Coffret D’or 新品

我對於Coffret D’or 的胭脂好感度很高. 當佢第一次推出玫瑰胭脂時, 雖然press kit 有送我橙色, 但我覺得實在太靚, 所以自己去專櫃買埋粉紅色. 因佢搽出嚟啲色好自然…則邊比較淺色的部份用嚟造highlight 又得, 亦可以令蘋果肌變得特別飽滿, 氣色好, 但又唔會係反晒光嘅銅人feel.

 

記得有一次去等朋友造facial….老板娘見到我, 走過嚟問我:小姐, 你用咗乜, 啲皮膚咁靚咁有光澤嘅? 當時我就係用咗Coffret D’or的玫瑰胭脂. 同佢講完, 佢即時冲落sogo 買.

 

其實這胭脂另一賣點, 係佢個掃, 質量相當不錯; 亦相對好多跟胭脂附上的掃, 大一點. 那你搽出嚟, 啲色會均勻啲. 當然, 如果在家, 我都係會用自己大一點的胭脂掃, 效果更好….但出去旅行, 補妝時,佢係非常用得過. 另外, 瑰胭脂加入了保濕成份, 令胭脂同皮膚更貼服.

 cd_oct16_01  

這季出了兩款限量色, 一隻17 SOFT PINK, 一隻 180 STRAWBERRY PINK. 我用的是17, 佢相對以前的01 PINK, 深色小小. 深小小會多啲修容效果, 但你哋放心, 這系列的胭脂都係自然風 ~ 深極有限, 唔會令你變紙扎.

 

而另一樣價錢抵質量佳的係佢哋新出的Moisture Aura Base UV SPF25 PA++. 雖然佢一上面, 會比較紅潤和光澤感很強; 但只要你待一會, 等佢同皮膚溶為一體, 你會發覺整塊面的光澤度和紅潤度剛好. 雖然SPF25 PA++ 唔夠你出戶外用, 但平時用就足夠的.

 cd_oct16_02

平日我唔想化妝, 但又想有啲睇頭…我會搽點Moisture Aura Base在眼下的三角位, 下巴和鼻樑 ~ 這樣看起來, 不但氣色好, 輪廓會更有立體感. 我唔成面搽, 係因為我面大, 而光澤感會帶出 “凸和放大”的效果; 亦相同原理, 我就算局部上, 都唔會搽額頭位, 因為我本身就凸額的嘛.

 cd_oct16_03

 左: 只搽了base 和一點17 SOFT PINK

右: 都係搽了base, 沒有粉底. 因化了點眼妝, 17 SOFT PINK加強了一點

 但如果之後我會搽濕粉, 整個底妝都會造…那, 我會整塊面都搽. 因粉底自然會壓低光澤感….不會over. Moisture Aura Base的光造得很自然, 它會柔柔的從粉底透出來, 仿佛係你本身皮膚的光彩. 而且這base 有不錯的保濕力, 會令底妝更持久.

 

10 thoughts on “Coffret D’or 新品

    1. 都係膽粗粗, 搏佢有7小時, 希望可以行.”瀾”.跑. 完成就ok…唔完成, 都叫體會過.

      我家熊貓會一齊去, 再加另一pair couple…應該好好玩.

      因我體弱..現在老師叫我行多啲山練吓耐力先….仲要減肥…(我結婚都冇減, 現在居然要減…不過唔會太難為自己)

    1. 我都唔知 ~ 到時盡力而為; 但我同朋友講定先 (因佢會陪我跑, 叫我比熊貓同佢老公一齊搏老命), 如果我真係中途決定放棄, 唔好阻止我…..最重要係, 我唔多介意自己能否完成….我只係唔想跑到病.

      兩年前TRAIN 去日本 (第一次嘛), 我一星期要睇一次醫生….病到落晒型 (簡直影響生活). 上次去金門跑半馬, 真係搏老命攞到PB…但跟手又嘔又病又抽筋…搞足1星期 ~ 何苦呢….

      今次, 唔會唔練, 但唔要病, 唔要筋膜炎.

  1. Tata, 你嘅定位完全正確,量力而為啦。我自已跑全馬定嘅目標係1:跑得完,2:唔好跑傷。所以都有少少策略,如練跑時感覺到少少唔妥會調節操練休息,出賽時放開跑,check時間間距都好寛松,過左30k後比自已行下咁。備戰全馬已經係一個好tough嘅經歷,PB對我已經唔重要了。不過你有教練train會嚴謹啲,成績應該會好很多!我自已烏下烏下self train咋,出賽又係一個人孤零零,不過好在冇教練同跑友嘅壓力囉!
    你take it easy啦,德島涷啲容易散熱會不自覺跑快左,反而要控制速度唔係反而會跑傷。練全馬真係比半馬難好多倍,就算下決心去出賽都已經不簡單,所以要鼓勵你,加油!

    1. 我志在完成…完成唔到都冇問題 (其實純粹去玩). 我知要控制速度, 一定唔可以比自己爆…所以, 我諗住開8分…warm up 咗, 頂多去7-7:30…我雞, 一去到6分幾pace, 只可以頂到半馬…一滴都冇得淨.

      目前慢慢加里數同行山….嚟緊有街馬, 渣馬同背水…..盡造la

    1. 都係同跑友柴娃娃去玩. 但渣馬係情意結 = 每年跑步的終極成績表

      街馬氣氛好; 背水第一次去 ~ 朋友話好玩喎.

Leave a Reply