Tag Archives: 放濕口罩

坐長途機的幫手

真係好怕坐長途機, 瞓唔到事少, 因身為一隻長在沼澤的田雞, 我喜歡潮濕;

最怕機倉的乾燥空氣:

  1. 令皮膚變乾,
  2. 連鼻子的黏膜都變乾 (對我來說, 這很容易會病. 因幾次, 坐了長途機, 或去到乾燥的國家, 我即病. 後來醫生對我說, 因為鼻子的黏膜變乾後, 就減弱了阻擋細菌的功能. 加上我上呼吸道都係弱….所以好易中招)

 

皮膚乾的問題:

初年那怕世俗目光, 我可以在機上照敷個paper mask. 後來, 又要mit, 又要掉垃圾好煩, 就改用不用冲洗的cream mask.

 

坐5小時以下的旅程, 我在飛機搽吓aqua gel 都夠. 但5小時以上的, 就要敷吓mask. 唔係出咗乾紋, 起碼要搞幾日.

 

這次去NZ, 機程起碼10小時…我就試吓用ESTEE LAUDER  Advanced Night Repair Intensive Recovery Ampoule (http://www.tastyling.com/?p=8888)…冇敷MASK. 這產品我早前都有介紹過, 主要係用嚟sos. 我看網上好多人試用後, 都話有敷咗mask 嘅效果, 亦能為皮膚減壓. 所以, 飛之前嗰晚, 用一粒, 起飛前, 洗個面, 再用一粒, 再搽番cream. 果然, 成程機, 我好好彩, 由頭瞓到尾, 乜skincare 都冇補過, 落機皮膚都好飽滿. (但我覺得另一原因, 係我有帶口罩, 下文會介紹)

img_0975

另外, 去南島玩了5天…天天放晴, 但又乾, 又凍又曬…對皮膚好大衝擊. 我就係靠每晚用一粒estee lauder, 皮膚總算冇變差.

 

 

鼻子的黏膜都變乾的問題:

幾年前, 我已開始在飛機帶口罩; 只有在飲.食的時間才會除. 我並不是怕機倉的病菌, 而係口罩會留住一點我呼出嚟的水氣, 可以保持到我鼻黏膜濕潤. 但普通口罩, 用在3小時內的機程都夠照的. 但多於3小時, 就會唔多夠…但總好過唔帶 (鼻會覺得乾, 但不會病; 皮膚都會濕潤些)

 

後來, 在日本發現這些放濕口罩, 真的如擭至寶. 主要係將特制的濕紙巾放在口罩的小袋內. 如去到要晚上開暖氣的地方, 我會帶住瞓. 這樣皮膚和鼻黏膜, 都濕潤晒!

 

但用過有比較…. 放濕口罩都有兩種…如這款, design 似普通口罩的….平日帶ok, 但如睡眠時用, 佢會cup 住個鼻, 令呼吸冇咁暢快.

img_5475

而另一款立體剪裁的, 就very good. 點瞓都呼吸暢順.

img_5474

img_5194

young living thieves 精油

雖然這品牌有好多fans…但我對精油這飯冇乜研究, 亦興趣不大. 只係年初, 我百日咳…有客人就介紹我用young living 的精油冲水飲 (佢話唔係隻隻精油都可以飲的. 佢教我 thieves + pepermint + lemon). 可能我已咳得太耐….這並不幫到我….只係倒在熱水時, 啲精油味飄出來, 我聞了氣管就得到一點舒緩.

img_5590

後來再跟用開的朋友傾起, 佢哋話, 最好在傷風初發時用才見效. 咁之後我都有試過….的確, 又小小感覺時, 就又聞又飲….真的止到喎. 不過你要有心理準備, 啲精油好辣的…掂到咀簡直火燒咁.

 

而我個人幾喜歡thieves 的味道, 而thieves 亦具殺菌的功效. 都係嗰句, 我唔係怕機倉有菌 (造人relax d 嘛, 不用怕得太多)….但一個口罩帶咁耐, 總會有啲味, thieves 就可以驅味 (當然你可以久不久換一個; 但睡著了, 又怎會特登爬起身換呢)….另外, 都係喜歡thieves 的味, 聞咗令我氣管好舒服.

 

後話: 飛機倉有幾乾? 在開了暖氣的酒店, 基本上, 我瞓醒, 個口罩內的濕紙巾都係濕的. 但在飛機上, 大概6-7小時, 成張濕紙巾係乾透. 所以, 我要帶兩個去換的.

 

另外thieves 直接掂到皮膚會有灼熱感的….所以不要滴太多落口罩….我會滴一滴在手指; 兩隻手指 “初” 開佢…再抹在濕紙巾的外層 (內層是會掂到皮膚那邊). 這樣味道剛好, 又不會灼到皮膚.