講到眼影胭脂, NARS 永遠是我最愛的大婆. 咁多年嚟, 只要佢出新色, 而嗰啲色又啱我口味, 我都會買. 因佢啲色可以好大膽, 顯色度好高….可能現在唔多興勁眼妝, 但當年, 當大SMOKEY EYES 最HIT嗰時, 真係只有佢, 先可以化到最濃艷似煙的感覺…..當然, 要駕馭咁勁嘅色彩, 你的BLENDING 功夫都要有番咁上下.

       

愛上就冇回頭, 所以, 都儲落好多眼影同胭脂….老實講, 乾身的眼影胭脂, 只要好好保存, 唔好令佢地受潮或受熱…基本上可以用到天慌地老. 但佢哋個盒, 就用上環保料…用上一年多就會自動溶解 ~ 表面痴笠笠.

 

抹掉痴笠笠

其實好容易, 只要用高濃度的酒精 (平啲) 或洗甲水抹走啲痴笠笠就得.

 

但你唔好意為, 這樣就有好日子過….再過多一排….雖然啲痴笠笠唔再出現….但個盒就會來個自動解體…即係有鏡嗰邊, 同有色嗰變, 會自動分開.

 

如果你數目不多…其實用完, 就用橡筋箍埋佢就算LA. 但我數目多, 而且又會出JOB 用….你話….一個化妝師, 啲嘢甩甩吓, 係幾咁喇渣….所以, 只有狠下心腸, 嚟個拆盒大行動.

 

在網上看過拆盒教學, 又問過NARS 啲BA 怎拆才最好, 當我出了FB, 又有網友比TIPS, 總括下, 我有以下心得.

 

用熱力

就係用熱, 溶咗底盆啲膠, 再用鎅刀, 或任何扁扁的刀類起佢出嚟.

 

如得一盒半盒, 你直接用火機燒吓個底, 當佢熔得8899, 咪撩佢出嚟

 

如多幾盒, 就可以SET 枝小臘燭, 代替火機

 

再再多啲…就可以用直髮夾, 在上面舖塊錫紙, 去熔啲盒

 

終極大量拆如我…….網上教會用平底鑊, 舖塊錫紙, 一次過熔幾粒. 但我CHEAP, 因唔想個平底鑊乾燒咁耐而壞掉…我係用月餅罐個蓋…..一次起碼可以熔4-5粒. 但都要舖錫紙架…因有時熔得太甘, 啲盒會痴住張錫紙…咁就成張換咗佢.

 

用熱力, 係最安全 ~ 只要你熔得夠時間, 你是不用力就可以撩出來….所以對眼影的傷害係最少 (因大力撩….可以即時弄碎粒眼影….又或者令佢內傷, 時間耐咗, 佢自己會裂開).

 

但熔盒時, 唔多唔少都有啲臭膠味…..最好帶口罩. 我第一ROUND 熔嗰時, 以為在廚房開恒抽風機就冇事…但結果, 孱底的我, 就鼻敏感了.

這盒adoration 係地雷…因佢係冇鐵盒裝住啲色 (即一熔就入肉).  但我熔完先知…結果發佢老皮…強行撬出嚟, 放在一個喉糖盒.

 

用高濃度酒精

你要買抵有尖針咀的針, 打啲酒精落色同個膠盒有條罅….待啲膠溶溶哋, 你就可以撩啲色出嚟.

 

將酒精打入這些罅隙位

這方法用在CREAM SHADOW係極之聰明的…..因熱力會溶咗啲CREAM SHADOW, 你撩嗰時, 好踢腳. 而CREAM SHADOW 唔怕內傷會裂開……..因用酒精, 你要點力才能撩啲色出嚟…這好易令你的粉狀眼影粉身碎骨!

 熔完, 安置啲色落化妝盒, 並唔係最快樂……最快落的係, 成袋盒掉咗佢……以後不要再見到佢哋 !

 

後話:

因NARS 啲色同個膠盒有條罅…所以你可以用針打啲酒睛落去條罅, 佢自然會滲入個盒底, 溶咗啲膠….但如MAC 嗰啲眼影…係冇罅的, 所以這方法用不著

 

有啲人教用風筒吹熱個底….我覺得需時太耐…唔化算

 

我又試過先打啲酒精入罅, 再用火去溶…時間會快啲….但酒精可能會搶火有危險…你哋小心啲