化妝的確有潮流的, 但跟得上潮流的大前題下, 都要啱自己才可以. 有些事, 可能是先天所限, 令你不可以貼住個TREND 走. 正如潮流興短裙, 而本人的是甲組腳, 又O 腿(真係要再投胎先可以有改善的機會)…..裙雖然買啱SIZE 就穿得上; 但穿上後, 你話會靚定係嚇人呢?
其實之前都講過, 大熱的粗眉, 一字眉…..我真心覺得唔係人人啱. 眉不單只要配合面型, 仲要跟額骨的弧度配合才OK……當然, 你死都要畫, 當然畫得到…但靚唔靚…我的確有保留.
每當去尖沙咀…我都見到好多中國來的女遊客, 10個造9個都係一字眉…..的確, 畫功方面一流….balance 得很. 但因要就住額骨的弧度, 往往要畫到上 “雲精”….好有武則天嘅氣質 (當然, 你喜歡冰冰式的眼妝, 這是must)……對我來說, 有點不自然 (我都係喜歡自然一點的妝容).
請ALICE 嚟造個DEMO. 她非常窈窕, 面型亦很好 (這基本上已可以畫一字眉); 但她的額骨在眉峯上會急轉彎, 正面看沒有問題, 但則面看, 條眉好似短咗, 眉跟眼對不上.
左: 第一款, 配合ALICE 的面型和額骨的弧度畫的
中: 第2款, 略略加粗和畫得平啲
右: 第3款, 最粗和畫得再平啲
正面:
側面: 如要則面都沒有問題, 就要長眉尾提高, 往雲精延伸出去……但正面看, 就會好武則天 (DEMO 我並沒有咁畫, 只用圖展示眉尾的走向)
畫了3款眉….一條比一條粗和直. 但問心, 都係第一條, 有啲弧度, 不太粗最啱ALICE, 亦可以減底眉峯上會急轉彎而唔見咗眉尾嘅問題
第一款: 配合ALICE 的面型和額骨的弧度畫的
ALICE頭髮比較短, 在膊上;
這款髻要用假髮SET
第2款: 略略加粗和畫得平啲
不是每個角度都不OK; 但側看, 有些角度, 是看到眉跟眼有些 “跟不上”
這款髻沒有用假髮
第3款: 最粗和畫得再平啲
向下望和正面都沒有大問題; 但側面看, 眉跟眼”跟不上”的問題更嚴重
這款髻沒有用假髮
也許你會問, 為什麼眉越粗, 視覺上 “跟不上”的問題越嚴重?
這是因為粗眉會令問題更明顯; 正如你的咀型唔靚, 搽上NUDE 色的唇膏不會覺得問題大, 但一搽紅色, 就會令問題明顯放大.
當然, 如你係都要粗眉, 而又有以上問題, 你可以將眉畫得淺色一點 (就如上NUDE 色唇膏咁)…….不過, 當你的頭髮是黑黑的, 又怎可以整條啡色眉呢
我們的WEBSITE: www.TaStyling.com
如有問題, 亦可email 我們: info.TaStyling@gmail.com
如有興趣造Model, 請去睇吓我這篇blog 先: http://www.tastyling.com/?p=3676 如ok才email 給我們吧. 謝謝