天氣會直接影響我化妝的心情
如果又熱又濕
你一路化妝一路出汗

去到街, 又流汗
最怕一抹汗, 成張紙巾都係粉底

所以, 這樣的天氣
我多數會用有潤色功能的sunblock (即係冇乜色, 但會blur 一blur 啲毛孔)

雖然我皮膚偏乾, 冬天唔駛用碎粉
但夏天就要用la, 否則t-zone位會好油

所以我用碎粉又好, 粉餅又好, 通常都係透明色的

冇錯, 乜都用透明色 = 冇乜遮瑕度, 唔係個個人都啱
不過, 我情願比人睇到瑕疵, 但妝感輕鬆啲
同埋普通日妝, 用不著咁大龍鳳 (我hea)

近日多數用Clarins 這盒2 in 1 Pore Perfecting Matifying Kit
透明色, 但可以定妝, 去油光, blur 毛孔
底部中有一pack吸油紙, 方便帶出街補妝時用
仲有佢係”抗污染配方” ~

今年, 好多品牌的base, sun block 或粉底, 都包含”抗污染配方”
真係抵抗到幾多uv, 污染物, 我又講唔出
但我有養貓……發覺用咗”抗污染配方”的產品
啲貓毛冇咁易痴上面