All posts by TaTa

SYMA NOURISHING CONCENTRATE ESSENCE

護膚品,

我用SINCARE, 係平貴都會用

最緊要有效果, 性價比要合我心水

之前介紹咗SYMA  24 Whitening Double Up Essence Mask, 真心覺得驚喜, 撞啱3月有PROMOTION ~  1SET 才$288,  有:

1盒 24 Whitening Double Up Essence Mask (原價$138)

1盒ANTI-AGING FIRMING ESSENCE MASK, (原價$320)

1 盒MULTI-VIAMINS MOISTURIZING ESSENCE MASK ). (原價$320)

好在, 我HUR HUR聲入了兩SET MASKS ~ 現在冇架la ! 不過, 用了3款, 我私心覺得24 Whitening Double Up Essence Mask係最好用.

Moist 24 Whitening Double Up Essence Mask

講多小小SYMA (引用官網):

SYMA成立29年。所有產品遵循台灣化粧品GMP規範， 提供品質的保證。SYMA在台灣、香港、瑞士設有生產線，因應亞洲人皮膚特質及氣候， 特別研發適合亞洲人使用的護膚系列產品。設有美白、防曬、淡斑、淡紋、舒緩過敏性肌膚及改善毛孔粗大等獨家配方。

家吓, 機會又嚟la, 今次係新出嘅SYMA 滋養精華液有promotion (本身$399, 家吓 $1 就得; 不過要加$60 行政費 + delivery. 咁都係$61, 抵到不能!)仲可以用$100 加購1盒 24 Whitening Double Up Essence Mask. 但係SYMA 滋養精華液絕對有驚喜 ~

呢個係官網介紹:

這款美白精華的主要成分包括大豆水解蛋白、桑根萃取物、光果甘草根萃取物、洋甘菊萃取物等。在淡化色素、白皙肌膚、抗菌消炎方面是你的護膚好幫手

  • 光果甘草根萃取物：抑制黑色素母細胞的活躍度，還具有良好的抗氧化能力，使膚色得到淨化的同時，還使皮膚維持平穩，減少敏感
  • 洋甘菊萃取物：不僅舒敏抗炎，還有效抗菌、抗氧化、防止肌膚多生粉刺等功效
  • 桑根萃取物：抗氧化、提亮膚色
  • 大豆水解蛋白：對肌膚有高效的保濕、調理作用，加快肌膚新陳代謝、煥發生機

而且這款精華非常溫和，哪怕是敏感肌也能使用，打破美白精華都很刺激的傳統

我個人用後感:

  • 絕對係溫和; 我去完沙灘曬完用佢, 都唔會敏感
  • 補濕一流. 晚上搽完開冷氣瞓, 第2日, 皮膚水份都係好pump pump
  • 用了1星期, 皮膚係透亮咗. 連朋友都看得見
  • 仲有非常清爽, 早上用完帶口罩, 都唔會覺得笠
  • 真係唔駛搽粉底, 皮膚都見得人! (佢有以前CDP WHITENING ESSENCE比我的感覺; 但價位就係1/5)

唯一, 我係覺得佢有小小香味. 如果冇味, 就perfect! 另外, 如果只aim for 去暗瘡印, clinque 的維他命C會勁啲, 但如果有傷口, 佢會嗱到你飛天. 同埋皮膚薄的人, 會有小小蟻咬的感覺. 不過, 如用SYMA 滋養精華液, 就唔會有任何不適的感覺.

SYMA 滋養精華液絕對係性價比好高的產品!

佢冇實體店, 可以從官網買: https://www.heshekids-store.com/products/syma-nourishing-concentrate-essence

記得睇真啲, 今次PROMOTION 係2揀1

1. 2 x 滋養精華液 5ml + 1 x 小心面滑煥白水潤修護面膜4片

OR
2. 滋養精華液 50ml + 1

我梗係揀2 + 加購24 Whitening Double Up Essence Mask 一盒.

油是多麼重要

護膚品, , , , , , ,

早幾星期, 又凍又乾, 真係令皮膚叫救命. 聞說農曆年又會再凍過, 所以大家要作去準備.

皮膚乾燥無比, 真係平時的產品都唔夠; 一定要加啲油水.

好多人, 聽到護膚油都唔多接受:

本身係油性皮膚, 仲用油?!

有冇聽過水油平衡? 如果皮膚缺水, 出油更多.

好的護膚油可以令皮膚築起屏障, 減慢水份流失. 你要知道, 油一般係為你築屏障, 唔會補水; 除非你用嗰隻產品, 係調配到補水和保水. 而且現在含油的護膚品可以造得很清爽, 你花點時間, 找啱自己用的產品就好.

啲油根本唔吸收, 浮在皮膚上! 仲搞到我出粒粒

 原因有很多. 首先是該產品的質量; 如果造得細緻, 應該易啲吸收. 如果真係浮在表面, 呢隻就唔啱你.

另外, 用的方法會直接影響吸收力. 你皮膚首先要夠濕潤. 你可以apply 咗toner 後, 皮膚濕濕的時候用. 我就直接噴多層rosewater, 先搽油. 之後, 用手的體溫按幾吓, 會更快令油被吸收.

你亦可以mix 一兩滴在cream or lotion, 再慢慢按上面.

如果造齊以上, 但你都出粒粒, 咁, 呢隻產品就唔啱你. 揾過另一樣la.

要知道, 每人的皮膚都不一樣, 所以啱用的產品都不一樣.

以下的產品, 都係我近來喜愛的. 有貴有平. 由spray, 就咁serum油, 到面霜同mask 都有.

FACE MIST

Amorepacific 煥采活膚噴霧: 嚴格嚟講, 係帶serum 的噴霧.

但噴上面, 滑滑的, 好似有層薄薄的屏障咁. 如日中, 你化妝咗, 可以用佢嚟補濕又唔會整花妝.

如果你覺得佢貴, 留意吓, 好多韓國大眾化的品牌, 都有出水油混合的spray.

FACE OIL

呢個, 我真係地獄黑仔王.

有兩隻我好喜歡: 雪花秀的人參籽油同Amorepacific Green tea seed treatment oil, 都好不幸discontinued. 好在我有時見價啱, 會stock up, 所以, 屋企仲有一瓶Amorepacific Green tea seed treatment oil. 佢哋都係好輕身, 但又好潤. 仲可以mix 落cream or serum, 去提升產品功效.

cdp 有隻Radiant multi repair oil, 都幾好, 但香味有啲濃, 唔係人人啱 (同埋呢隻油, 係要啲時間, 按幾吓先會吸收).

1. Amorepacific Green tea seed treatment oil, 2. cdp Radiant multi repair oil 3. Sibu Sea Berry seed oil 4. Clarins Double Serum 5. Three balancing Y line oil 6. I-firm rejuvenating essence

有兩種油, 我特別喜歡 ~ 一款係rosehip, 一款係sea berry.

都係可以抗氧化同加強皮膚修復能力. 但寸啲講, 真係要貴嘅, 先會唔笠. 價前大眾化的, 就比較厚身 (所以, 你要噴濕rosewater, 先好搽), 唔係會變18油人. Sibu Sea Berry seed oil, 我係iherb 買. 都係$2xx. 大大枝, 可以粗用. 有時, 會git一pump 落cream mask 去按面. 不過, 就咁搽, 你就預佢會笠啲.

i-firm 的rejuvenating essence, 即係rosehip oil. 佢係我用過咁多rosehip oil 中, 最冇負担, 效果最好最lasting. 佢好貴, 一盒有12枝, 正價$3xxx (但我在新年promotion 買, 有得打40%). 平啲, 就係好多人都知嘅Trilogy (係會笠啲)

另外, 我都喜歡CLARINS DOUBLE SERUM (係姜黃油), 都係抗氧化好掂; 亦都唔笠. 但對我呢個更年期老女人來說, 夏天會啱用啲. 如果你係後生女, 咁冬天都啱.

另外, THREE啲油都好出名, 大家都可以TAKE A LOOK.

而Yves Saint Laurent Forever Youth Liberator Water-In-Oil Skincare 我之前用過, 又ENCORE 過, 都幾好用.

EMULSION

Clarins植物金萃精油乳液, 係我今季開心大發現.

如產品名, 係精油加乳液, 仲係100%天然. 有淡淡的香薰味 (我覺得係草本味), 質感覺輕盈柔滑不油膩. 我在天氣最凍最乾的日子用, 皮膚keep 住成日又滑又嫩. 呢幾日暖番, 我都有用, 都唔覺得笠.

不過, 好乾時, 我用2pumps. 現在1pump ok.

MASK

Cha Ling Autumn Mask 都係我冬天救星. 好不幸, 佢專門店已撤出香港. 但都可以在SEPHORA買到.

佢厚如豬油膏, 你敷完之後, 最好先用tissue 抹走多餘油份先清洗 . 唔係洗極都油. 我覺得佢比DEEP SEA 嗰隻泥MASK 方便. 可即時, 令皮膚的乾燥感歸0.

我極度建議你買埋佢嘅dry oil ~ BOOSTING CONCENTRATE, 先將佢mix 落autumn mask. 佢不但發揮藥引功效, 令autumn mas發揮得更好. 佢仲 會令autumn mask 厚重的質感變得相對地輕盈.

但老女人我, 今年真係好 “大食”. 以前要TISSUE OFF 先, 但今年係吸得到. 仲有, 我會先敷5min, 之後, on top 加片cheap cheap 補水mask 敷多20min. 感覺超好.

Liese 1 Day Hair Monster

Uncategorized

對於Liese的泡泡染髮產品, 大家都可能好熟悉. 佢哋12月就出咗1Day Hair Monster, 啱晒我呢啲貪新鮮,但又唔想坐在salon 造color, 造highlight 的人.

因為個人生活習慣, 我差不多4-5年前, 已冇在salon 造color, 都係屋企自己造(主要係定期遮白髮). 點解? 因為我夏天會去游水, 就算現在冬天, 都勁多戶外運動. 鹹水,汗水和太陽, 都會令造咗嘅color退得很快. 所以, 我都費事花錢去salon 造. 但都去salon 電髮, 令頭髮多啲volume. 其實電咗, 如果造埋highlight, 啲curl 會顯得更靚. 但一造highlight = 就要keep 住造….唔係生出嚟, 一節的黑髮, 會好礙眼. 而highlight, 我又冇咁叻, 可以自己造.

所以, 見到Liese 1 Day Hair Monster 真係眼前一亮, 佢有6隻色:

Pearl Rose ~ 紫色

Honey Brown ~ 淺啡

Olive Khaki ~ 綠色

Mode Blue ~ 藍色

Shine Gold ~ 金色

Navy Black ~ 黑色

我以前去salon, 就係會用淺啡 + 金 造挑染highlight, 因為層次感比用單一色更靚. 所以呢兩隻係我心水之選. 而如果你喜歡現在大熱的耳圈染、裙襬染 ~ 我見好多人會用紫, 藍和綠. 染呢啲色, 可多時要漂頭髮; 況且好多工, 都唔喜歡員工染呢啲前衛色. 咁Liese 1 Day Hair Monster又真係可以幫到你.

我以前都有買過呢類1次性的hair color. 不過係spray, 我覺得, 如果造挑染效果, 都幾難控制 (不個, 你如果成頭spray on, 係快手的). Liese 1 Day Hair Monster 係一枝大棉棚, 好易用, 一定唔會好似spray 咁, 一唔小心會噴埋你塊面同件衫.

使用步驟:

1. 扭緊樽蓋，上下搖動10 次

2. 直立容器，然後慢慢取出滾軸魔髮棒

3. 拉直你想挑染的頭髮，用滾軸魔髮棒輕輕從上而下塗抹染料到頭髮上

4. 塗抹後等候數分鐘讓染料乾透，再梳順髮絲即可完成造型

真係手殘都造得到.

試用感覺 :

你一搽完, 佢係濕濕的, 好似啱啱噴咗啲hair spray 咁 (圖左) ; 但待佢乾咗, 一梳, 啲頭髮就會順番, 所以佢唔會阻礙你頭髮的造型

有咗highlight, 啲curl 真係靚好多, 層次鮮明啲

如果你想用tongs 之類的發熱造型產品, 我會建議你先捲好頭髮. 你pro, 當然可以似salon 咁, 細心將頭髮分區, 再上色. 但好似我咁hea, 隨心上, 效果都不錯 (不用3分鐘, 就完成).

因我係事先set好頭, 上咗色.待乾後, 再用手指打散頭髮. 只要佢乾咗, 啲色係唔多會整污jo你隻手. 而事後, 清洗容易, 只要像平日咁洗頭則可.

Liese 1 Day Hair Monster於DON DON DONKI 全線發售

ärztskin 全新植萃亮白煥膚系列

護膚品, , , ,

疫症期間, 對化妝品的渴求, 真係跌到歷史新低; 反而, 對護膚品的喜好, 就激增. 因為唔可以似以前咁, 久不久就去造facial, 只有密密在家護理.

最近試咗瑞士製造的ärztskin; 瑞士研發與生產, 已係質量的代表. 強調純淨感: 不含有危險性、致癌性、致敏性的成分，亦不會含有礦物油、工業化學物或爭議性成分. 所以冇乜香味, 我就算有皮膚感的日子, 都可以用.

如果你未聽過這品牌, 又想買1樣試咗先, 我會suggest 你買植萃亮白煥膚面膜; 佢都係我第一件接觸ärztskin的產品. 我係貪佢係cream mask, 夠方便. 官網話, 佢 含有瑞士冰川水、魚子提取物、維他命E 、維他命B3､透明質酸等，可促進皮膚微循環，能減少色素沉殿，同時能夠增亮及均勻膚色，並有效改善缺水、暗啞、乾紋問題。

我第一次用, 係在家造完cardio, 爆晒汗; 冲完涼就用(因流汗多, 皮膚會覺得好乾). 搽薄薄一層, 一啲都唔笠 (最好係冇香味). 之後用toner 抹走, 皮膚即時已覺得好夠水份. 而且打落2-3日, 皮膚都係好夠水份.

所以我之後, 扒完艇, 行完山, 暴曬後用, 都勁有舒緩作用. 一般, 曬過, 我會變黃幾日 (但又唔可以即時造美白, 因會刺激皮膚). 而家用咗佢, 係唔駛用美白產品, 皮膚都冇變黃. 當然補水力真係一流. 唔駛日日造添….sos 都係隔日造已好夠.

所以, 我先試埋呢個系列的2寶: 植萃亮白煥膚精華露 + 植萃亮白煥膚面霜. 佢哋啲成份同功能, 都係同mask 差唔多. 係互助互補. 例如, 精華露可以移除臉上殘留的死皮、油脂或防曬成分; 佢唔係落妝液, 係toner. 只係可以再次清潔皮膚, 令之後的skincare 更易吸收. 而搽埋cream, 就可以keep 住可促進皮膚微循環，減少色素沉殿. 就算現在悶熱的天氣用, 都唔會覺得好厚重.

ärztskin 銷售點

網站：https://www.arztskin.com/

門市：金鐘道93 號金鐘廊－ Facesss P3 Popup

銅鑼灣時代廣場4 樓－ Facesss Counter No.10

尖沙嘴K11 Musea B1 樓層103B 號鋪

Vi-Anode Elegante (試用文)

護膚品

Vi-Anode Elegante同我早前購入的Dr.Arrivo都係日本出, 都係岐埠縣添…….都係好貴, 過萬 (零售: $13800). 因本人家檔並不富裕, 但心態又八….所以借了架機回來試用, 看看Vi-Anode Elegante醒, 定Dr.Arrivo勁.

先比功能

Dr.Arrivo 只係收緊, 刺激循環同骨膠原 (只有兩個選擇,  EMS: mild 的可以天天造. MFIP+UP: 強力的, 就1星期2次). 主要都係造面, 當然, 都可以造埋身

Left: Dr Arrivo, 可以造埋身
Right: Vi-Anode, 就可以造埋頭

Vi-Anode Elegante 有超聲波清潔, 導入同 UP:收緊. 佢除咗可以造面同身, 仲可以造埋頭皮 (both 超聲波清潔同UP). 其實, 佢同Dr Arrivo的setting 唔同, 但原理一樣. 佢個UP 機頭, 係有MFIP技術, 亦有EMS 功能.

LED 功能

Left: Dr Arrivo, 所有LED色到有
Right: Vi-Anode, 只有紅色

Dr Arrivo係所有LED 色都有….你可以自由set

但Vi-Anode Elegante, 就只有紅色

力度 ~ 只比較到UP 功能

好老實講, 如講到電流的 “強度”, Dr Arrivo 勁好多. 佢同Vi-Anode Elegante 都係有4度. 不過, 我都叫買咗Dr Arrivo 大半年, 咁耐, 都keep 住每星期1-2次…….我都只可以 “頂” 到2度. 但Vi-Anode Elegante, 全開4度, 我都覺得好 “輕鬆”.

所以, 如果你怕痛怕死, 就必選 Vi-Anode Elegante.

效果

Left: Dr Arrivo, Right: Vi-Anode. 佢哋造面嘅手法好似, 到係簡單直接, 幾吓就完成

始終, Dr Arrivo係自購, 而我又好有恆心咁用足大半年…..所以效果好明顯. 而私心覺得 ~ 力度越大, 功效越大. 大概用了1個月, 就見到好明顯的收緊效果, 幼紋都少啲.

而Vi-Anode Elegante, 我係借回來, 只能用到1星期. 冇錯, 我覺得佢收jaw line 冇Dr Arrivo勁. 但佢嘅機頭細啲, 造眼位就啱啱好 (Dr Arrivo 根本唔可以太貼對眼, 因個頭好大). 所以, 這1星期, 如講收緊效果, 我係覺得眼袋FIRM 咗.

另外, 我係BUY Vi-Anode Elegante 可以叉一次電, 就可以用好幾次 (Dr Arrivo係要叉住電先用得). 所以, Vi-Anode Elegante方便好多. 尤其現在時時帶口罩, 晚上洗完面, 用佢超聲波清潔吓. 洗完頭, 噴啲hair serum, 又可以用佢碌幾吓. 早上見眼袋浮, 又開收緊MODE 碌兩吓.

買邊架好

喂吔….如果你兩架都冇, 就真係人生交叉點…..

先講, 兩架機都好易用, 每次碌幾分鐘就完事, 絕對唔煩.

幾本上Vi-Anode Elegante功能多, 電力溫柔…..如果你怕死, 就梗係買佢. 同埋, 我個人真係好喜歡用佢嚟碌頭皮……..加埋適合的頭髮serum, 可以刺激頭髮生長.

可以講, Dr Arrivo就專攻收緊, 但效果快啲. 電力強, 造嗰時, 係會有小小唔舒服.

後話:

呢個blog係我之前介紹Dr Arrivo: http://www.tastyling.com/?p=9853