Tag Archives: Veld’s Xim-UP

CDP radiant multi repair oil

護膚品, , , , , ,

雖然我同戰友都係cdp fans, 但都唔係盲粉, 佢都唔係隻隻products 都好; 比如說, 我係覺得la cream 好, 但我見方間好多人用完都話唔值; 而好多人話好到不得了的paper mask, 我又覺得價值同效果未能成正比, 所以唔會encore. 畢竟, 每人的膚質都不同.

  img_8638

最新出的radiant multi repair oil (簡稱beauty oil)

我戰友試用完話唔得:

  • 香味太勁
  • 唔滲透

 

因戰友warn 咗我, 我就用嗰時, 就特別小心, 唔會用太多, 大概3滴 (已可包面同頸); 一般話太杰太油的beauty oil, 只要你mix 啲花水or 用多啲toner, 令面表面濕濕的時候用, 你會覺得佢易啲吸收和易啲推開

 

所以, 因為份量唔多未至戰友講得咁笠同咁香; 但相比起我用過又覺得好的beauty oil, 如tatcha, estee lauder (後文再會有簡介)…..cdp 這隻真係笠好多(cdp 的笠, 唔係油淋淋嗰啲笠, 係有啲啜手嗰啲笠….有小小似食完甜嘢唔洗手嗰啲笠). 第一次用時, 天氣仲有點熱, 所以真係覺得佢太rich (直頭覺得佢焗住塊面). 不過, 第2朝睇啲皮膚, 又出奇的有光澤和飽滿 (唔怪得叫radiant ). 但皮膚表面的嫩滑感, 又冇太大的唔同. 而用過佢, 早上只係搽啲補水的cream 都覺得整天都夠用.

 

雖然sample 雖小, 但都夠用4-5天….用多兩天, 隨著天氣變涼, 佢嗰啲笠笠的感覺減低好多. 皮膚的飽滿度我是很滿意的. 佢相對cdp 其他產品, 唔算貴….但我都係留番去日本先買番枝看門口…我唔急的…況且, 夏天亦應該用唔到.

 

當時, 我係ar 了兩胞beauty oil. 另一包, 就係襯我造完lacer treatment 嗰天開始用….加上當時, 天氣又乾又涼…皮膚本身都有啲乾…加上lacer facial….就乾上加乾…連造完facial, 醫生都叮囑我要連敷幾天水份mask (以往就試過幾次, 當天氣乾, 我造完lacer facial 後, 又沒有好好護理, 結果就成面敏感, 皮膚鞋過沙紙)

 

由於無事忙, 我真係連敷mask 的時間都沒有…第一天回家 (嗰天造完lacer facial, 我仲去跑了2個小時步, 出了一身大汗 ~ 皮膚應該乾到見底)….嗰晚就係搽完beauty oil + la cream 就瞓 ~ 可能皮膚堅乾, 這回搽咗幾多吓, 但又唔見笠喎. 第2朝, 皮膚冇事喎…上粉仲好貼. 我見天氣越來越乾…第2晚, 直情係雙笠孖寶齊上: cdp beauty oil + 半枝Endocare tensage ampoules ~ 佢哋當然一搽上去有啲 too much…但吸得半小時, 又變得”可接受” (係仲有啲笠的)….所以面霜, 我唔搽la cream 咁rich, 改用rmk. 如是者, 天天晚上都係用雙笠孖寶, 皮膚冇因過乾而敏感, 而且光澤有彈力.

 

所以我覺得, cdp beauty oil, 可以用嚟看門口…但daily use 又好似rich 咗啲 (除非你極乾)

 

後話:

以下係我這期常用的油裡產品, 所有都在blog 介紹過….

img_8636

  1. Endocare tensage ampoules

佢唔係油, 只係啲好rich 嘅蝸牛serum. 平時唔會用, 但lacer facial 後必用, 佢會令皮膚recover 得好快. 但佢笠同有點怪怪的香味.

 

  1. Tatcha gold Camellia Beauty Oil

係貴買平用的佳品. 每次只要幾滴, 一枝用好耐 (所以維起唔貴). 我通常在天氣乾燥的早上用.

 

  1. Velds xim up

講笠, rich, 油 ~ 佢可以話係冠軍 ~ 但你可以由控制份量或用法, 去減低笠笠的感覺. 但sos 一流…用完皮膚又滑又嫩

 

  1. Estee Lauder advanced night repair ampoules

都係唔會天天用. 但BA 話, 知第2日皮膚會有衝擊時, 打定底先 ~ 如會去同陽光玩遊戲, 坐飛機, 造lacer facial 之類. 亦貪佢細細粒, 方便帶出trip 用

 

  1. Keilh midnight recovery concentrate

每晚, 搽完cream 後用. 佢好似保鮮紙咁包住啲養份. 第2朝, 皮膚更嫩滑. 佢價錢唔貴, 但功效好好…抵用

 

evie glow on ense hydrating activator

img_8637

雖然這個也在blog 介紹過, 但用rich products 嘅季節, 就要介紹多次. 無論你用那一隻serum, 而你又需要佢嘅潤但又唔喜歡佢嘅笠, 你可以搽完serum 後, 再用evie…..佢可以即時大大減底笠的感覺…彷彿開了個通道, 將養份帶到皮膚底層, 令護膚功效再提升.

 

又或者, 慳家的我用了sleeping mask, 但又重手咗….當然, 你可以即時洗咗佢, 但我會覺得好浪費….反正sleeping mask 可以過夜的嘛….咁我會先噴點花水在面上, 再用tissue, 輕輕印一印 (等自己即時感覺良好一點)…但當時, 塊面都係笠的. 跟住就會搽evie. 又係按幾吓, 啲油笠笠的感覺會消失…而且sleeping mask 的效果會發揮得更好

 

光學美容前後之護理

護膚品, , , , , , , , , ,

就算光學美容會令我皮膚底層變乾, 但總結後, 都係利多於弊, 所以起碼都keep 住造咗7年有多.

 

以前都造過啲更激嘅療程, 過程都會有啲不適 (要敷麻藥的), 好在效果不錯….但現在, “勇敢”氣慨已蕩然無存 (唔代表我唔想或不需要造….只係怕痛, 唔造住唶…..再過耐啲, 可能忽然貪靚慾望會蓋過恐懼時, 就會take action架la!)

 

結果, 我定期造的, 就只有以下3款 ~ 因效果見得到, 而不適感亦非常低 ~ 甚至冇乜:

  1. 去斑 (療程偶爾會有小小㓤, 好過清黑頭好多) : 我日常都會造好防曬和美白, 但始終我都有好多室外運動, 所以曬到有色斑係無可避免; 而光學機, 對付曬斑的確有一手; 但對荷爾蒙斑就普通 )

 

  1. 嫩膚 (機頭暖暖的, 沒什麼別的感覺) : 好似話會令皮膚的骨膠原生多啲….總之, 造完皮膚好有光澤同飽滿

 

  1. 緊緻輪廓 (機頭暖暖的, 沒什麼別的感覺): 始終我都唔細, 面珠, 腮位, 唔keep 吓, 好易會dur 皮. 造完眼位, 個眼袋都細啲 (可能啲皮拉緊咗); 基本都有效維持3個星期左右; 不過, 我多數係 “dur “到不能夠先去執一劑.

 

我冇話去得幾密架…係自己覺得有需要先去:

  • 好似夏天, 我時時去游泳, 點會唔黑….所以就費事浪費, 唔會去造去斑療程.
  • 一般, 一個半月至兩個月, 先去造其中一樣
  • 不果, 如果有function, 就可能兩個療程都造 (但要相隔1星期)

 

 

光學美容前1星期:

  • 我會造皮膚深層清潔mask, 磨砂 + 加強皮膚水份, 敷密啲paper mask (都係平平地韓國masks)
  • 同時停用有果酸成份, 或比較刺激的美白/去皺產品
  • skincare 都係用番我嗰排用開嗰啲

 

光學美容當天:

我去造光學美容的clinic, 雖然你可以由美容師替你洗面

我更喜歡自己嚟 (快靚正) ~ 佢地個自助洗面的房間, 乜都有.

但佢哋啲skincare 有啲乾

 

另外, 造完光機….佢哋都會同你搽番基本的skincare; 如果你加啲錢, 就可以跟手造個facial ; 不過, 一來我慳; 2來我怕煩 (又敷又搞…起碼比多45min), 所以造完都prefer 即走.

 

因此, 我會連 “skincare” 都自備:

IMG_6519

Left: Evie all-star cleansing velvet ~ 可以落走sunblock, 同時洗埋面; 最緊要洗完唔搽嘢, 皮膚都不會乾的 (因有時, 洗完要等一等醫生, 之間係唔可以搽cream, 否則你又要再洗過)

 

Middle: Bicelle Hydra B5 Cream Mask: 搽完能量精華水就厚上這cream mask, 加強補水滋潤吓. 就算厚上一pat, 只要你按幾吓, 佢就會全被吸收, 之後你出街都不會有異樣的.

 

Right: Bioderma Matricium 能量精華水: 造完光機即搽一枝; 補水修護. (晚上才會用endocare 蝸牛ampoluse, 因cheap 精我 “算過”, 中午造完光機, 晚上回家就冲涼, 乜都洗走….咁不如晚上趁住beauty sleep 黃金修復期才用)

 

回到公司, 我就會用花水略略抹吓塊面 (這cream mask 不一定要清水洗的); 之後就上Veld’s Xim-UP (只要一滴, 就潤到不得了, 效果lasting) + day cream

 

晚上回家冲完涼, 就會敷個snail paper mask + endocare 蝸牛ampoluse + cdp la cream (這種晚上升級護理會連續造3-5晚, 之後才回復正常mode)

 

 

光學美容之後的1星期

lacer facial 後通常都會用咧堆:

FullSizeRender

 

  1. Endocare Ampoules (蝸牛精華), 晚上用
  2. Matricium, 早上用. 於晚上唔用ampoules, 都會用埋matricium
  3. 任何蝸牛面膜, 或貴價mask ~ 如lancome 的absolute
  4. Tatcha Luminous Overnight Memory Serum Concentrate (sleeping mask)
  5. Tatcha Gold Camellia Beauty oil
  6. Tatcha Indigo Soothing Renewal Treatment (如敏感比較重); 預防或輕度敏感則用Indigo Soothing Triple Recovery Cream
  7. CDP La Cream

 

  • 如出現敏感 (因有時乾得際 ~ 多數係前期工作疏忽所至, 我就會嚟料), 則會用tatcha 的indigo 系列.
  • 會用幾天貴mask ~ 如lanecome 的absolute 或cdp 的; 就算唔敷mask, 都會用tatcha 的face oil按摩面部, 再搽上sleeping mask 先瞓
  • skincare 就會逐漸用回常用系列.
  • 有需要, 亦會出去造啲深層滋潤帶渡入的facial
  • 會用高防晒的bb cushion, 盡量唔用粉底比皮膚休息吓; 嗰啲日子通常會用amore pacific 的bb cushion, 佢基本上係透明色… 冇乜遮蓋力, 但夠水潤同比到皮膚一度光澤感. 最緊要係SPF50! 因造完lacer, 防曬好重要. 我平日用開的防曬都係清爽型, 但造完lacer, 因皮膚會乾, 所以這些滋潤得嚟, 有妝感又高SPF 的就最啱駛.

IMG_6603

這盒BB Cushion 我用咗幾年 (睇個盒咁舊就知LA), 用完就買refill 塞入去. 可能現在已冇這個系列 (我cheap, keep住個盒繼續用), 我都係托人買最深色, 類似的refill 塞番入去個盒到架ja.

 

 

後話:

以上係我造了咁耐lacer facial 的自我護理心得………但說實話, 人有好多時會懶….邊會次次跟得咁足….我就係有時跟唔足 + 又造lacer 密咗, 結果皮膚底層極乾下, 成面敏感 ~ 仲要冇在錯誤中學習, 時不時就犯同一個錯. 所以, 我都係同自己講: 盡造la!

 

雖然我成日都係威係勢, 用好多skincare….的確, 70%的日子都會; 其餘日子, 真係有時搽啲cream 或sleeping mask 就瞓. 早上趕住走, 都係搽啲有防曬功能的lotion 就pit…….咩serum 呀, toner 呀…..有時衰到連eye cream 都skip……但幾疲倦幾懶…我的底線係一定會落乾淨啲妝同洗淨塊面才上床.