Tag Archives: base

CDP Foundation Set

一個靚嘅底妝, 永遠都好重要: 要貼薄, 要遮到瑕但又自然, lasting, 要有光彩所以當年學妝, 就係如可上粉底都教足兩堂.

我個人就偏愛一些遮瑕度相對冇咁高, 偏薄的粉底. 除非你皮膚極差, 否則每人都有一層皮膚的底色”, 還會散出天然的光澤感….太厚的粉底會將這些天然的優點都遮晒所以, 我挑的粉底都係偏薄的.

記得早前, 訪問了一位在gym 認識的太太, 她上的底妝, 可以抵擋一堂gym class 的摧殘. 當大家大汗如雨, 佢個妝都堅廷的 ~ 亦係佢介紹我用 la mer 的眼部遮瑕 ~ 一隻非常good 的產品. 這太太就係用 cdp 的粉底 (佢仲推介了chantccaille mask 給我, 我已即時去買埋! 試多幾次, 如好的再share). 最衰係, 博士都搶先買咗嚟用, 又話好好 (我怎可以比佢靚過我我怎可以輸!!!) 與此同時, 亦有客人給我力推cdp base…..我見早排sogo thankful week, 啱啱就有 foundation  + base set , 所以一次過買晒嚟試!

 

Sogo Thankful week , 你係用正價買1base + 1foundation, 但就有1set gifts. set gift 唔少嘢架, 都值$1000. 博士說, 只係嗰塊mask 都幾百! (佢話這mask 係萬能的, 由美白, 滋潤, 去皺, 補濕乜都得). mask + 附上的travel size skincare 我都未開嚟用.

但佢嗰枝胭脂掃 + 眼影掃, 則係超級好嘢嚟係貂毛造的滑得很!!! 此等貨色, 都要幾百1!

 

我買的

l   Base ~ Translucent corrector ($480) ~ 最多功能, 可以調色, 遮毛孔, 檔細紋

l   Foundation ~ Silky cream foundation ($980) ~ 比較薄身, 可提升肌膚的光彩

我覺得這cdp base foundation 都有個特點: 好細枝 ~ 尤其係枝base ~ 所以我唔捨得成面上, 只上眼下 (有細紋) + T-Zone (毛孔大) .

foundation, 不用再mix 其他嘢都好薄貼了. 同埋跟 la mer eye consealer 一樣 ~ 有好強護膚成份, 用完皮膚滑滑的. 所以我上了CDP foundation , 就唔上碎粉, 等佢自然風乾定妝. 咁光澤感更強. 正如上airbrush, 為了貼薄, 我哋都係會風乾”, 唔上loose powder . (但油面人, 這方法就不適用的哦).

我本身的皮膚不易脫妝的, 但年紀大, 所以好易出紋. 我覺得cdp 比其他品質優勝的係, 在唔mix 其他護膚品入去之大前題下 (aqua gel), 佢都係貼薄, 同埋end of day, 出乾紋的情況都好少.

cdp 咁貴, 你叫我天天用, 我捨不得….我這期的皮膚還好, 都係搽bb cream 就返工去. 只係有街去嗰啲日子就攞佢出嚟晒冷” !!!

這天, 只是用了 cdp base + foundation + 小小 Armani cream blush ~ cdp 帶出的光彩, 實在自然! (這妝base, foundation, blush, 都是, 我沒有用碎粉定妝, 只靠自然風乾, 令效果貼近air brush 上的妝)

 

後話:

好多客人都會問, 高清噴槍化的妝, 有乜唔同.

我都跟過3位老師學過噴槍, 唔係精, 但總算識小小. 我最記得 Zing : 噴槍咪叫噴槍囉造乜加個高清响前面….難道人手化的底妝, 就可以低清? 造化妝師, 連用手上底妝都上得唔靚….就失敗.

噴槍當然有佢嘅好處, 唔係我都唔會去學. 相對嚟講, 噴槍係比較lasting, 透薄 + 有光彩的. 如用在creative makeup, 可以有好大的發揮空間.

但係, 問心講一般新娘妝, 我哋只會用airbrush 去上底妝 + 胭脂; 其他都係人手上.  除非你係professional, 仲要係好細心嗰種, 否則你唔會分得開, 那個妝係air brush, 那個妝係人手上 (assume 你人手上的底妝係ok 貨色). 如在相片看, 就更難分得出.

 

記得這位新娘子 keeling , big day 當天的天氣好熱, 早上6時上妝 (只是用傳統粉底), 到影這張相時, 都差不多4pm…但你會覺得個妝好低清?

2012, 我的進修目標之一, 係再去深造噴槍 (噴槍可以造到好多effect, 只係新娘妝用不上這些technique). 但我還是相信, 傳統粉底都造到很好的效果 ~ 只要你買得對 + 懂得用.

這是我2011 最後一篇blog. 出這blog , 我已外遊了 ~ 只係北上玩幾天!

各位, 新年快樂!

2012 我還是會繼續造我的正義敗家精! Work hard and Play hard!!!