陣子工作忙, 但我又不放棄玩樂. 休息不夠, 已令皮膚不在狀態. 所以趕忙去造lacer facial (我造開的深層去斑療程). 佢可以令皮膚變得有光彩, 但造過之後, 會很乾, 要加強補水. 但造過療程一天後, 我就走去跑馬拉松……喪出汗加比太陽晒到變人乾….皮膚更乾. 之後, 又跟客人去拍pre-wedding ~ 又曬多鑊…..再加最至命的就係隨後即北上了幾天……當地天氣照乾….真係連個天都趕絕我.

基本上那幾天暴曬後回家, 我已即時敷我之前介紹過的sofina 美白mask, 因咁曬法, 加上啱啱又造過lacer facial, 好易會激活啲色素. 連續用了兩天, 好彩啲斑冇乜深色到, 但皮膚總覺得有點癢癢痛痛, 同好乾…搽到我最補的night cream, 都覺乾,.

要多謝KATHY 給我介紹維持健靈出的OS-21 Ice Mask (http://www.vitagreen.com/zh/all/os21/os21-ice-mask). 佢唔講, 我都唔知維持健靈有出skincare 的, 我只知佢哋嘅靈芝丸同寧心丸好得手 (因我時不時都有食). 她說這mask 可以一次過補濕同美白, 抗氧化以及修復細胞. 如配合7day refill 嚟用, 會令效果更明顯. 所以我就帶埋佢北上連用咗7天. “七日美膚法” 就像一個療程, 配合paper mask 及natural water連續使用七天能夠令肌膚完全吸收冰膜內的養份, 為肌膚底層打底

Ice Mask HKD480, Refill pack HKD120

而完成一個七日美膚療程後, 可以一星期單獨使用冰膜兩次, 令皮膚保持淨白無瑕。之後, 則按照自己需要每兩至三個月進行一次7 days treatment。

ice mask 有雪過, 所以上面即覺得冰涼, 只係用過一次, 皮膚的癢癢痛痛, 都減了不少. 用完即覺得好潤. 再用幾天, 都覺得面色均勻咗 (之前曬過出嗰浸 “黃氣” 減少好多), 亦冇雀斑爆發 (看before 的鼻頭的雀斑跟after 的對照, 亦有減淡的). 我是臨瞓前先敷的, 覺得到第2朝, 面部冇以前咁水腫. 最令我意外的, 係鼻位的毛孔收細咗唔少.

我亦試過上妝前, 只用ice mask 敷15分鐘, 之後按幾吓就冲洗乾淨. 上底妝時, 都覺得效果不錯 ~ 貼, 不起泄, 同埋end of day , 底妝都不會變得暗啞. 以下的相係我完成 “七日美膚法”後影的 (有化上淡妝的). 托賴, 我本身的皮膚算是不錯. 變差多數都係外來因素 (天氣乾, 太陽曬, 生病). 正如這開段講, 我之前的確中晒這攞命3點的 “外來因素”. 但今天都見得吓人. 底妝薄薄的已夠好了. 所以要多謝Kathy.

以下係我小小的心得:

1.   用你用7 days treatment, 你係先上ice mask, 再用natural water弄濕paper mask 敷上去. 我發覺咁好浪費, 而且natural water 好細枝, 如吓吓都要濕透paper mask, 可能唔夠用 (paper mask 好大塊的, 連頸位都可以敷埋). 所以我上了ICE MASK 後, 就用 natural water spray 濕塊面. 再用有補濕成份的護膚水濕透paper mask 再上面. 20分鐘後, 拿走面膜再按摩幾吓, 令mask 再進一步被吸收.

2.   PAPER MASK 的鼻位成3角形, 如照 “敷”上去, 個鼻頭咪 “外露了?! 所以我會在頸位剪點 “布”出嚟, 補上去. 反正頸位有好多 “布”, 不會有影響. 但鼻位敷唔晒, 又怎可以達至最佳收毛孔效果呢!!!

3.   不是每隻mask 都可以比你放進雪櫃. 大部份mask 都係預咗比你在室溫下儲藏同使用, 如你硬要將佢哋雪, 會令品質有變, 得不常失. 但BA 都說, 如你雪開的MASK, 就要keep 住去雪. 唔好雪一陣又唔雪一陣, 咁又係會令佢哋變壞.