Tag Archives: THREE

Three ~ The Song of Ascendance

話說Cosmopolitan 話2018的妝容會興:
眼要BLING
底妝要透
咀要SHARP

Three 今季出咗幾款顏色好靚的liquid makeup 就啱晒以上的需要; 新玩具有:
左: Lyrical Lip Bloom (05 Voice Ascending)
中: Epic Mini Dash (12 Lark Song)
右: Whisper Gloss For Eye (21 Hexagon Sun)

   

所以今天的眼妝, 只畫吓眼線用點mascara
只用了一點點的bling的Three 21 Hexagon Sun, 係有點橙金色, 冇畫聚位

妝要透, 其實只用了tinted sunblock
但胭脂用Three 12 Lark Song (佢可以造埋lip gloss), 由面珠往髮線輕輕印開
我再加小小Three 21 Hexagon Sun 在蘋果位; 雖然佢係眼影, 因為唔笠, 薄印作highlight 係ok 的
這樣可以帶出底妝的剔透感

唇才是成個妝的重點
Three 12 Lark Song 就係乾燥玫瑰紅…..冬季大熱色
顏色一啲都唔浮誇, moose 質感, 好貼服
因佢加入airy smooth powder 同 radiant synchro, 好易推, 又唔笠. 所以可以造埋胭脂都得, 可以令妝容更剔透. 一物2用.

如果用Three 05 Voice Ascending, 係鮮紅, 但又未至於係fire engine red咁艷
佢有不同的植物油, 所以不會乾; 但又有fit wax, 所以long lasting
而且配合three 獨家的airy fit 配方….而推又不會杰撻撻

THREE 4D Plus Eye Palette

同父母親友食飯, 個妝會好簡潔
同我家肥仔出街慶祝, 個妝就會多啲…但頂多都係light smokey
同朋友出街慶祝….個妝就可以隨心所慾…..

今天, 興之所至, 要化個秋妝同朋友食飯
秋天要有橙, 金, 棗紅, 啡

THREE 4D Plus Eye Palette正好有齊以上原素
4色眼影, 右上的棗紅眼影係cream 的
可以打底或就就咁用都靚
眼妝以左上的橙金色搽眼蓋
再用啡紅色差眼尾位
再用smokey 必備的NARS pandora 造聚位

枝唇彩都係不得了的深橙紅色
同眼影係絕配

 

其實個妝幾勁吓, 但影相出嚟, 又算係平和

Three ~ Every Color You Are

雖然Three今年才引入香港, 但愛美的人, 應當一早聽過佢….尤其會刨日本美容雜誌的人, 就一定知, 佢在日本很受歡迎. 當年, 先係佢嘅skincare吸引我, 因我喜歡佢哋的精油味, 質地亦很溫和. 後來有同學買來Three 的眼影粉….哇, 真係好靚….質地幼細, 閃亮迷人….自此, 佢嘅產品, 係我去日本的必買品.

 

兩年前去日本, 買咗three 這盒兩色眼影膏 ~ 已覺得好amazing (都係可以造到eye shadow, base, highlight ). 上次去日本, 就買咗這枝liquid eye shadow, 質地都很幼滑, 我好喜歡.

           

早前, 去了他們的發報會, 看看2017年1月會開售的新產品. 眼影粉, lip gloss, 胭脂和甲油都應有盡有….

但最令我驚喜的, 係佢哋嘅Eye dimensional quad palette ~ 一個4色膏狀的眼影盒, 一盒多用 ~ 居然將我以前買嗰兩個產品功能合一….用途就更廣:

 

A:  eye base

B: * 可以打亮眼頭

  • 搽完眼影後, 可印在眼蓋上, 增添閃爍感

  • 亦可以當面部highlight 使用

C+D: * 可造出帶層次感覺的眼影

  • 可以畫眉

C: 可以造面部shading

D: 可以當眼線

 

 

雖說是膏狀產品, 但不油膩的, 很快乾, 之後就變得爽爽的. 所以, 就算你之後唔加粉狀眼影上去, 都ok 的. 亦因為佢唔油膩, 所以, 如果你想用作highlight or shading 時, 就算上了碎粉後都可以用; 所以相當方便.

 

我個人試用後, 就有以下感覺:

  • 如只用quad palette 嚟造眼影, 而又想造出有層次的眼妝, 你一定要識得如何blend 開眼影. 但現在興簡單的眼妝, 如果你眼型亦不需要特別調整, 我覺得用A打底, 再上眼影又得.  或就咁上B 有點BLING BLING, 什是精靈.
  • 如用quad palette 嚟畫眉, 最好先修吓眉. 如眉毛太雜亂, 眉型鬆散又或者要改眉型, 也許用眉筆會容易一點. 但如果你的眉型ok, 只係色差小小, 而毛流又只係差小小; 咁用quad palette 就可以好快為你修正
  • 如用嚟畫眼線, 都係可以的; 但效果是柔和那種感覺. 如要畫貓眼線, 佢就未夠強.

 

本季的Shimmering Color Veil Statement (眼影粉)就有15隻新色. Three的眼影粉向來都係心頭好, 佢粉質細滑, 不易掉粉, 閃片造得很細緻, 光澤度夠但效果柔和. 係一隻易用, 親和力強的產品. 而15隻色當中, 以下5色係我最喜歡的. BA說, 雖則用手指印上去都OK, 但最好先倒一點出來, 才用手指印上眼蓋; 否則手指的濕氣會影響產品的質量. 所以, 用掃上亦是good idea.

 

胭脂好話我一直都有買 ~ Three 的胭脂一般都唔帶閃片的, 但顏色剔透, 可以特出本身皮膚的光彩. 本季出的兩色, 看似很濃艷, 但只要用鬆身的胭脂掃輕輕抹上, 感覺就如本身透出的好氣色.

一直都有幫襯THREE 的胭脂, 主要喜歡佢啲色柔和, 但持久力貼服度都好. 我有好幾隻, 但最喜歡的係 ~ Love Kick (一隻磚紅色). 記得佢一出, 在日本好快賣斷貨; 咁啱, 我當時間就响日本, 只係好奇走去8吓, 乜料咁搶手……當時我看見都嚇一嚇…乜有人用啲咁嘅色架咩?! 但原來搽上面, 係另一回事. 所以, 就算我當時在日本買不到, 回來後, 都要托朋友去買回來. 這季出的14 Beat of her heart, 一看, 都同love kick 好似, 但佢比較桃紅….但咪比佢啲色嚇到, 搽上面都係好自然的.

 

小不免用所有新產品化個妝:

 

妝1: 用quad palette 畫眉, 型造有層次眼妝; 亦用嚟打HIGHLIGHT N SHADING和畫眼線. 再用FX31 眼影粉和13號胭脂. (妝感都係自然風)

 

妝2: 用quad palette 畫眉, 當EYE BASE, 打HIGHLIGHT N SHADING. 再用FX31 眼影粉和13號胭脂. (單色眼妝, 但配了用GEL EYELINER 畫出來, 比較深色和拉長眼型的眼線)

 

妝3: 其實用妝2為基礎, 只加多一點胭脂和塗上深色一點的唇膏, 感覺又不一樣

 

最後就係甲油, 就真係咁多次去日本都冇買過….雖則每次看日本雜誌, 只要three 一出甲油, 都必成大熱. 但我自己不常塗甲油, 所以都留番啲資源買其他. 今次press kit 內, 就有一枝灰色甲油, 只塗兩層, 顏色非常飽滿, 不再塗top coat, 都夠亮澤, 而且都幾快乾. 今季出的7色, 每色都唔多唔少帶點灰調, 幾靚架. 而甲油不含甲苯, 甲醛和DBP塑化劑; 並加入5種植物油, 美甲護甲同步進行.

 

 

日本買的妝物 (1/2)

因這次的行程以賞櫻為主, 往往, 我玩完回東京, 啲百貨都已關門. 另外, 搬屋後, 認真盤點過, 我仲有超多化妝品同skincare 的存貨….真係要勒住自己唔好再買. 不過, 我都target 入:

  •    three 的眼影液 ~ 冇乜特別, 純粹見到magazine 介紹這新出品, 咪想買嚟試吓.
  • cdp 新出的night cream (即emulsion 的cream 版)
  •  house of rose 的hair serum + scalp deep cleansing serum (每次去日本必定補貨; 以前在blog 都有介紹…好用又唔貴…..現在會比埋熊貓老公用…因用咗啲serum, 佢啲頭油問題有很明顯的改善)

japanshop_03

  •  fancl 的 collagen powder. (每次去日本必定補貨…..雖然都食咗幾年…唔多覺皮膚再有乜改善了….但朋友話, 食咗對關節都好…尤其我跑咁多, 更加需要; 所以一買, 我係買足1年份)

japanshop_04

  • 最後就係整枝ginza serum 試吓.

 

真係”痛改前非”吧…美容用品, 就係得咁多!

 

話說, 都有朋友托我買cdp; 我自己本來打算走嗰時在duty free 入….但朋友話伊勢丹有extra 5%, 再加埋退稅會抵啲….如冇貨, 仲有last chance 入去duty free 買 (但duty free 冇貨就冇chance 了). 所以我有天預早回新宿, 即去走了一轉.

 

不過攞咗貨, 先知5% promotion 冇咗, 退稅都要收1.5% service charge…..仲未計多人買, 攞貨又要排, 退稅又要排….仲要冇乜贈品. 而我要的cream 亦sold out (這part , 後來先知真係好彩佢哋sold out). 但驚同朋友在duty free 買唔番, 所以佢哋的wish list, 我都係在伊勢丹買晒.

 

而three, 我之前去osaka, 記得入duty free 買有extra discount….反正眼影對我來說, 可有可無….所以, three, ginza, cdp…我最終留待check in 後入duty free 買.

 

結果, 我預早去機場(narita, terminal 2)check in, 為的就係入去duty free 慢慢shop.

 

當然第一步就係去gate 6x 嗰個係人都會去的大duty free 買cdp 同ginza (ginza 產品慢慢介紹). 我見新出的day+night cream 有set 裝 (day, nigt cream + softening lotion). set 裝比散買慳3000yen…..當然係100% tax free

IMG_7810

而ginza, 我以前都冇乜留意這個品牌, 係去日本前, 我的戰友叫我check it out ~ 佢跟我愛用的cdp, 都係shiseido 的產品…都係屬於頂級貨. 我試新嘢都係喜歡試serum, 而我亦代朋友買了枝emulsion. 跟手, BA 就送了一SET GINZA 試用裝比我. (試用在下一篇日本買的妝物 (2/2) ~ GINZA 慢慢講)

 

因嗰間DUTY FREE 冇THREE, 所以跟據BA指示, 我去了另外GATE 的DUTY FREE 買…..真的比街價平多22% ! 另外仲有SOFINA, 都係比街平多16% 以上. 所以我堅覺得去duty free 買skincare 最好.

 

但THREE 的LIQUID眼影賣剩兩隻色 ~ 好在我想要的金啡色有(wanderlust love) ~ 反而我覺得怪怪的粉紅色 (初時我仲以為係LIP GLOSS), 就冇貨了. 測試用咗, 覺得佢幾LASTING, 仲控到油. 亦可以造EYE BASE, 之後上的眼影粉更顯色同LASTING.  圖中我只用了liquid eyeliner ~ 好淡淡的金色而已 ~ 因佢啲色唔太凸出, 所以之後你上乜眼影落去, 都不會影響本身顏色.

japanshop_01

我見THREE咁平, 仲買多枝BALANCING TREATMENT EYE LOTION 嚟用 ~ 因未見過成枝似TONER 的眼用LOTION….但未開, 遲啲用咗再REPORT.

japanshop_02

我GATE9X 登機的…嗰到有家冇人行的DUTY FREE 內都有CDP…我又走過去8…..心郁郁買多枝CLARIFING LOTION ~ 唔買尤至可…一買真係開心死 ~ 完來該店造緊買夠10000YEN 比500YEN COUPON 你, 可即時用. 咁我就順手入兩枝CLARIFING LOTION ~ 這裡的BA 勁豪…比咗好多贈品我! 早知個CREAM SET裝都响這裡買埋LA!

 

Three N Addition

物以稀為貴, Three同 Addition這兩個品牌, 香港暫時都未引入, 所以, 每當去日本, 我都會去check them out. 雖然, 日本現在增加了消費稅, 而化妝品都係冇tax refund 的, 但yen 又比以前回落咗小小, 所以, overall, 價錢都係同以前咁la.

先講吓Addition, 佢以makeup為主,就係前次去日本, BA 送了我小小TINTED SKIN PROTECTOR SPF 50+ PA+++, 覺得好好用, 令我念念不忘. 所以這次去, 就第一時間去入番枝. 佢基本上就係一枝有強效防曬的粉底, 滋潤跟貼服度都好好, 遮瑕力則比一般的tinted moisturizer 勝, 但比粉底低小小…..所以透明感都不錯. 但如你是超級油面人, 就好用番正路又帶oil control 的粉底.

 three_jun14_01

另外值得推薦的, 係佢嘅遮瑕膏, 亦係造得相當的貼薄, 但遮瑕力仍在. 我向來好少用膏狀的遮瑕膏在眼位, 因怕出乾紋同卡粉. 很意外地, addition 這隻遮瑕膏, 雖然係膏狀, 但用在眼位都ok. 況且一盒3色, 你可以慢慢因應自己的需要去調色.

 

都是在新宿伊世丹內, 同一層, 亦都會揾到 Three. 佢嘅skincare 我之前日本已入了不少, 並在blog 介紹過, 所以唔番炒了. 本來只係手痕買枝lipstick 過吓癮, 但BA 向我介紹了一盒 CREAM BASE….佢可以造EYE BASE 或胭脂BASE (即搽胭脂前, 用佢在權位上, BLEND 好再上胭脂, 咁啲色會出啲同LONG LASTING 啲). 仲有佢有好隱約的GLOSSY FEEL….所以會令輪廓更凸出 + 好氣色.

 three_jun14_02

後來在東京走嗰時, 在DUTY FREE 見到開咗THREE, 不得了la………..佢個價錢比出面counter 平22% !!! 真係慶幸我在伊世丹買得唔多…..所以立即買埋眼影, 胭脂, pigment 同skincare.

 

如你問我, 我的確覺得THREE 的PIGMENT 造得好好…好靚, 粒子夠幼細, 所以好貼, 唔會掉粉的. 眼影則有別一般日系眼影會BLING BLING 的傳統; 相對哋, 佢哋係FORSTED 多啲….而且深色眼影出色度頗高, 可以 “壓到場”, 我喜歡 (因咁造, 你先可以畫出層次感). 但亦因為佢出色度高, 你唔多唔少都要BLEND 幾吓 ~ 這對於冇乜化妝技巧的人, 可能會有點難控制.

 

以下的妝容, 就係用了

1) Addition TINTED SKIN PROTECTOR SPF 50+ PA+++ (有上loose powder)

2) Addition concealer

3) Three 2 color cream base

4) Three 4 color eye shadow

5) Three blush

 

three_jun14_03

以下的則用了:

1) Addition TINTED SKIN PROTECTOR SPF 50+ PA+++ (冇上loose powder, 所以會有多啲光澤感)

2) ADDITION LIP STICK

three_jun14_04