雖然我向來都用好多好好嘅SIKNCARE, 但係皮膚都係屬於底層易乾一族. 除咗天生係咁, 其實後天都有好大 “責任”:

 

一來, 我近年都喜歡造光學美容, 雖然療程快, 效果都不錯, 但係壞處就係, 一不小心保養, 皮膚好易變乾

二來, 都係年紀大, 機器壞, 秋冬乾燥的天氣, 亦會好容易送我一程

三來, 就係我運動的習慣…..以往跑開10k (都3-4年), 由於喪流汗, 只要搽小啲skincare, 皮膚都覺得乾. 自上年起, 改跑半馬…..練習加倍, 汗水加倍…..哇, 皮膚更易乾…..基本上, 日中有時都會再搽多次skincare, 先頂得住.

四來, 我這個月, 又傷風, 又腸胃炎…..唔駛講, 身體由內到外乾出嚟.

 

這星期就係渣馬的大日子….未上場, 我的皮膚已大叫乾塘了….就算晚上搽得幾盡, 早上同晚上都用face oil…..但到第2朝, 皮膚都係感覺不良好, 喪失了我引以為傲的嫩滑感. 其實呢, 只要我肯敷吓paper mask, 會好好多(如講效果, 普遍paper mask 係勁啲嘅)….但天氣凍嘛, 我唔多願意用啲水滴滴, 冰冰涼的東西撻在面上………所以, 我就focus 用cream mask.

 

Premier Mask Miracle Noir

 

其實這隻MASK 並唔係新出品, 我都買咗大半年 (都係睇其他BLOGGERS 推介才買, 話好潤), 但買咗, 的確好潤….actually 太潤, 頂唔住 (因我買嗰時係春夏, 實在用唔到咁潤嘅mask), 所以就放埋一邊, 直到近來才從見天日.

 

佢都幾得意, 搽上面好似泥mask 咁, 敷上10分鐘左右, 就可以用佢付上的”攝石” 攝走啲 “泥”. 冇晒啲 “泥”後, 你會感覺到面上有一層油 (就係這層油, 令我夏天 “頂佢唔住”). 你如頂得住, 我會suggest你由佢留在面上，久時久按佢幾吓, 令皮膚繼續吸收. 我一般係等到瞓嗰時, 先用補濕toner 略略抹走多餘嘅油, 再搽番cream 先瞓.

 

我覺得這mask 對我這乾到爆嘅人, 係十分幫到手. 我基本上每兩天造一次, 維持了2星期….皮膚先叫 “正常番”

 

但如果你怕油膩, 就諗吓先la….你一定驚咗佢, 咪買. 仲有, 佢幾貴 (因買咗好耐, 我唔係好記得幾錢, 我只記得佢 “貴”; 我, 用咗10次左右, 都冇咗大半, 仲見底了)

 

這mask 嗰塊攝石係好緊要, 你千萬唔好唔見咗佢or 跌爛佢 (我跌咗兩次, 嚇到心都離埋, 好在只碎咗個角位) ~ 如你冇咗佢, 你好難就咁用水洗乾淨啲 “泥”….

 

同埋, 你攝之前, 一定要用tissue 包好塊石先, 如果唔係, 用完之後, 我都唔知你點先可以清理到.

 

 Laneige Water Sleeping Pack_EX

 

這隻sleeping mask就一啲都唔笠，當年買佢, 係因為我睇住幾位皮膚痳痳的客人, 不約而同用咗佢一排後, 皮膚好咗好多……..所以我梗係跟.

 

佢即時的補水力幾好, 但現在我咁dry爆，只用佢又唔會夠. 但我喜歡當佢 “保鮮紙” 咁用, 即每晚搽完skincare 在搽佢. 覺得咁造咗, 啲護膚品發揮得更好.

 

我夏天嗰時, 如果去咗沙灘曬過, 晚上會厚厚搽一層. 待佢吸到7788, 先去瞓. 這樣的確減少出乾紋. (我夏天, 就算曬過, 都冇現在咁乾…真係可憐…..當然, 夏天就敷到paper mask la)

 

反而呢, 我之前都有介紹的蝸牛sleeping mask ~ 我現在就唔會當保鮮紙咁用, 因我現在搽多咗face oil, 所以再用埋佢就太多了. 但如果我敷paper mask 前, 都總愛用佢哋打吓底, 令paper mask 的功效倍增.