Dr Arrivo Ghost Premium

呢架, 肯定係我買過咁多美容機, 最貴的一架. 我都用咗3-4星期. 可以講吓心得.

格價比較

如果冇任何折扣下, 在日本AMAZON 買係最平. 平香港3千幾. 值得一提的係, 如果係紅色機身, 折合HKD9000 左右, 仲有一枝$14XX 的SERUM 送. 但淺金色的就成HKD9700, 又冇SERUM. 而我冇再去研究, 為什麼日本有這價格上的分別 (我問咗香港FORTRESS, 佢哋話, 按道理, 紅色係特別版, 會貴啲先啱 ~ 不過香港冇); 而我又真係唔敢拍心口, 話紅色同淺金色一樣 ~ 因我在網上看介紹, 個個都用淺金色.

另外, 就係運費, 大概2000 YEN; 而咁貴的產品, 我多數SUGGEST 加個保險….所以, 你預加多$250 運到香港. 不過, 你放心, 就算在日本買,  係國際電壓, 所以香港適用. 而說明書, 日本買的應該有英文說明. (我在香港買, 所以, 另加一本中文說明)

我結果係在豐澤買 (淺金色). 未折係 $13xxx, 但當時, hk dealer 造20% off, 再加citi bank credit card promotion, 埋單$98xx, 但有serum 同1年保養. 所以我覺得抵過在日本amazon 買. (嗱, 不過你日文好, 又可以confirm 到, 紅色機的功能一樣, 咁日本買係$9000 + serum, 咁係最抵)

GHOST vs GHOST PREMIUM

朋友好好, 先借了她的ghost 比我用了一星期. 但她在日本買, 說明書唔見咗, 她只口頭教我用UP 這FUNCTION 已OK.

其實後來入了GHOST PREMIUM, 看了說明, 應該係先用MFIP, 再用UP. 合共10min; 效果會好好多. 就咁造UP, 造完唔係太大FEEL….係FIRM 咗啲啲啩. 但加埋MFIP, 造完塊面底層會熱熱哋….第2天, 皮膚的質地, 會好好多.

另外就係, 我用朋友的機時, 搽的SERUM 唔夠濕, 所以影響了導電效果 (所以, 影響了整體效果)

但GHOST PREMIUM 比GHOST 勝的

GHOST 有個唔等駛的MP3 FUNCTION (鬼會聽佢啲歌). 但GHOST PREMIUM 就用EMS Function 取替了MP3. EMS 係每天可造的保養功能. UP + MFIP, 係1星期2次就夠.

另外, GHOST 機側有 +/-….又係廢的…基本上, 你無論加定減, 都無影響強度. 所以GHOST PREMIUM 係免去這多餘的東西.

而我, 係主觀地覺得 GHOST PREMIUM 能量勁啲, 效果好啲 (其實, 可能係我睇了說明, 用對FUNCTION 而已)

DR ARRIVO SERUM

仲有, 佢哋枝堪稱 $14xx 的serum, 好普通, 唔駛一定買佢先look 到機.

要架機導電, 你塊面一定要夠濕.

以我大面人, 如只用佢嘅serum, 真係1次用半枝都唔得掂

所以, 我有以下的cheap 方法:

  1. 先用貴serum 打底 (你可以用佢的, 又可以用自己的)
  2. 再開包多serum 汁的paper mask
  3. git 出多餘的serum 在一個碗仔 (我會再豪華啲, git 多幾滴正常serum 入去)
  4. 塊面一乾就補mask 的serum

look 完機, 再敷埋張paper mask! 真係不得了

使用方法:

  1. 一啲都唔難, 亦唔煩.
  2. UP + MFIP, 係1星期2次, 每次加埋10分鐘就夠.
  3. 每天的EMS, 連10分鐘都唔駛 (但我冇每天造)
  4. 同埋真係唔駛一定用佢哋嘅SKINCARE 配合….這點我LIKE

缺點

造機時, 唔舒服的. 佢有4度比你教, 頂唔順, 就教弱啲…….我都係面珠同頸頂到3度, 其他位, 2度. 太強, 係會好拉扯, 有啲痛, 㓤㓤吓又痹痹地.

說明書教, 如果你頂唔順, 可以開VR (震動MODE, GHOST AND GHOST PREMIUM 都有), 可以冇咁難受. 不過我不需要.

另外, 就係機頭比較大, 造眼位就差小小.

用了3-4星期的效果:

  1. 我有覺得皮膚firm 咗, 彈性同光澤感都有改善
  2. 冇話造完覺得皮膚乾
  3. jaw line 明顯咗; 眼袋位firm 咗
  4. 頸紋有小小改善
  5. 唔煩,每次10MIN 已足夠. 反而唔好貪心多造.

仲有一點我要分享, 雖然造咗ghost premium, 塊面會firm 啲….第二朝起身, 塊面都冇乜水腫. 但這僅限於你身體好的日子; 皆因上兩星期, 我病咗, 又瞓唔好….就算晚上造咗機, 第二朝都係面水腫. 不過, 如早一晚用UP + MFIP, 效果會比EMS好啲.

佢係貴, 但你咪當佢好似打咗醫生機HIFU或THERMAGE 咁…….嗰啲療程, 幾萬一次, 你唔好以為一架家用機可以造到同樣效果囉. 不過, 佢可以比美, 我在美容院, 造普通FACIAL 另加的修緊療程 (差不多 ON TOP 加$900一次架; 所以, 有佢, 以後唔駛加這療程)

再總結吓, 我以前買過的美容機

HITACHI ~ 佢嘅導出FUNCTION, DR ARRIVO 係冇的……所以, 我仍會繼續用HITACHI. 我嗰架應該係第一代, 用足咁耐仲好好, 真係回本!!!

DERMAWAND ~ 佢$8XX, 真係性價比好高. 如果你唔捨得買DR ARRIVO, 你可以考慮佢. 我自7月開始用佢, 唔係即時見效, 係日子有功. 我發覺條頸啲皮冇咁鬆, 眼袋都冇咁腫. 尤其晚上造完, 第2朝, 係冇咁水腫. 不過佢係要每天造3分鐘. 不過, 對膚質的改善, DERMAWAND 唔明顯.

咁講LA, DR ARRIVO 係坐TAXI, 好快到目的地. DERMAWAND, 係坐電車. 我到今時今日, 唔用DR ARRIVO的日子, 都係會造DERMAWAND (佢個頭細, 貼眼好多)

NU SKIN SPA 機 ~ 算吧LA, 已送了比人. 一來煩; 2 來, 要用佢嘅PRODUCTS, 加埋都好貴. 效果未算傳說中咁神! (可能真係要唔怕煩, 造得好密先得) (講起佢都把幾火, 所以我冇同佢影過相)

KOREA HIFU ~ 都係煩….每次要30MIN 起碼….又係送咗比人.

2 thoughts on “Dr Arrivo Ghost Premium

  1. 唔該晒你ar, Tata. 啲機多到眼花撩亂。真係易用有效都好重要。聽講Ya-man都幾好,簂睇中左EMS面膜同眼膜,好似口碑唔錯。

    1. YAMAN 又真係好出名. 我早年都買咗佢嘅冷熱機. 你都睇啱好多嘢! 比我仲狼呀 !!! 不過, 買咗, 最緊要KEEP 住用. 而我發覺, 只要 “療程”唔煩, 我先會用.

Leave a Reply