Tag Archives: makeup product

Lunasol 2013 秋妝

4季的妝容, 通常都會有佢哋嘅特色:

~ 春天會粉嫩色多啲 ~ 大地回春就是這感覺吧

~ 夏天就會用上鮮亮的顏色, 多數帶點blink ~ 配合炎夏陽光感

~ 秋天就會換上暗小小嘅色, 但不失艷麗  ~ 模仿不同落葉的顏色

~ 冬天的色彩又再會暗啲, 也會帶點黑, 有點smokey ~ 冬天就是灰濛濛, 帶點神秘感吧

Lunasol 2013秋妝, 出了4種色調有紫, 麥綠, 啡 同深藍. 質地好細滑, 出來的感覺有小小blink (但比春夏系的blink 略為減少), 但又有小小好似絲絨的光芒….亦跟以往的出品一樣, 好易用, 唔需要特別懂得blending 都可以master 到.

我看見 BA 用03 (Dark Brown Velvet) 化的眼影, 靚得好緊要, 所以特別影落嚟 “留念”. 但學朋友話, 我太多啡色了, 所以就試紫色.

這盒眼影, 只要 “亦時針” 方向用就得:

1. 先用A 上眼蓋

2. 用 B 上眼窩

3. 這季的眼線可以進取小小, 所以BA SUGGEST我畫長一些

4. 用C搽在上眼線位造層次. 亦可以在當下眼線畫 ~ 由下眼尾畫到眼珠位就夠

5. 最後用手指印小小D 在中央位 (即眼珠最凸嗰個位) , 增強立體感

6. 眼頭再可以用 A 打亮

但我覺得, 這季最特別的產品, 就係 W Shadow & Liner. 佢一面係硬身斜角筆狀, 一面係SHADOW 狀. 本來我一見斜角筆狀, 心裡就不 “喜歡” ~ 因為我以為佢係 “鉛筆”嗰隻質地…用用吓會洩…但我又唔識批番個SHAPE 出嚟. 但原來佢係水筆嚟 (正呀!!!)…更開心嘅係, 佢夠晒黑, 同埋用溫水落都得 (我個人特別喜歡用溫水落到嘅產品 ~ 因溫水落的eyeliner or mascara, 對我來說, 係冇咁易化, 就算甩, 都係甩一小片一小片的, 你不會化為熊貓眼).

如你不想眼線太明顯, 可以即時用另一端的 shadow blend soft 佢….真係好貼心又方便的設計.

我見仲有新甲油試用, 就厚顏地自己搽咗一遍, 我用了 dark brown. 啲色造得好rich, 但都乾得好快. 唔搽 top coat 都可以好 “令”…好似造咗gel 咁!