升呢造人妻後

我梗係好 “照顧” 我隻熊貓老公

我梗係比好多skincare 佢用架 ~ 就快過期或過咗期冇耐嗰啲或自己唔會再用嗰啲….

其實我哋拍拖嗰時 (為求樹立”好女友”形象), 都有買過一set 男士專用的skincare (face wash, serum, eye cream, toner, lotion 乜都有) 比佢…..到結婚時, 佢係原set 搬番過嚟…只係用咗洗面膏同兩滴toner…其他基本上冇乜用過….所以, 都費事再買比佢 (阿叔, 你用我啲過期貨吧la)

雖則男性皮膚看似比女性的 “堅強”, 但實質係比女性更敏感; 總是外油內乾…加上長年疏於護理, 問題就更嚴重. 仲有係, 明明面氾油光, 佢哋仲會好 “堅定” 咁同你講 ~ 這是天然cream, 乜都唔駛搽都夠潤 (反白眼).

一般男士都只係覺得洗完面就夠. 另一些, 就會覺得, 搽太多產品好煩, 有啲就會話產品太笠同埋啲香味唔對路 ~ 用完成個女人咁. THREE 出的男士系列, 以專精油為首, 融合植物油和植萃精華調配而成, 質地清爽…我最like 係佢好正的香油味 (係清爽又relax的草本香味, 絕不女性化的). 一set 好簡單: foam, lotion 同emulsion. 可以提升皮膚水份從而減少皮脂分泌, 並增加皮膚彈性.

左 ~ THREE The Definitive Foam: 能帶走污垢和多餘皮脂; 平能溫和地去角質並改善痘痘問題

中 ~ THREE The Definitive Lotion: 瞬間補水同時抑制油脂分泌, 令角質回復平滑. 可當鬚後水用.

右 ~ THREE The Definitive Emulsion: 質感絲滑, 防止皮膚水份被蒸發, 並能阻擋外界的傷害物.

這系簡單但功效齊全, 所以我就豪比熊貓用吓; 佢今次又乖喎, 每天用….可以見到佢面部明顯冇咁油, 有些新出的粒粒過2-3天就會消失. 整體皮光肉滑咗好多….成個人企理晒!

後話:

啲男人用skincare 真係好慳…用咗成個月, 都係用得嗰dd , 叫佢用多啲佢都唔肯; 不過, 起碼佢記得天天用就好 (佢只要用完, 我就會聞到嗰陣好正的香味 ~ 真係好喜歡嗰隻味)