如果你有留意, 近年化妝的trend 比早幾年都淡色咗….就算冬天, 以往都好多smokey, 但這年 ~ 眼妝都係冇乜色, 相對, 畫眼線的花款就多咗 (無論眼線的用色, texture, 同畫的方法); 眉, 好多人都喜歡粗啲, 又平啲; 而咀就會紅啲 (正紅, 桃紅, 橙 或棗紅). 底妝則重視剔透感, 而胭脂都係淡淡的….可能韓風仲係吹得好勁, 大家都受到影響…其實外國fashion week 啲妝 (都係大家潮流指標) 亦係遍向這類的風格….真係唔知邊個影響邊個.
但無論如何, 靚就得la! 而且這類妝容都唔難handle. 剛出席完2015 Kanebo 的春妝發報會, 發覺他們都係走這個trend. 以往日系妝容都係走甜美路線, 但本季, 我覺得係乾淨利落.
看得日本化妝magazine, 你都會知他們愛用shimmer, 珠光, 大地色系. 眼影的色彩, 與歐美產品相比, 色彩的濃度會淡很多. 所以相對都不難handle. 這季 01 Cool Ballet 眼影係主打色:
- 左上看似粉藍色的眼影…主要上在眼蓋…神緒在於, 佢唔會看到一片粉藍色, 甚至差啲睇唔到乜嘢色….但在光線下, 就會看到如上了diamond dust 咁, 有著很柔和的藍+銀調的幻彩閃粉….非常特別 (如你看開我的blog, 都會知名我最不喜歡粉藍色和粉綠色的實色眼影, 這隻絕非實色, 似diamond dust 多過似眼影)
- 再用右下的深啡上在眼尾聚位放大眼睛
- 下眼線則可以用左下的淺啡色畫, 令整對眼上下呼應番.
唇色就用了深coral 色. 可以單用, 亦可以之後再上多層lip gloss.
左: just lip stick
右: lip stick and lip gloss
這季我最驚喜的, 係佢哋嘅眼線. 我向來都有用開這類的眼線液 (用開MAC OR Makeup Forever), 因佢非常lasting, 防水防油的功力, 比一般gel eyeliner or pencil 強好多; 唯一不好, 就係有啲難control, 你要手定才可以畫到好smooth 的線條. 但Kanebo Noble Shade Liner, 的texture 冇咁 “膠”, 同個掃又造得軟啲, 所以在control 上就易好多. 雖然暫時得兩隻色 (深藍 or 深紫), 但畫出來, 感覺跟黑色眼線差不多.
left: Black eyeliner (Makeup forever)
Right: Kanebo Noble Shade Liner (dark blue)
喜歡這類眼線, 係因為佢哋就算甩色時, 都唔會化開, 係會一片片咁甩….亦唔會令你流黑眼淚. 佢嘅防水同防油功能, 都比一般pencil or gel liner 嚟得強一點. 我test 過: 搽咗kanebo Noble Shade Liner + 另一隻要用溫水落的mascara (同樣甩色時, 係唔會化, 只會掉fiber). 跟住去喪跑2小時, 汗流破面, 亦冇特別 “因”住, 有用毛巾抹汗 (連眼位都抹, 因啲汗滴入眼好喇). 跑完仲去洗咗面………..咁多 “衝擊”下, both 眼線同mascara 當然有甩 (甩咗30-40%), 但係因為係好細片咁甩, 啲色冇化開, 所以, 感覺上唔會太嚇人.
