手機唔夠memory, 打算洗咁啲相
發覺好多時啲相只post 在fb….
唔記得post在blog
又或者, 乜都唔記得post….
其他唔緊要LA,
但KOEY’S WEDDING 好緊要, 一定要放番落blog
等我以後收山時, 有點紀念
因同佢幾姐妹由model 變成朋友
友誼難能可貴
我們的WEBSITE: www.TaStyling.com
如有問題, 亦可email 我們: info.TaStyling@gmail.com
手機唔夠memory, 打算洗咁啲相
發覺好多時啲相只post 在fb….
唔記得post在blog
又或者, 乜都唔記得post….
其他唔緊要LA,
但KOEY’S WEDDING 好緊要, 一定要放番落blog
等我以後收山時, 有點紀念
因同佢幾姐妹由model 變成朋友
友誼難能可貴
我們的WEBSITE: www.TaStyling.com
如有問題, 亦可email 我們: info.TaStyling@gmail.com
Photographer: KA, Model: Zoe, Makeup: Anita
真係好耐好耐, 冇造test shot….在一個偶然的場合, 撞番我當年第一位約出嚟影相的model ZOE, 原來她都好耐冇影相….所以即約埋好熱心攝影師KA, 進行熱身第一擊…希望今年會造多少少test shot la……同一個task, 但大家可以自由發揮, 真係好開心.
今次test shot, 我造的底妝跟以往有點不同, 特別加強了光暗影: 因ZOE 天生小小的瓜子面, 我可以在受光位先加上白白地的光影, 之後再加多層冇乜色, 但帶SHIMMER 的產品….當然仲要配合燈光, 就能帶出好有光澤的感覺. 不過這造法不適合面大多肉和毛孔粗大的人…否則會將缺點放大, 並讓人覺得你面油旺盛. (但最佳效果係要跟燈光配合的…..就如鑽石在黑暗中不懂得自己發閃)
眼妝則冇乜特別加強聚位, 眼睫毛都係用上一對. 但眼線有略略畫長啲和用點下睫毛. 眉方面, 畫不得幾多, 因ZOE 造了飄眉, 偏深色的; 我只是略略改吓我覺得唔BALANCE 的地方. 這妝是造con card 的, 所以顏色不會太多, 盡plain.
這次一起影TEST SHOT, ZOE 用她的LG 手機, 我用我的IPHONE 5, KA 當然用上他的專業相機….你們可以看看有什麼不同.
近來同不同的朋友, 都有說起執相的問題….很多人說明明見相係靚女: 白, 滑, 瘦, 出來見真人才發現是驚世大騙案.
我自己覺得, 適量的執相係好的….如1-10度的美肌, 我只會選到2-3就夠…..因好的相機實在太 “利”, 佢可以將肉眼看不清的瑕疵, 清晰的展示 (仲要在mon 放到很大很大)….所以, 我只想造番 “肉眼”看到的感覺.
另外, 打燈 (這PART 我唔識, 攝影師在行好多), 亦有助令相片變得更美更立體. 但這亦是令我煩惱的地方….很多女仔會攞PRE-WEDDING 執好的相跟我說, 相中的她 “化妝後”白, 滑, 瘦冇眼袋…希望我化得番……我真的化唔番呀…..化妝只可以適量改善而已, 不能包埋photoshop+打燈效果呀!
IMAGE 1 最清的妝容 (過咗鏡) ~ 但見真人係有色架. 好喜歡這隻小小的白色蝴蝶蘭 (我自己嫁嗰日都係用佢)
PHOTO BY KA
PHOTO BY IPHONE 5 (偏紅咗少少)
IMAGE 2: 長髮LOOK ~ 我有次在PRESS CON 看見MODEL 梳了這頭, 覺得好靚….所以加上假髮去整. 加上這些小花, ZOE 話好喜歡.
PHOTO BY KA
PHOTO BY IPHONE 5 (都偏紅咗少少, 不過比IMAGE 1好啲. 我都唔知點解, 乜都冇轉過, 但出來的色就係唔同)
IMAGE 3 想試吓花環 (其實我唔多LIKE 花環, 除非位MODEL 似一個公仔…..你試諗諗老娘我帶上花環, 係幾咁驚嚇)
PHOTO BY LG (左), IPHONE 5 (右)
IMAGE 4 : 紅唇….其實跟長大卷髮就有啲復古 (但說實都會顯老). 梳髻LOOK 係次要, 最住要係我喜歡這款深紅的石蓮 (唔常見) 和這隻似萬壽菊但靚好多的小花…
PHOTO BY KA
PHOTO BY LG (左上), IPHONE 5 (其他)
那些是真實, 那些是假象, 大家的尺度都不同. 一切就留給你自行定決…..但PS 和真樣, 不要過份混淆就好.
雖然我有AIRBRUSH, 雖然我BIG DAY 一定會用AIRBRUSH
但係我的AIRBRUSH KEEP 在workshop, 所以平時同自己化妝, 我好少用佢
這天得閒, 就在workshop 同自己化一次, 順手time 吓自己用咗幾耐; 費事到時自己over run, 老貓燒鬚. 自己化, 大概30-45分鐘左右就得.
影得人before 多, 自己影自己就真係好少. 正在”恭候”大姨媽光臨, 所以荷爾蒙斑深色咗, 又有凸起的瘡, 基本上皮膚處於一個月最差的狀況. 面色又黃又青….應該係成個月最差嗰日. 至如要”改善”的地方:
其實用airbrush 可以自己調節妝容的 “水光”感覺….如皮膚夠好 + 夠時間比佢然風乾 (即唔落碎粉), 那水光感都會keep 到架 (但當然風乾後, 水光感會略為降低). 但皮膚唔好, 就唔好咁搞法la.
近影, 看到水光感吧 (所以我要努力護膚才可以)
其實妝容冇變, 如過影相位置好光, 其實整個妝都會變得淡咗. 所以, 真係唔可以化得太輕
但相對嚟講, 已比之前化去影pre-wedding 個妝輕好多
本來諗住畫吓紅咀, 但後來覺得畫咗紅咀就唔可以食嘢…同埋, 都係屋企人食飯, 唔想個樣太過勁…..所以都係略略用紅小小的lip stick 就算.
後話:
咁熱天氣, 我係化咗妝, 出咗去行街食飯再回家, 都起碼6小時以上; 當中冇補過…..但係真係冇乜點溶….連我奄尖的母后都大讚個妝好貼薄有光彩 ~ 但好戲在後頭:
媽: airbrush 真係得, 你嗰日都要同我用airbrush
我: 但要皮膚好嘅人先會咁靚 (其實係想講, 你aging skin, 唔駛用la)
媽: 咁就啱晒我la….我啲皮膚咁好….你話同齡嘅人, 邊有我咁好皮膚….你啲皮膚咁好, 都係我遺傳比你!
我: ……………….
媽: 咁你幾時同我試妝 ?
我: ………………
我係一個衰mua, 只會同新娘trail, 媽媽妝, 姐妹妝係冇得trail…………估唔到比天收…….我要同位咁有要求的 “媽媽” 試 ~ 而佢, 就係時時話我, 化唔出客人 “內在美” 的人…
但問佢 “內在美”點化架………佢會答: 你係mua, 你自己諗吓la!
之前都有寫過這topic 的blog, 但近日發現, 2013年前寫的blog 內啲相唔見咗, 得番啲字. 所以再整理一次, 以前講過的, 造個summary. 但事先聲明, 這只是我個人的見解而已.
早在09年已學了airbrush. 亦在這些年再專門進修過airbrush. 好多客人都會問, 用airbrush 化出嚟嘅妝, 係咪特別 “高清”, 特別靚, 特別貼.
我倒不覺得 ~
l 如果你可以操控到傳統上底妝的技巧, 分別不會太大.
l 如用airbursh 用得唔好, 個底妝都可以好厚, 同埋好浮.
l 所以, 我都不會硬sell 客人, 化airbush 才會靚.
l 同埋, 亦問心, 如睇相, 分別更加不太大. (睇真人, 都會有點分別的, 但要好好眼力先分到.)
當然airbrush 都有佢嘅長處:
l 如果你面有好多瑕疵, 用airbrush 去遮, 會快啲, 同埋 “感覺”上冇咁厚
l 佢係比較 “防汗”同lasting , 佢有一隻光彩, 傳統粉底係冇的.
但有時, 如果遇上model 本身個body 好熱 (例如比影樓燈照咗好耐), 粉底會有點氧化. (因過高的體溫, 可能令airbrush 顏料氧化 ~ 顏色因而會變得灰暗); 另外, 如model 本身對風或塵敏感, 亦可能不適合 (因airbrush 會將顏料霧化, 再噴出來….所以粒子細如塵; 上妝時會覺得被風吹的感覺)
而airbrush 的顏料主要分silicon base 同water base; 我比較喜歡silicon base, 因冇咁乾, 同有好好的光澤感.
但在新娘妝的範疇, 我仍舊多數用傳統粉底, 除非客人special request, 我才用airbrush. 因我覺得自己用傳統粉底化的妝, 不會跟airbrush 化的差太遠. 我仍是很buy zing 那套: 一個化妝師, 應懂得用傳統粉底落個靚底妝, 一樣應該是高清的.
好, 再比啲airbrush examples:
雀斑 , 面色氾紅
Carloine有頗大範圍的雀斑, 面額毛孔有點大. 之前跟她用傳統粉底化過一次; 這次就用airbrush 化一次. 可以說, 用airbrush 遮雀奔的效果比用傳統粉底好. 亦因為airbrush 顏料自身有的光澤感, 所以出來的效果, 的確比傳統粉底來得更完美
用traditional foundation:
小小雀斑加面色氾紅則不難用airbrush 去改善
毛孔粗大
毛孔粗大, 面偏油 + 有點暗瘡印 ~ airbrush不可能造到剝殼雞蛋咁, 但肯定有很大的改善. 同埋見真人時, 感覺冇咁 “厚粉”
事先說…以上的相都係close up 再放大好多倍…在你big day 時, 相信冇人會 “控”到面貼面再細心觀察你每吋肌膚的. 所以, 請以 “正常”人的 “正常”距離去再看這個妝.
暗瘡肌
Aggie 下巴暗瘡為患, 有新出的, 謝了的, 還有酒米. 所以看起來, 有好多紅印, 亦凹凹凸凸.
覺得用airbrush 去遮瑕比傳統方法優勝之處, 係airbrush 不經人手, 直接spray on, 所以可以好薄, 但遮到. 傳統方法, 用手or 掃上, 就算我哋識得用陰力去上, 但唔多唔少, 每次同皮膚接觸時, 都會hide 走一些, 但又加上一些, 來回之下, 就令該位置厚了. 相對, 傳統遮瑕膏亦比airbrush 的paint 厚好多. (但凸出嚟的東西有影; 這, 化妝上就冇得遮LA)
Aggie 用後的評語係, 在室外光睇, 個妝更靚, 而且不氾油而又不覺得乾燥.
如平復的暗瘡印, 則是冇難度
甩皮中的皮膚 + 毛孔問題
請看看before, 未上妝, 已見到Karen 的皮膚在脫皮. 其實同佢上skincare + base 嘅同時, 都嘗試同佢捽走啲皮…但有啲捽到, 有啲捽唔到.
上咗airbrush, 毛孔略為修飾咗, 但甩皮問題仍在……甩皮會令粉底冇咁貼, 因啲粉都比啲皮 “long” 起咗. 正如面毛多嘅人, 啲毛都會 “long”起啲粉, 令貼服度大減.
同Karen 研究下, 這種情況, 可能會用傳統粉底好啲
1) 傳統粉底本身都會有一定的skincare 成份, 加上我亦可以落aqua gel 之類令粉底更滋潤, 更貼合model 的需要. 但airbrush 本身係顏料為主, 雖然都可以落少少佢自家的潤滑液, 但都不夠傳統粉底咁 “講究”. 多了skincare 在foundation, 會有效令死皮軟化, 繼而易啲捽走.
2) 雖然不應如此上妝, 但Karen 的case, 你一面用手上, 你可以順手再捽走啲死皮, 會令妝容貼薄啲
但相對, 遮毛孔的話, 用airbrush 又造到比傳統粉底更好的效果……所以, 睇吓你想點la.
好皮膚
其實airbrush 又唔係只係為 “問題”皮膚而設, 如你皮膚好, 效果亦可以錦上添花.
Cherry 以往造過我bridal styling demo 的model, 多謝佢年尾結婚時揾我造mua. 這天給她造trail…..我為她用上airbrush.
Cherry 的皮膚好好, 基本上沒有大問題, 只係稍為給她tone 吓啲皮色就夠, 就算用傳統粉底, 都好薄就夠. 而airbrush, 佢的質地比傳統粉底更薄, 而光澤感可以由我調配….所以出嚟嘅效果更貼, 更亮麗
OTHERS
其實AIRBRUSH 最強的功效並不是在新娘妝的範疇, 佢可以噴出好多好細緻的CREATIVE MAKEUP
亦可以造出剛洗完面的效果….但不可以手觸摸妝容, 否則會甩的