Tag Archives: I’M Lip Crayon

MEMEBOX 之PONY EFFECT n I’M MEME

喜歡韓妝嘅人, 一定會對PONY EFFECT 同I’M MEME 有點認識. 早排, 網上I’M MEME 的I’M EYELINER 7色在香港熱賣 ~ 我自己都入咗啡, 墨綠同黑 ~ 因我上網看人試用, 佢只要一乾咗, 就算水冲過, 用手捽都唔會甩. 而到手後, 我用咗, 真係堅掂…比NARS 仲好, 又平好多. 嗰時, 我都係同online shop 買, 而真係要睇實物, 睇怕你要去水貨店看看.

    

直到收到MEMEBOX invitation, 先知佢哋剛在銅鑼灣開了旗艦店. 在白沙道, 成座紅色的BUILDING, 共兩層, 下層賣化妝品, 上層就係SKINCARE. 一次過睇晒PONY EFFECT 同I’M MEME. Pess con 嗰日人頭湧湧, 我都有試咗佢哋嘅Customizing Lip Palette, 只係$318 (即出面大品牌一枝唇膏的價錢)就可以調出N隻色, 而唇膏本身啲色夠實同好lasting.

 

如用掃上, 啲色會實啲. 用手指印上去, 啲色就會輕柔好多

 

其實press con嗰日已睇啱咗啲嘢, 所以早幾日, 就同朋友去買, 再慢慢試真啲產品. 原來韓國嗰道, 每星期都會出新貨, 所以佢哋都係….雖然有啲貨已SOLD OUT, 但等1星期都會補貨. 就係咁, 同朋友在MEMEBOX 玩咗一晚.

 

我自己要介敗家的作風, 所以”好收歛” 只買了:

 

  1. 幾款掃 (喜歡的唇筆SOLD OUT): 質地都好好, $1xx就有交易. 尤其嗰枝eyeliner 掃好好用, 一吓就拖出又直又幼細嘅眼線
  2. 蛋型pok: 出面好啲質量嘅蛋型pok, 起碼 $1xx 一粒…我又覺得這係gimmick嘢, 唔值得咁貴 (cdp 嘅pok 都超好用, $1xx 有兩塊la). 咁見到memebox 有1盒兩個, 才$9x, 即買. 都幾好推, 同唔食粉. 但係, 出job 就唔會帶佢 (因為 ar 地方, 我都係覺得普通但質量好的pok 都造到同樣效果; 另外, 我覺得洗完, 要吹好耐才可以乾透). 在家自用就good, 尤其唔識得就力去印勻啲濕粉嘅人.
  3. 眉筆: 這就係我在press con, 已睇中的. 上色易, 斜角設計, 粗幼合適, 非常易控制. 同埋都幾lasing
  4. gel eyeliner: 都係press con, 已睇中的. 又係易畫, 上色好, 乾得快. 同埋甩起上嚟唔會化開的, 係會一點點咁fade out.
  5. cream shadow: 啲色靚, 又滑, 同埋都幾lasting

  

其實我心頭好仲有唇膏 (之前press kit 內的唇膏和唇筆都照好用), 眼影同甲油….但實在太多囤積在家, 只有忍手. 而埋單時最大驚喜, 係朋友買了一枝eye tint ~ 啲色又出又lasting….BA收錢時才講, 現在造discount (因快到期), 只要$30!!! 抵到冇朋友.

 

這是press kit 附送的產品

 

 

(Right) PONY EFFECT Stayfit Matte Lip Color ~ 色靚, 夠實有lasting, 唔會太乾.

(Middle) I’M Lip Crayon ~ 夠潤, 但同時都幾lasting

(Left)PONY EFFECT Seamless Foundation ~ 見人見志; 我已在fb 講過:

好處:

  • 感覺好滑, 可以修飾毛孔
  • 真係遮瑕度好高, 只要局部在暗瘡位印多幾吓, 都基本上遮到晒
  • 水光感好重
  • 成日都唔會出乾紋 (近來皮膚乾, 化妝妝, 到晚上, 好易在眼底出乾紋)

 

壞處:

  • 幾笠同油, 我要上頗多乾粉定妝
  • 半天左右, 已在T-ZONE 位出油 (平時素顏, 我T-ZONE 位都好少出油); 應該夏天唔啱用

 

如你問我, 我自己會prefer 日系嘅底妝產品多啲 ~ 因我覺得韓國品牌一般比較潤 + 遮瑕度太高 (即係對我嚟講, 太厚…我唔介意show 到小小皮膚的瑕疵, 最緊要貼薄自然, 看得到自身皮膚的光彩), 在香港又熱又濕的天氣用, 好似太重身了. 但bb 同cc 的產品, 我就會用韓國的. 現在, 唇, 眼線, 眉, 都愛用韓國產品.