Tag Archives: Real Skin Patch

同石頭瘡死過

我係中性皮膚, t-zone 位油小小.面珠其實都偏乾. 托瀨, 如身體健康嗰期唔多出暗瘡的…但有兩個情況下, 就會出:

  • 谷m ~ 可能m 前10天左右會有….
  • 過量運動 ~ 谷m 嗰啲, 頂多1兩粒….如係身體太弱而出嗰啲…係一堆…天天有新貨. 中醫話係太過脾虛兼濕熱所至.

 

我啲石頭瘡多數只出在下巴….而且係初時又腫又紅, 又痕又痛, 但就係冇濃頭可以git 的. 如果皇恩浩蕩, 可以git 到…就會好, 雖則要比時間去印. 但有時, 真係連美容師都清唔到…..佢就會 “唔生唔死”: 搽咗藥, 會細啲….但過一排又會發番起…無限輪迴.

 

所以, 有啲人會話, 就算有膿頭, 都唔好git…搽咗藥, 當皮膚夠健康, 啲膿自然會消失, 瘡亦因此謝埋. 當然, 自己亂git, 又缺乏衛生, 真係會越git 情況越差. 但以我個人經驗, 我係要git 走啲膿先會好. 可能我身體差…唔git 的話, 會有硬硬的一舊…歷久不衰!

 

其實, 2014都寫過幾篇關於暗瘡的blog (嗰時生到烏咀狗咁, 皆因運動過勞), 都是我親身經歷. 而啱啱, 自己就誤打誤撞, 揾到個好啱自己的方法, 所以要特別寫低.

 

話說上次m, 又谷了幾粒……咁啱有茶樹產品….就用了…效果不錯. 但係茶樹產品係唔會去印的…..反而, 日本的pair 暗瘡膏, 可以殺菌又去印 (我是在日本買, 但好多香港水貨店都有)….而韓國的Real Skin Patch, 亦都係在fb seller 買….佢都係有茶樹成份, 但個人覺得, 佢治療力幾好, 但用佢嚟化妝用, 就麻麻. 誤打誤撞下, 我兩隻一齊用, 發現效果超好.

     

DAY 1:

開始有石頭瘡一粒…..開始腫. 咁我早晚先用BODY SHOP 的TEA TREE TONER 抹患處, 再用NONO 電電機…..睇吓有冇好轉. 可惜佢冇好, 只係冇痕同痛

DAY 2:

  • 繼續早晚用TEA TREE TONER 抹患處+ NONO 電電機.
  • 之後就搽PAIR + Real Skin Patch (一定要這次序, 因Real Skin Patch會變成薄膜, 罩住pair, 令藥力加倍發揮)

 

DAY 3:

  • 真係要還神…….谷了一個小膿頭出嚟….即係可以git
  • 我就先用TEA TREE TONER 抹患處, 再消毒好暗瘡針….git 啲膿出嚟 (何其痛快!!!)
  • 之後要用NONO 電電機.
  • 再即時貼上3 M 暗瘡貼. 一方面可以令傷口平復, 並吸走我可能清唔乾淨的膿. (如晚上清, 最好貼過夜. 否則, 起碼貼3小時以上; 以我愚見…如貼唔夠耐, 好易再發過)
  • 貼完3M, 就可以搽PAIR + Real Skin Patch

DAY 4-5

  • 都係早晚: TEA TREE TONER, NONO 電電機, PAIR + Real Skin Patch

 

真係好得好快, day 5 化妝後, 基本看不到痕迹

 

另外就係 “食療”

首先, 這PART 大家要問番自己的中醫, 對症下藥. 因我通常只出1粒石頭…如出多過3粒…就代表我脾太虛, 又濕重…….所以要食參苓白朮散冲劑. 如仍失控, 就要食中醫給我的藥….. (2014年, 我爆了一鑊好勁的石頭瘡….搞咗好耐, 我都有寫BLOG 記下這血淚. 但睇咗中醫後….就再沒有這樣大爆發了….次次都止得住)

另外就係食抗氧化補充劑; 我食的係在Iherb 買的grape seed extract……我係好怕吞丸…所以貴啲都要買水劑. 如大家吞丸ok, 就建議買丸裝, 化算好多. 另外多食水果蔬菜嗰啲天然抗氧化劑, 就係人都識, 唔駛我講.

但不會即食即見效的….我食咗1個月…才發覺, 我曬完會快啲變番白, 亦冇咁黃. 另外啲荷爾蒙斑淺色咗小小 (我皮膚科醫生都建議食, 因就算造機打斑, 都唔可以100%打走啲荷爾蒙斑). 而啲暗瘡印真係去快咗好多.

 

最後, 就係這枝sea berry oil. 佢都係有好強的抗氧化和修護受傷皮膚的能力 (都係在iherb 買). 因搽了tea tree products 會令我皮膚好乾, 甚至甩皮. 而用平時用開的產品搽暗瘡位, 好易令暗瘡番發…..但用sea berry oil 就唔會. 不過, 我係待暗瘡開始謝 (如day 4), 才開始用. 不過, 佢都幾油油笠笠架; 如你不喜歡這質感, 就不要買la.

 

 

 

同暗瘡死過之茶樹精華產品

應該好多人同我同病相憐
平時皮膚尚可
一到每月姨媽就到嘅日子
就會飈吓瘡, 賀一賀你子宮仲未停廠!

今次, 份賀禮真係大
有3粒瘡, 有3隻 “質地”:
 小瘡, 輕微的, 小小的一個濃頭 (搽了一晚 body shop 的tea tree oil 就謝了)
 中瘡, 搽了兩天tea tree, 谷了膿頭出嚟, 一清走就冇事了
 大瘡….真係多謝晒, 又大又紅又痕痕痛痛; 搽了1天, 係冇咗痕痕痛痛; 不過3天la, 係細咗啲, 但仍是石頭一粒, 冇濃頭………你想點呢?!

治療方面, 我仲係用緊body shop 的tea tree + nono 電電機 (之前BLOG 介紹過: http://www.tastyling.com/?p=9112 )

    

電電機, 就早晚洗完面, 電一次. 之後先搽toner

早晚都用Body Shop Tea Tree Skin Clearing Mattifying Toner. 佢好似有啲粉末在底的, 所以用前要搖幾吓. 佢可以清走皮膚雜質 (如卸得唔好嘅殘妝, 外界的污染), 啲粉末就可以控油. 我主要搽在下巴生暗瘡嘅位同t-zone. 尤其粒石頭瘡, 我會用這toner 敷吓才上tea tree oil.

不過, 我皮膚係比較薄, 乾底同有點敏感…..而過份用tea tree 產品, 我啲皮膚有時會氾紅和有點甩皮的 (多數發生在冬天乾燥的日子). 所以, 我只會用tea tree 在油脂多的地方或患處.

我第一次用Tea Tree Skin Clearing Mattifying Toner時, 用在t-zone 位和敷下巴粒石頭瘡冇事的….但搽面珠位就會有點熱熱的感覺, 所以之後, 我會唔會搽面珠, 免得敏感.

另外, 我之前寫成報專欄時寫過一篇 “預防體臭”的文章, 造過點資料搜集. 話說, 汗本身不臭, 但它會滋養到皮膚的皮脂中的細菌, 令佢地發出臭味. 如果, 能抑制到油脂分泌, 都可以止臭. 所以, 在腋下的重災區, 搽吓toner去令油脂平衡, 之後再上止汗劑, 會更有效止臭  . 我試過, 幾work 的. 現在有Tea Tree Skin Clearing Mattifying Toner 殺菌力又強, 控油力又掂, 真係雙倍功效.

我只會在晚上冲涼時, 才用facial wask (早上, 都只會用清水). Tea Tree Skin Clearing Facial Wash 就一點都唔乾喎, 洗完仲有涼涼的感覺, 這是薄荷帶來的清爽感. 所以, 瘡瘡高危期, 都可以用佢去預防.

The Body Shop 的tea tree oil 就唔駛講, 有瘡時多數用佢; 而生瘡位, 我都會避開用面霜 (因怕太rich, 令啲瘡變差), 改搽點蘆薈gel 或者乜都唔搽 (所以, 冬天有時咪敏感囉….太油又死, 太乾又死). 今次用咗新出的Tea Tree Night Mask ~ 可以修護皮膚同時又能擊推暗瘡. 仲可以雪凍用, 感覺更清爽.

就係咁…如上文所說:
小瘡, overnight 就好了
中瘡, 兩天
石頭大瘡….so far 用了3天….第一晚用完已唔痕了….一天比一天細….但仲係紅紅同凸起 (所以最憎石頭瘡 ~ 去造facial, 美容師都清唔到)

另外, 就係化妝 ~ 我都係覺得, 冇乜嘢, 飈瘡的日子就唔好化. 但真係要的時候, 就小心啲la. 我早前在網上, 見到這韓國出的茶樹gel ~ Real Skin Patch…..搽咗後, 佢會在皮膚表面起了一層透明膜. 你可以在上面上粉底….佢不但幫你隔住啲粉, 當中的茶樹成粉仲可以幫你繼續消炎. 我見video, 那韓妹落妝時, 可以成塊膜如撕面膜紙咁…好amazing.

我梗係買咗嚟試 (都買咗幾個月)…..我覺得佢會令底妝浮的….不過如果你唔算好挑剔, 都ok 架….反而, 我覺得佢嘅消炎力唔錯, 當暗瘡藥搽吓都好.

而上濕粉時, 要注意: 千萬不要用掃上, 不要捽….要輕輕印; 或者用cushion bb 或cc 都好….因為都係印上去, 唔會捽甩塊膜. 可以的話, 不要上碎粉….會好快浮. 亦可能我多表情, 啲肌肉郁嚟郁去, 所以, 幾小時後, 塊膜的邊緣位會peel off.

就咁搽…冇上任何化妝品. 過了1小時左右, 膜的邊緣會有啲peel off. 如果你想上底妝, 可以先用點serum, 搽在peel off 的邊緣位, 咁會令佢服貼番:

如果用濕粉掃, 掃啲濕粉上去, 會一達達:

用CUSHION 印最好….基本上好貼服….尤其遠看更唔覺. 但由於上了碎粉, 4-5小時後, 好浮

 (圖右):

而BODY SHOP都新出咗隻Matte Clay Skin Clarifying Foundation ~ 都係含有茶樹精華, 化妝同時治療痘痘. 佢質感幾乾爽, 遮瑕力都不錯; 印幾吓就遮到暗瘡的紅色印. 亦因為佢乾爽, 唔上碎粉都ok (但我面珠好乾的, 所以要用番正常濕粉好啲)