MY ARMANI TO GO THE CUSHION + ECSTASY SHINE

以前用的CUSHION 產品, 都係韓國貨. 這一兩年, 很多歐美大牌子都推出各款不同功效的CUSHION.

首先要講吓, on general, cushion 係方便, 一步就造到妝感, 防曬, 並有點護膚功能. 但我唔覺得佢可以代替粉底…….因粉底的色系和質感更多原化, 所以妝感可以造得好細緻……你看看, 專業化妝師, 都偏向用傳統粉底同你造底妝就知一二la. 不過, 講到日常返工妝, cushion 真係造到快.靚.正. 總之各有長處.

這季, ARMANI 都出了一系6色的CUSHION….究竟又如何呢?

   

佢產品中文名叫: 絲光輕透氣墊精華粉底……就知到, 佢sell質感輕盈, 加入護膚精華, 能修護皮膚並有補濕功能; 同時有不錯的遮瑕度, 但又不失透亮感.

仲有佢嘅POK 係特別設計 ~ 有兩側係平的. 咁你就可以輕易印到眼角和鼻翼位.

看我的before n after


佢可以令膚色一下子就均勻好多, 重覆輕按同一位置 (下巴的紅色暗瘡印), 就會增強遮瑕度.

 

我喜歡底妝薄, 看到皮膚的質感 (情願放棄遮瑕度)…因這樣的妝感, 最自然.

好多人問我, YSL, NARS, 同ARMANI 的CUSHION, 那者比較優勝, 我個人有以下見解.

首先, YSL 我冇用過….不能致評.

NARS AQUA GLOW CUSHION FOUNDATION SPF 23/PA++ (http://www.tastyling.com/?p=9306 )的防曬功能一樣 (亦同樣有6隻色), 但NARS 的感覺會RICH 同creamy 啲. 佢都係有護膚成份, 主sell 抗污染物和抗氧化.

亦因為佢厚身一點, 所以遮瑕度會比armani 高. 如你想造完美陶瓷肌, 佢會滿足你多一點. 但如果你喜歡看到多一點的皮膚質感, 就armani.

我的皮膚係乾底, 但夏天用NARS, 我要上點碎粉去定妝. 但上ARMAN 就好舒服, 唔駛定妝都OK. 同埋我個人覺得 ARMANI 夏天用, 會比較啱我 ~ 所以我亦認為, 如果你係油性皮膚, 會用ARMANI 好啲.

但如果去到冬天, 或要去一些乾燥的國家, 咁NARS 會啱用啲.

另外, 我仲想講吓佢同我另一隻愛用的Balina Co White Wedding SPF50+ PA+++ cc cushion比 (http://www.tastyling.com/?p=9166 ) . BALINA CO 的遮瑕和防曬, 係3者中最強; 但佢可以揀嘅色係最少, 就算揀到最黑嗰隻, 都係偏白. 但我喜歡用佢 ~ 尤其去旅行時, 貪佢夠防曬, 又又妝感 (但唔可以成面搽 ~ 會又白又厚. 我首先會成面搽有潤色功能的防曬, 再在眼下的3角位, 額頭, 搽BALINA CO). 佢唔會浮, 就算溶都冇有怕. 仲有, 佢價格係3者中最平的 (所以, 去旅行用, 如有唔見, 被其他行李壓爛, 都唔會太肉赤).

所以, 各有各特色….你要看看自己的膚色, 膚質 + 荷包負荷去缺定.

在8月時, ARMANI 仲出了ECSTASY SHINE 唇膏, 共18色. 佢都係有護唇功能的同時, 顯色度不會因此減低. 搽上咀的感覺很細滑. 佢有一點香味 (我對唇膏香好敏感), 但好在, 只係聞到香味, 不會 “食”得到味道.

我自己心水係

左: 400 FOUR HUNDRED
中: 200 SILENZIO
右: 505 ECSTASY

Leave a Reply