在Zing我哋啲妝雖然化到七彩….但所有色有個共同點: 越係啞色越好.
l 啞色係最難blend, 最難操控. 你用佢化得掂啲妝….所有物料對你係再冇難度
l 拍照用係最好, 因佢唔會反光.
l 佢啲色亦會顯色度很高, 非常漂亮.
就是導師的提點, 我開始揾啲好質量嘅實色眼影. 入了Shu Uemura, Bobbi Brown…質量有保正, 但係唔夠艷麗.
直到我嘅院友咪喵介紹了ILLAMASQUA (I learn my English in China Town, 水平有限….到家陣都未識讀……..亦始終覺得佢嘅讀法好粗口 (心術不正)….IL LA MA ….問候人哋嘅母親….)
二話不說就托院友給我弄來4粒試吓…..都係啲好激嘅色: 紅.黃.綠.藍…..以我經驗:
l 黃色造得唔好, 顯色度就會最差.
l 而越深色嘅眼影, 造得唔好, 咁會有嚴重掉粉嘅現象.
l 最後, 造得唔好嘅啞色…你咪駛旨意佢可以BLEND. 亦唔好妄想佢可以色搭色.
咁我就一次過將4隻9唔搭8嘅色畫上眼…..妝就係得人驚咗啲…但要試真啲…只有為藝術犧牲.
結果…超點…….以上嘅缺點佢都冇….粉滑, 貼, 顯色度夠, 亦夠艷. BLEND得亦可壓上其他色.
嚴重聲明: 咧個妝只是造demo, 千其唔好咁化出街…得人驚之餘, 仲係好out….家陣冇人化彩虹眼影架喇!!!
你若問我, 平常化日妝, 你就用不著咧啲又啞又艷嘅色….但你絕對直得留意ILLAMASQUA嘅化妝品…因啞色好難造得靚…而佢就可以造得咁出色…所以佢其他色(你可揀啲親和力高嘅色, 或買點啞色同你家的閃色Mix and Match),一定非常了不起.
若NARS係我閃色眼影嘅大婆, ILLAMASQUA就係啞色眼影嘅大婆…….但兩個都係衰埋同一樣嘢: 貴!!!
P.S. MAC的啞色我都有買…..但我覺得Illamasqua好好多. Illamasqua嘅啞色拍得住NARS, 但NARS冇佢咁多色.