Tag Archives: hair

Vita Hair ~ 防脫洗髮露

講起維特健靈, 也許你會想到靈芝或維新烏絲素…..我同我媽則係寧心的長期擁護者. 所以對這品牌並不陌生, 亦有信心. 最近維新烏絲素, 除了大家熟識的丸裝, 退出了洗髮露……我的頭髮比較幼和軟, 雖沒有太大的脫髮問題, 但轉季都會比平常甩多少少…..反而我家熊貓老公, 就有個M字額, 所以即管試吓這洗髮露.

這洗髮露的主要成份有何首烏、靈芝、墨旱蓮等, 能促進血液循環,有助營養輸送到髮囊. 產品由英國製造,絕不含二噁烷、MIT/CMIT致敏物及刺激皮膚的香料,成份安全.

說明話, 如果需要防脫, 就最好每天用. 如果只是保養, 則一星期用2-3次就OK. 我洗了第一次, 已覺得啲頭髮順滑咗, 動L 咗…..當然我只用了1星期, 有冇明顯改善脫髮, 我看不出 (話有都呃你LA)……但用了咁短時間, 要即時介紹….係因為我家那位熊貓老公的效果真係好AMAZING….話說, 佢真係頭髮油到一個點…..我已買一些油性頭髮專用的產品比佢….晚上洗完, 早上已油到生意失敗咁………就算比佢用deep cleansing嗰啲洗頭水….洗完都好似有啲笠咁嘅…………但第一次用維新烏絲素防脫洗髮露, 已看得出, 佢啲頭髮爽咗好多……..這不是最amazing……..勁就勁在, 佢去到第二天放工回來, 個頭都係幾爽….啲油笠笠起碼少咗90%.

所以, 我希望, 佢長時間用, 會令啲毛囊冇比啲千年油塞死, 令頭髮健康啲!

Kerastase Densifique Hair Density Programme

我的頭髮雖然量ok, 但因為幼, 所以看起來都唔夠volume

尤其頭頂, 量則偏少, 加埋我係中性髮質, 所以如出了頭油, 就更加塌

 

我發覺自己的頭皮會有時因天氣影響變得敏感 (有點癢) 和易出油

這段時間, 脫髮量亦會增加

 

所以我經常都會好小心去睇住把頭髮:

  • 因造了color, 我時不時都會用color lock 的洗髮水去鞏固髮色
  • 但敏感時, 則會用抗敏的產品 + 頭皮serum
  • 如游完水, 則會用滋潤點的產品
  • 亦因頭髮開始長, 會用不同的髮尾油和leave on conditioner, 令頭髮順滑

 

最近使用了Kerastase Densifique Hair Density Programme

只係第一天用已有驚喜

scalp_may15

佢一盒有30枝, 一天用一枝, 可以令頭皮健康, 令髮質強壯, 從而增加volume

說真的, 原價真係好貴 ($1xxx), 但朋友仔比咗張 loreal staff sale 的coupon 我, 令我可以半價買到……….都$800. 雖然療程係3個月, 即3盒…但始終未試過, 買1盒好了.

 

可以洗完頭抹乾水時, massage 在頭皮 或用在乾髮都ok. 我這粗手粗腳的人, 第一次用, 意外地倒了半枝, 肉痛死. 但就算用得半枝, 感覺都好明顯, 先係頭皮有啲涼爽的感覺….吹乾頭髮後, 髮根好有力, 樹起身. 那天我係中午造完gym 後用的, 都晚上, 頭髮都仍然好爽, 頭髮冇塌.

 

不過這不是最神奇之處, 最神係第2日….因瞓醒, 頭髮仍然爽到冇朋友, 仲係冇塌….可知道我這些天氣仍然冇開冷氣瞓的, 比平時, 一早起來, 都會出咗頭油, 同成個頭扁晒…有時頭皮仲會有啲痕

 

當然, 你聽話真的要跟足療程指示….但我cheap 底, 見第一日只用得半枝都咁好效果, 打落幾日, 梗係 “繼續”用半枝就算la. 另外, 我亦發覺, 洗頭時, 頭髮甩少咗. 吹乾頭, 就算冇用鹽水, 都有用咗鹽水的效果. 所以令我非常開心.

 

 

後話

現在護髮不只留意髮絲護理, 連頭皮都要好好看待.

要有肥沃的土地, 農作物才可以長得豐盛嘛

 

這些年, 我都會偶爾用house of rose 的頭皮serum (在以前的blog 都有介紹)

因為香港冇, 所以每次去日本都會入貨

佢水水的, 用咗都可以即時令頭皮好舒服

 

同Kerastase Densifique Hair Density Programme 比, 佢價錢經濟好多 (佢一枝好似百幾蚊, 用到好多個月); 功效方面:

  • 在對抗敏感 (在我而言, 多數係洗完頭都覺得頭痕), 大家平手
  • 但在控油 + 長時間令頭皮清爽, Kerastase 勝啲
  • 在令髮根有力, Kerastase 大勝
  • 減少脫髮方面, kerastase 略勝

 

所以, house of rose 我都係會繼續用…..除非我發咗達.

 

 

 

 

 

頭髮一梳到尾的法寶

我最怕頭髮打戟!

 

但長髮, 又染, 又電….打戟又係無可避免的….

 

所以我好喜歡試唔同嘅髮尾油 ~ 專令頭髮順滑的 (都係等頭髮乾 or 半乾先用)

 

我都用過好幾款….都幾work 但唔係道道有得賣:

有啲要去買髮型用品嘅專門店

有啲又要去xx 彩妝店先有

有啲又要網上訂

 

好煩呀 ~ ~

 

我時不時要上大陸造嘢, 所以要買咧隻就好EASY:

 

Loreal 地中海堅果油~ 我唔知香港有冇 (在我家附近的屈臣氏就冇見過)…我在大陸嘅屈臣氏買SPEICAL RMB50…我買了好了幾枝….

 

 

只係一PUMP….就足以令頭髮滑不留手….但絕不會好OILY….爽身架! 對付毛糙頭髮都好得手. 我時時亂吹頭, 搞到 “gong”起晒用咗佢, 就即時, 順滑番.

 

咧隻….香港嘅屈臣氏就有Liese Smooth Hair Cocktail

 

 

佢係SRPAY ….

 

佢初SPRAY上去嗰時 (SPRAY 在乾髮上)~ 冇乜FEEL…只係有好SWEET 嘅桃味….

但一會兒滑呀 ~ 掂晒!!! 但佢只係令頭髮一梳到尾 + 香香的….control 毛糙就冇乜用架.

 

最得手係, 你行街, 梗有一間屈臣氏响左近….要買佢冇難度!

 

順帶一提, 這隻在屈臣氏跟萬寧都有得賣嘅護髮素都好好用 ~ Aquair Deep Moist.

 

 

夠晒moist, 搽小小落髮尾就得. (但不要貪心哦就係佢用小小都夠潤落得太多, 會好heavy ). 佢有我以前介紹過的pure factor 咁好用pure factor 就係要特登去啲美髮用品專門店先有得買….有啲麻煩囉!