2016日本賞櫻之旅

先得聲明, 雖然出得埠多, 但我絕非旅遊達人…..因我最憎要自己plan 行程, 之後又要揾地方, 趕車, 又要攞住啲戰利品行回酒店……..所以, 向來, 我都喜歡參加旅行團….上車瞓, 落車玩….乜都唔駛諗.

 

再唔係, 我就跟朋友去, 反正我堅冇要求, 佢哋去邊就去邊. 再再唔係, 就join 啲day tour 玩幾日, 其他日子自己hea. 所以, 咪以為我去咗咁多次日本好熟路, 其實我盲到不得了.

 

話說, 之前都去咗日本3次為看櫻化, 但到這次才真正看得到. 以前, 一係在香港join tour, 一係去到日本join day tour…結果都係天氣特變….啲花冇晒….但行程一早set好,只有硬食睇樹葉. 但今次,因要追櫻, 所以真係要幾手準備; 為了彈性處理. 真係由頭到尾都要靠自己.

 

所以, 睇櫻花係睇運氣, 雖然日本的櫻花預測造得好完善, 但特然的惡劣天氣難妨…..我這trip, 其實都係上年book 落…我係睇番以往開花日子, 再夾夾job 期, 避開大節日, 就go.

 

睇咗幾個web, 我個人認為這個forecast 最易明, 又可以click 入去每個地區再細看花况同天氣. http://sakura.weathermap.jp/

sakuraweather_01

我這hea 精因費事煩, 全程住東京, 跟住就在sakura.weathermap 睇吓東京周邊啲花期…啱咪坐車去睇. 當時, 就鎖定東京市內 (應該冇乜花, 但都要在市內玩吓), 熊谷(應該盛開中), 同仙台 (諗主一路向北, 總會中的). 跟住我哋再search 吓當地市內有乜賞花熱點, 以最近車站的地點為佳.

 

但值得一提的係開始開花都冇乜睇頭, 滿開亦即係開咗80%….其實滿開後的2-3天最靚 (但如果你唔好彩, 遇上大風大雨, 就一夜間, 乜都冇).

 

跟住, 我就問了幾位日本通的朋友攞料…..朋友即時比咗好多賞花地方我, 仲教我買JR PASS, 又教我去到如何搭車. 而本來唔諗住去福島…怕輻射嘛….但兩位朋友早已去過, 仲好生猛….當中推介了花見山….真係聽個名都知有料到….所以唔怕輻射, 去LA….另外…我去的地方, max JR 車程2小時 (多過2小時就唔會考慮)

 

買JR PASS: http://www.jreast.co.jp/tc/index.html

JR_02

真係不得了…我買了5天任搭 (14天內, 可自選5天使用). 而在外國上網買, 係19000yen. 去到日本買就20000yen.

 

上網買咗, 就print 低receipt, 去到日本的JR專櫃攞証. 朋友亦特別教落, 攞PASS 時, 順手MARK 埋你要的預定席, 就包保有位坐.

 

為了清楚顯示我要邊班車, 我直情PRINT OUT  “乘換案內” 個APPS 揾嘅時間表比佢地睇…包冇搞錯.

JR_01

 

成程, 我哋每人車費起碼60000YEN….真係回晒本!

 

 

乘換案內” APPS

IMG_8008

朋友仔真係好介紹…靠佢, 我哋冇坐錯車….你只要入你起點同終點…佢就會比好多選擇你….我當然揀最快的. 因日本, 就算在同一個月台, 但唔同時間到的車, 可能會去唔同地方…….所以咪以為同香港一樣….去啱月台, 係車就上.

 

但係呢…我都唔知點解, 同一個APPS, 蘋果機同ANDROD 機啲資料有小小出入…..好明顯, ANDROD 機的界面更清楚….有時SEARCH 到的班次, 會比蘋果機的班次快.

 

不過, 當你要搭新幹線, 就最好搭早一班搏腳車去. 因有天落雨, 我地要由新宿搭搏腳車去大宮搭新幹線….但天雨令搏腳車遲咗, 所以我地走咗班新幹線. 雖然有PASS, 你唔會蝕錢, 又可以即換飛, 但我地就要等成1.5HR 等第2架新幹線.

 

 

買上網sim card

以前都係租蛋, 跟住幾個fd share. 但學日本通朋友話, 如分散行, 就只有蛋主一人可以上網; 而回到香港又要去還.

 

買card 就乾手淨腳, 去鴨寮街買, 都係幾十, 用足7天. 好處係, 我這路盲走失咗, 或買到失心瘋, 都可以打個wifi 電話比我的熊貓嚟揾我…..而佢又可以揾個位坐吓打吓機等我shopping.

 

 

總括成個TRIP, 我覺得最靚的3大:

 

第一位: 熊谷堤櫻 (由新宿去熊谷不用1小時; 再由JR站行15MIN)

100%盛開, 好幾公里都係櫻花加油菜花. 好多人在提邊的草地野餐, 我哋都買咗便當去食. 都係local 居民, 人不多….你可以慢慢enjoy. 而特定區, 有小食檔添.

IMG_7253 IMG_7317 IMG_7347 IMG_7371 IMG_7375

第二位: 福島花見山 (由新宿去2小時. JR 站有花見山專線巴士直達 20MIN)

就如介紹所說: 世外桃園. 佢係一個小小的農村….但滿山滿地都係花. 除櫻花, 仲有桃花, 梅花, 臘梅, 茶花…好多, 好多. 入村後, 按指示, 可以登山…路不算難走, 大概1小時. 愛花之人不能錯過 .

IMG_7560 1 IMG_7593 IMG_7597 IMG_7598 IMG_7600

佢本來可以是第一位的, 但我們去之前一天, 下了場大雨, 將好多櫻花打落了.

 

 

第三位: 新宿御苑 (我由酒店行去, 20分鐘)

我最估唔到, 係去到東京仲有花….而御苑啲花係盛開. 當天仲去了吉祥寺, 千鳥之淵等….但啲花已開始落.

IMG_6968 IMG_6969 IMG_7007 IMG_7050

因公園超大又有好靚的草地…..所以唔會覺得好逼….我哋慢慢行咗好幾個小時….大樂也.

 

Leave a Reply