每去一次潛水trip, 都對皮膚有一定傷害….長時間浸在鹹水, 鹽份會令皮膚的水份蒸發, 上到船, 再比太陽乾煎….雖然我會補太陽油, 以及盡量躲在陰頂 ~ 只可以說, 這是 “盡吓棉力”而已. 亦自從搭的航空公司再沒有30kg sport equipment 這個優惠, 每人一定要堅守20kg; 老實說, 單是潛水gears 都過磅了, 同一件衫都要著幾日la. Skincare, 以往乜都帶, 家吓, 都係帶幾件就算. 回來才喪護理. 而且時時落海, 乜都冲走晒, 所以我會帶些經濟嘅品牌.

這趟回來, 托福, 只係黑咗小小la….啲斑又唔算失控, 只係皮膚變得暗同有啲乾 (但好彩又冇似以往咁變咗黃面婆喎).

回來第一天, 我即時敷了mikimoto…覺得效果好似冇100% 發揮到….諗諗吓, 醒起自己冇造scrub 先 ~ 因曬完, 皮膚會有好多死皮阻礙吸收. 但係, 曬完, 皮膚又有點unstable, 所以不要選用太過刺激的scrub; 亦都係因為角質層過厚, 皮膚先會變暗.

所以就用了這 Havey Nicols 有售的澳洲天然有機skincare ~ Y Natural 200 Buff Marine Skin Polish. 如我平時用200 BUFF, 係直接塗在乾爽的皮膚, 先massage 幾吓, 再加小小水繼續massage 幾吓, 跟手冲走. 佢啲粒子好fine, 乾用都唔會覺得痛. 而佢獨有的海洋精華成份可以溶解老化角質以及排毒.

雖然我現在沒有sun burnt, 都係保守啲, 用在濕面上, massage 吓再冲走. 之後再敷個極品absolute mask….效果真係好好多! (之後, 我再用埋另一隻酵素成份的skincare 去護理 ~ 下篇再講)

如成面造, 200 BUFF 一星期用一至兩次就夠; 但我多數都係一次, 因我有時都用洗面機, 又會用導出機, 所以不用scrub 得太密. 反而係鼻位, 因夏天多油, 易出黑頭…所以我有時就只用佢scrub 吓鼻位多一次. 之後個鼻鼻會冇咁油的.

 

左: 出trip 前影的
右: 4jul影的 (我1jul 才回來)

1. 當然未100% 收復失地, 光澤感仲未完全回歸, 皮膚表面已看不見乾紋, 但係底層仲感覺到有啲乾. 家吓仍要每天sos 敷mask 護理中

2. 其實回來敷的mask, 都跟以往差不多, 但這回效果快咗好多….看來真係要造點mild 的scrub, 清走死皮, 令skincare 吸收得更好.

3. 以往, 如在暴曬後, 起碼一星期內化的妝, 都會浮的…但現在都沒有

後話:

以往, 我都在blog 介紹過IPSA Refiner Tone Up Cream Clay ~ 覺得佢清黑頭一流的, 都回購過幾次. 但係, 佢啲粒子比較粗, 所以如要scrub 面位, 我會減小力度, 同只磨一兩吓. 但絕對唔會曬後用佢, 太刺激了.

但發現200 BUFF後, 覺得佢啲粒子唔粗, 但潔淨效果跟ipsa 一樣! 同埋200BUFF 有好多珍貴精油造成…所以效果好又唔刺激皮膚. 我皮膚偏薄, 但曬完都可以用佢, 而冇覺得任何不適.