Tag Archives: enLIGHTEN 皮秒激光去斑

enLIGHTEN 皮秒激光去斑

你看廣告時被燒著, 我何常唔係….近幾個月看見fb, 勁多的皮秒激光去斑
(後稱: pico)宣傳, 又有明星親身去試…個個都話好神奇, 啲斑冇晒, 一次就見到好明顯功效, 連荷爾蒙斑都得 (這part 真係好神), 仲要打落去冇感覺, 瞓著都得…..究竟係點呢…..我真係好想試!

但同我造開機的醫生就冇這服務, 我有問過佢點睇, 佢話pico 機有好多, 美國機會係最好. 但亦要睇治療師的手勢, over 咗都係會反黑 (佢都收咗好幾個, 造pico 搞到反黑的case). 而她為客人造個無數次去斑, 都係嗰句, 曬斑要全清唔難. 但荷爾蒙斑, 減淡係ok, 全清就有難度了. 以我的case, 佢話去到6成已很不錯)

又咁講, 以我造機咁多年, 好多打斑嘅機, 如果用得過多能量, 係會反黑, 甚至係出白點 (仲慘過反黑, 要好耐好耐, 再加運氣你才可以復原). 所以治療師或醫生的手勢, 好緊要. (就算唔打機, 你自己亂搽一些美白產品, 都會反黑架!)

另外, 雖然有些地方試造價好平, 我一直唔敢去試, 係因為好怕去到比人狂sell…….. 其實之前已有美容主篇問我試唔試 (佢造完, 係靚咗好多), 但我知道嗰間公司好hardsell….就算免費我都唔會去.

潛完水回來, 冇乜黑, 係黃咗啲同底色冇咁均勻, 搞到我又心思思去試pico…. 咁啱又收到Le Blanc的press release………試造價同療程價都係一樣 (即係冇試造)$1800…..更令我impressed 係……不用買course, 單次計冇問題 (如繁忙時段, 買course: 係$1800 x 5….唔買course 咪$1800 /1次…..咁即係唔駛買la)…….你話幾好…冇束縛 (應該真係唔會sell 人). 所以, 我去試.

去到中環的店舖, 幾清幽架…..最重點, 係用美國pico 機, 並有cert為證. 會打兩個波長1064nm 同532nm (如皮膚正常, 會打3 rounds):  

造完清潔, 就用照妖鏡睇吓啲斑嘅種類和分散狀況. 好消息係, 我冇乜曬斑 (真係要讚自己啲防曬造得好), 唔好消息係, 我好多荷爾蒙斑. 負責人都好老實同我講:

  1. 就算用pico, 都未必可以盡去所有荷爾蒙斑 (始終佢係比較深層, 又是由身體引發出來的); ((再補充吓, 我都有在另一家, 唔hard sell 的醫美clinic問過美容師….佢地都係講同一番說話 ~ pico對荷爾蒙斑, 不是絕對100% works; 尤其荷爾蒙斑大大達嗰啲case, 要變0, 真係slim chance)

  2. 仲有, pico 係用能量打散啲色素, 再透過身體的代謝力帶走. 但代謝力每人不同, 尤其年紀大的人, 會比較慢, 所以效果未必會如後生女來得咁快咁明顯

  3. 打斑亦都不會一次見效, 起碼要造多幾次才會有點成果 (老實!)

  4. 有啲斑一打完會深色咗, 但個幾天啲色素就會自己散走 (如Q-SWITCH, 係會結小小焦, 過幾天, 洗面時, 會甩走; pico 不會結焦)

  5. 打完, 尤其我這樣面皮薄的人, 有啲位可能會氾紅. 但佢哋會造多個cooling mask 去令皮膚穩定下來

  6. 另外, 係有機會反黑, 但機會係比我造開的Q-SWITCH 細, 創傷度會少好多, 亦冇咁乾.

  7. 至於痛楚和不適…會有…同Q-SWITCH 差不多, 佢哋話有啲客會叫痛, 有啲就冇乜嘢….視乎你忍受能力 (老實TOO)

  8. 但造完, 可以看到皮膚光滑咗; 過多1星期左右, 深色咗嘅斑會變番淡, 面色會再進一步白滑.

  9. 造完後, 皮膚都係會覺得乾….可以敷多啲mask (我自己有敷補水mask 同搽蝸牛精華去修復皮膚)

大家可以看看 Le Blanc 寫的Q-SWITCH VS enLIGHTEN 皮秒激光的比較

打嗰時, 同Q-SWITCH比, 啲發射率係高好多, 快好多. 冇挑黑頭咁痛, 但絕對有感覺的…好似比蟻咬咁 (感覺同Q-SWITCH 差不多)…..唔會痛到彈起或流眼水……但真係稱不上 “好舒服, 瞓得著”.

打了3rounds 後, 就會造一個cooling mask, 涼涼的. 完成後, 美容師說我的面珠有點紅, 但我自己又唔多覺. 即時看到啲皮膚係亮澤咗, 但又真係看到眼尾嗰粒大斑深色咗. 這粒斑又真係過了1星期, 就甩咗色. 斑仍在, 但好似比以前淡咗小小.

左: 第一晚唔記得影, 這相係第2晚影, 斑的邊邊好似結咗焦咁
中: 第4天影, 啲黑色邊又甩多少少
右: 第8天, 啲黑色邊甩晒.

造完第5天影的….純素顏 vs 搽了潤色功能的sun block

第8天, 就咁搽了有潤色功能的sun block, 更ok la.

後話:
又咁講, 我對斑嘅宗旨, 同對黑頭嘅宗旨係一樣…….就算有, 如果唔係太明顯, 就由佢. 如果要好痛先整得走, 都由佢.

雖然底層啲荷爾蒙斑會影響我的均勻度, 但如沒有照妖鏡, 肉眼望, 又唔多覺的 ~ 原來睇照妖鏡, 我係一隻烏咀狗, 但就咁影相 (都好close 吓), 唔係太覺….所以, 由佢la!

反而係左邊眉尾嗰粒荷爾蒙斑, 係大粒, 又日漸變得深色, 但真係未必甩得清. 我不會追求完美, 我容得下自己的不完美…只係略盡棉力去改善吓就好. 老, 係人生必經….aging gracefully 就好, 我不要變成防腐膠人. 反正, 就咁搽冇乜色, 但有潤色功能的sun block, 皮膚已即時白滑好多, 我ok 架la.

我對今次的效果幾滿意, 亦因創傷比較少, 我決定用pico 代替我Q-SWITCH 的恆常保樣. 所以, 我買咗package ~ 非煩忙時間 (Mon-Fri 11am-4pm), 咁就買5送1, 即$1500 一次. 另一個good point 係, 你可以同幾位朋友share 都冇問題. 反正我有啲朋友有興趣, 咁用我個package 咪慳$300

Le Blanc
地址: 中環安蘭街18號16樓
電話: 2242 6789 or whatsapp 9515 7359
WEB: www.leblanchk.com
FB: LeBlanc.HongKong