢係護髮為主, 上色次要….用咗quis quis, 你基本上, 只可以將新出自己的天然髮色, 同以前造落color 啲色, 拉近小小, 但絕對造唔到兩色變回1個color tone.

我多數去日本時, 在TOKYO HANDS, 大手買一堆 (以前啲LOCAL 藥房都有, 但對上兩次去, 都冇見到藥房有). 香港就會在LOG ON 偶爾有. 剛行過CWB LOG ON, 佢哋有COUNTER, 並出了新包裝.

我想提吓大家, 我自己買開紅色的. 但上次貨唔夠, 我就買了幾包粉紅色試吓. 我頭髮都偏深啡, 一次用了兩包粉紅色, 都冇上色效果, 只有護髮效果.

其實, 新年快到, 我都BOOK 咗過兩星期就去造COLOR, 但近來父王特然同我講了一句: 造乜你啲頭髮咁啡架…..我先醒起, 又係時候造吓啲COLOR TREATMENT (因髮型師交帶落, 如果你就快去造COLOR, 麻煩唔好自己手痕造啲有chemical 嘅染髮, 這會影響佢哋同我哋造color 嘅效果).

今次係試之前在泰國 siam 內的大supermarket 買的color treatment (都係紅色). 佢比quis quis 易用, 你只要洗完頭, 濕髮搽佢, 待5-10分鐘冲水就得 (Quis quis 如要效果好, 要乾髮時上一次. 冲水後, 再上多次).

佢啲味都ok (冇chemical 味), 而且啲色唔會食落皮膚到 (quis quis 會, 要即時抹走的). 造出來的效果, 都比quis quis 的紅rich 啲. 都係嗰句la, 唔會造到兩隻色變為一隻, 你都係睇到有色差….只係個色差拉近咗. 特別啡的位, 出的紅色會明顯啲.

如有機會在去泰國,我都會買定幾枝旁吓身.