Tag Archives: 半永久眉之飄眉.霧眉

半永久眉之飄眉.霧眉 (1: 理論篇 ~ 分享如何去選擇啱你的美眉師)

近年, 半永久眉大行期道. 紋眉已變成上一代, 老人家style. 我自己的眉, 天生算係不錯, 有啲貨(但不是超濃密), 眉流順暢, 眉型都ok (只係眉尾有啲太sharp 地向下, 如揚起一點會精神啲). 早幾年, 我化妝基本上都可以唔多駛畫眉. 現在, 老咗, 眉毛好似淡咗, 所以化妝的話, 就要上點眉粉就夠.

但始終貪靚, 始終想素顏時精神啲, 所以, 就決定揾我bbf mama 整吓條眉 (我條眼線都係佢整的). 老實講, 雖然係自中學起的真正好友…如果冇手藝, 我都係 “冇面比”….話晒條眉就係面當眼位置, 瀨咗嘢, 就真係大件事….話就係話半永久, 啲色年多2年會退….但要日日對住條唔順眼的眉….真係好火滾.

所以, 如果你真係要去整眉…咪一味只係睇廣告, 最好有朋友真係去造過白老鼠, 而有ok, 你先好去. 再唔係, 要睇多啲該名師傅的作品同評語.

有啲人話自己唔識化妝, 所以唔知乜嘢叫造靚眉; 我有小小心得 (我唔識整半永久眉, 但我識化妝嘛):
1. 兩邊balance 好緊要. 但有啲人一講嘢就會戚眉戚眼 (我就係la), 有啲人天生兩邊面係高低, 又或者額骨兩邊的弧度不一樣, 都會影響 “平衡”感. 所以, 只要造到你冇表情 (又或者合上眼時, 基本上平衡就ok). 另外, 如你有這些問題, 條眉啲色唔好上得太深….以求 “冇咁顯眼”同 “不要凸出問題所在”.
2. 眉要有立體感: 眉頭要鬆, 啲色要輕….之後漸漸加強到眉尾要實同要尖
3. 眉山要就面型, 亦要就到額骨的位置. 起不起角, 就自己喜歡
4. 不要盲目跟潮流, 眉型係要啱自己面型. 早前大熱的一字粗眉, 其實唔啱面圓圓的人
5. 眉色最好襯到膚色和髮色 (總之攞個平衡)

又講吓唔同嘅紋繡, 有乜唔同 :

紋眉: 顏色會落入皮膚真皮層. 早年的用色可能帶金屬成份. 所以上色後, 就係 “永久”, 但顏色耐了, 可能變成藍藍灰灰和暈開. 而且立體感欠佳.

霧眉: 就如你平時化妝, 畫上眉粉的感覺一樣…可以造到輕重有序, 非常自然. 但個人認為, 這是對有眉毛的人比較合適. 色乳多是不含金屬成份, 並且有很多色系可以選. 顏色只會落到表皮, 都是有點創傷的(但不是流血那種), 所以會結焦. 現在還有造到類似效果, 但聲稱不結焦的氧氣眉.

飄眉: 用的色乳和創傷的深度, 都和霧眉差不多. 只係師傅會畫出一條條如本身眉毛一樣的毛髮. 要畫得毛流美美的, 就真是要功力和美感. 這適合本身眉毛不多的人. 而且, 想要再精緻一點, 可以霧加飄混合.

我去造眉之前, 都特別留意FB 的廣告和化妝師所造的眉, 甚至看看朋友的例子.

我發覺, 瀨嘢係好常見:
冇錯, 造完時, 係會深色咗啲. 到結焦時, 就再深色啲…………但點都好…….一造完, 就算深色, 你都會見到深淺虛實的…….往往見到一些剛造完已似畫上marker 一樣, 邊位又會暈開的 (可能是太用力, 啲色已入了真皮)………我就係有幾個朋友, 霧眉變紋眉….眉頭又畫得太實……..幾年都甩唔到….有啲搞到要去醫生處, 用lacer 洗…….痛就梗架…連本身啲眉毛都甩埋嗰吓悲壯.

好的美容師, 會因應不同客人的面型和喜好, 去設計出不同的眉型. 所以, 你選的美容師的profile 裡, 會有不同的眉風….不會千篇一律, 所有人都是一樣樣

如去瓢眉…真係要流意 “毛流”, 不會是條條如用間尺畫出來, 死死實實的….毛距不會太開 (你基本上可以數得出佢畫了幾多條); 但太密, 一pat 的都是不好.

最後…..真係唔好貪心…….如你第一次去….情願用色盡量淡一點…..真係瀨咗嘢….甩都甩快啲嘛………..合作過, 你對佢有信心, 咪補色時, 先加番多啲色. 反正, 造完眉, 你幾淺色都會有個型….你早上畫眉時, 攞眉粉fill in the blank 都好easy la.

同埋, 就算夠色…..造到你素顏時, 啱feel 就好…….你化妝時, 自己fill in the blank la. 否則….冇眼妝, 但又有條勁眉……你真係好小虎架la.

我這趟只係造了霧眉

 

如平時去造運動….又要靚….眉都唔駛畫, 眼線我都有….但只要略略拉長尾位就得 (因眼線時尚永遠在轉, 所以造半永久眼線就不要畫得太長…留啲空間去造改變)

後話:
下一篇, 就係過程分享, 同我甩焦前後記錄