Tag Archives: SMILE UP CHEEKS N

Coffret D’or 素肌光澤胭脂 ~ SMILE UP CHEEKS N

話說, 這朵花花胭脂2011年推出時, 我已係捧場客….記得press kit 送我橙色….但用完超靚, 我即去買埋粉紅色….就係喜歡佢薄透的感覺, 同埋可以打造好亮澤的膚色. 而這隻胭脂的詢問度好高, 好多客人見我用, 都問我係邊隻品牌, 跟手自己去買.

其實搽胭脂都有TREND. 以前興可愛FEEL ~ 在面珠打圈圈上色. 現在就興自然FEEL, 就如天生的好氣色. 今季推出的新Smile Up Cheeks N, 則配合潮流, 將以往3色混合變成4色, 令顏色更有層次; 亦加入了Oil coating powder, 提高通透感, 更能與肌膚溶為一體.

 

佢一系有 01 soft peach, 02 sheer pink, 03 coral beige, 04 cassus rose. 個人認為, 如皮膚白透, 就選乜色都ok. 但如果偏黃或比較黑, 就要帶橙的比較好. 而coral beige 就係大眾都啱的色…..所以如果你決定唔到買乜色, 就揀 coral beige la. 我今天都係用coral beige. 雖然佢附上的胭脂掃, 質量很好, 但我都係喜歡用我自己大一點的胭脂掃, 因我面大, 用大掃, 啲色會均勻啲. 你可以用掃, 所有色mix 勻搽又得; 或先搽上中央的胭脂色, 之後再用外圈淺色的 “透亮美肌粉”將胭脂色BLEND 開.

 

其實 Coffret D’or 的產品, 一向都係性價比好高. 這季的Beauty Aura Eyes and W Color Mascara & Liner. 尤其係 08 Bordeaux Brown 眼影 + 01 Bordeaux mascara & liner. 先係帶啡, 已係中我心 (我係死硬派的啡色人), 而帶點酒紅同粉紅, 則加入潮流感. 我本人眼圓, 什少用純黑的眼線 (除非化smokey eyes, 就真係要黑眼線去托出眼型和層次). 所以, 平日係多用深啡, navy blue or navy green畫眼線. 今次的01 Bordeaux mascara & liner 係深酒紅色….又ok 喎….就咁搽都唔會令人眼腫. 同埋枝mascara 都夠晒長和幾分明. 而這枝產品, 都係防水防汗的.