Tag Archives: TCM PLUS

又係烏咀狗瘡的分享

最憎烏咀狗瘡; 2014初發, 當時乜經驗都冇, 真係試咗好多嘢先好得番. 所以, 之後就, 一口氣寫了4篇blog, 分享吓:

暗瘡大作戰 ~ (1/4 醫生藥): http://www.tastyling.com/?p=6570

 暗瘡大作戰 ~ (2/4 清毛孔MASK): http://www.tastyling.com/?p=6590

 暗瘡大作戰 ~ (3/4 普通暗瘡藥): http://www.tastyling.com/?p=6607

 暗瘡大作戰 ~ (4/4 去印護理): http://www.tastyling.com/?p=6613

 

每人出暗瘡的原因都不同, 我出得咁陰公, 原來係身體太虛弱所至 ~ 這也是我後來看中醫才知道. 而令我身體虛弱, 係因為跑步多了里數, 身體不勝負荷. 自從知道原因, 每當我開始出烏咀狗瘡, 就會即時去執番 4-5劑藥食吓……再加上搽吓上架的暗瘡藥, 就會慢慢ok (總算不用搽西醫的處方藥).

 

啱啱對上嗰兩個月, 就爆了一次, 開頭我 “輕敵”, 以為爆一兩粒唔緊要, 冇即時處理…點知當密爆出4-5粒時, 先知瀨嘢……但又懶, 冇即時去執藥….結果就係這頭搽完藥, 好啲…嗰頭又爆新的….直到去完台灣回來, 就開始認真處理.

 除咗一落機, 就即去執番4劑中藥外, 我就添加了幾項 “療法”

 nono 暗瘡機

     

因為當時坐國泰回來, airshop 造緊買滿$2000 可打85折. 我見在家的暗瘡機已魂歸天國, 而婆仔見到有nono 暗瘡機, 定價$11xx (比市價 $15xx) 平, 再買小小嘢, 足$2000, 就有85折, 為埋才$9xx 又真係買得過喎.

 

我之前係買好舊式嗰啲暗瘡機, 一用都7-8年; 佢好似有另一個名叫臭氧機, 連幾枝玻璃棒, 通了電後, 可以值接放在患處上, 會加強消炎作用, 但會有小小㓤㓤的感覺….nono 就如一個鬚刨size, 只要放在患處幾秒, 佢啲光線可以深入皮層消炎; 感覺就只是暖暖哋而已; 使用上方便好多.

 

我覺得佢有效的, 但又唔係萬能. 如小小的有濃頭的瘡, 或如我這些低手, 清完粒瘡, 但又可能清唔乾淨….佢都可以有效消炎~基本上早晚各用一次都見效. 但對實實又冇濃頭的石頭瘡, 功效不大 (頂多可以消到痕癢感覺). 而佢比臭氧機好的地方, 就係唔會令皮膚乾燥甩皮. 所以, 以$9xx的價位, 我覺得佢方便又實用架.

 

Pair暗瘡藥膏

這枝在日本買的暗瘡藥我都覺得好好. 佢消炎力強, 但又唔會似一般暗瘡藥咁抽乾皮膚水份. 就算皮膚有傷口, 佢亦唔”乸”. 佢仲可以加速愈合時間.

 

這隻產品早前都有介紹過: Cellnique Skin Action Sebum Gel

Cellnique淨純肌膚去黑頭凝膠

 

如果你有啲小型暗瘡 (唔係大大粒嘅石頭瘡), 佢又未有濃頭….你可以搽佢, 不久, 粒瘡會好似收咗水咁; 如發炎不嚴重的, 會整棵消失; 如有啲毒的, 個濃頭會走出嚟; 嗰時, 輕輕清一吓, 再用nono 電吓就好快好.

 

後話

以前blog 都有講過, 如飈瘡的日子, 用的skincare 都要小心. 如我常用巨高效修護力的產品就要停, 否則會令暗瘡惡化. 這段日子, 我係用TCM PLUS (http://www.tastyling.com/?p=9076 ) . 當年, 我出事係用俄羅立英都OK. 但TCM PLUS冇咁笠, 補水力都強啲.

 

另一個問題, 就係我自作孽…..我知, 我唔應該亂GIT 啲瘡…..但我又忍唔到…亦衰到GIT 又未必GIT 得乾淨…..GIT 到啲印又深色咗….我知如我唔介多手的習慣, 啲瘡會好得慢好多, 又成面印……….我都知…………但我忍唔到, 亦改唔到.

 

 

來自日本的TCM PLUS

 

TCM PLUS係一隻以漢方醫學為基礎, 將天然草本化為護膚品; 讓用家可以在不同季節作出不同的護理. 佢哋有4條lines: 潔面系列 (washing line), 美白係系列 (W Line), 保濕系列 (M LINE) 同抗老化系列(A LINE). 而4者可以按你需要, 單用或混合使用都OK.

 

秋冬天, TCM推介 (washing line 則4季皆可):

M LINE: 主要將水潤養份送到肌底, 並提升皮膚鎖水功能

A LINE: 比M LINE 再潤一點, 減低皮膚氧化, 能保濕去皺

 

我開嚟用嗰時, 心諗, 漢方一定會有中藥味LA…但係佢一啲味都冇, 非常適合一啲怕帶香味或藥味護膚品的人. 我選用了:

 pc121062

Lotion M: 高度補濕, 滲透力強

Essence A: 抗衰老

Essence M: 提升皮膚保濕力, 為皮膚築起天然屏障

Cream A: 更有效鎖住肌膚水份, KEEP 住年輕光彩

 

我目前皮膚的狀況幾差吓: 因開始操練跑步, 隨著里數的增加, 我弱底 (都係中醫話嗰啲脾虛的問題 ~ 因出汗多和疲倦), 所以又出了烏咀狗瘡 (年年都係咁, 冇得救). 除咗食番中藥調理, 我仲要好小心用護膚品 ~ 例如一些滋潤性強的產品 eg cdp la cream ~ 我一用會令烏咀狗瘡漫延得好快. 所以要停用….但停用, 在這乾燥的天氣, 皮膚就會缺水. 真係針冇兩頭利.

 

都係帶住15.16的心試用TCM PLUS. 雖然佢不會治療暗瘡, 但真的不會令問題惡化. 初初幾天, 我是在香港用的….當中, LOTION M 感覺最amazing, 因佢水水的, 洗完面搽上後, 皮膚好似即時飲飽水咁. 就如產品說明, 它的滲透力很強! Essence A and Essence M, 也是透明狀的, 半gel半液體的感覺 ~ 但上妝時, 又不會令底妝起屑的. 搽埋cream A, 雖然感覺有小小黏 (不是油膩感, 而是好多水, PUMP 起皮膚時嗰種啜手感覺), 亦不會卡粉. 全部搽好, 皮膚即時非常有光澤.

 

我其實早晚都用佢, 但以往用單純補水的產品, 我都面對同一問題: 因我的底層實在太乾, 鎖水屏障又差咗啲…..所以往往過了4-5小時後, 皮膚會覺得乾. 但用TCM PLUS 就沒有這問題. 一天到晚, 皮膚都是水份很足的.

 

之後, 我分別去了大陸 (當地會比香港乾燥), 跟住又坐飛機去台灣….這一切都足夠令皮膚疲勞又缺水; 但這段時間只用TCM PLUS, 又安然無恙喎. 所以我覺得,它的補水和保水力 (即為皮膚架起保水屏障) 真的非常超卓.

 

不過, 更緊要係, 唔會令我的烏咀狗瘡發到唔清唔楚!

 

網址: www.tcmplusonline.com