這是一隻剛打入香港不久的德國品牌……我這敗家精點樣識佢嘅 ~ 皆因有天, 貪心的小狗收到harvey nichols 的電話, 話有個vip 夜, 有free gits, 有buy 1 get 1 free……..我都未聽清邊隻brand (因未聽過REPACELL, 所以 “聽”咗都唔知係乜), 已即時LUR 飯應. 其實我又唔係時時幫襯HN, 但偶爾, 都抽到VIP event…..去到攞番件free gift 都回本…..而且仲可以帶朋友去, 一齊造貪心的小狗.

去到, 就送了一枝安瓶size 的serum + 幾包cream 的sample (心裡不禁有點失望, 真係經濟差咗)…..但後來, 試試啲產品玩吓….原來嗰枝安瓶, 一盒得5枝, 要成$26xx, 即差不多$5xx 一枝….nanana…即時覺得開心番 (真係好現實和貪心)

BA 話1枝SERUM 都用到1星期 (早晚用). 感覺好輕柔, 吸得好快, 即時已感覺到皮膚好滑, 但唔油的, 反而有點 “爽爽”的感覺. 但就算BUY 1GET 1FREE, 我都係唔捨得落手住. 而BA 亦推介了佢地的EYE CREAM….BA 話自己親身試過, FIRMING 一流. 我當時都係試在手, 感覺超爽滑, 好貼的, 搽咗上去, 一點油膩感都冇. 而且個價位OK, 所以就同朋友一人一盒, 都只係每位$900 (不過有20ml, 用開的cdp eye, 得15ml, 但要$2300)

其實, 對任何新牌子, 我最有興趣係會先試佢哋嘅mask, 但repacell, 冇乜mask 的, 只得一pack (好少份量)….仲係天價 (BA 話, 係比人救亡用, 不是ROUTINE 用的). 另外, 佢哋嘅SKINCARE SERIES 都相對簡單, 冇分day or night cream 的, 都係1瓶早晚用. 朋友都睇啱咗隻cream, 咁我就同佢share 埋 (大概每位 $8xx).

回家看看佢地的產品介紹, 其實成條line 都好簡單吓, 都係serum, toner, cream 這些standard skincare, 主要都係令細胞重生, 回復青春和緊緻. 最令我一試愛上果然係個eye cream…..用咗不到1星期, 已覺得眼週的肌膚緊緻咗. 最喜歡佢即時帶比我嘅爽滑感覺….就算上妝都唔會kik. 另外…佢係就咁搽就得 (cdp 要配合按摩棒去按幾嘢…雖然都係幾嘢, 但當你好疲倦的時候, 都會覺得煩). 但有冇BA 話到咁神, 收到眼袋….我又未見到喎….係FIRM咗嘅 ~ 這我好面對現實的, 眼袋始終係脂肪, 除非你去割走佢先會冇囉. 一般EYE CREAM, 造到FIRM 啲, 冇咁浮腫以係達標了. (同買咗嘅朋友傾過, 佢都話隻EYE CREAM 有料到)

個SERUM 都好得, 用完都覺得毛孔細緻咗, 同埋彈力好咗. 最好係, 佢唔油膩但又造到油膩產品的效果. 而CREAM 呢, 都不錯, 但又未到 “一見鐘情”的級數.

隻EYECREAM 真係令到我欲罷不能 ~ 老實講, 如唔知BUY 1GET 1 FREE, 我係願意比ORIGINAL (佢比CDP 平)…..但買過BUY 1GET 1 FREE, 又覺得比正價好肉赤 (自己都覺得自己幾衰吓)…..但記得HN 當初話這月REPACELL仲有VIP NIGHT, 雖然我已攞咗FREE GIFTS (不能再攞), 但都可以把握最後機會BUY 1 GET 1 FREE……..所以我星期5就去補多次貨 (要去central HN Repacell counter, 6-8PM; 冇invitation, 都可以buy 1get 1 free架).

其實SERUM 都LIKE, 但係我仲有好多好SERUM…..所以內心的天使同魔鬼仍在爭鬥中.

後話 ~ REPACELL VS CDP

話說回來, 我用咗cdp eye cream 好多年, 佢都算係好啱我用的品牌. 但真係貴, 所以我晚上先用cdp eye, 早上則用別的品牌 (但為了試 repacell 的功效, 我連續2-3星期, 早晚都用佢).

到目前, 我都係覺得CDP 有料到, 但亦係上文有所提及, 因佢係咪都要用棒仔按摩幾嘢, 所以, 有時我懶得按, 就索性唔用佢 (這樣造, 又的確令效果冇咁好). 另外, 已用了CDP EYECREAM 3年有多, 亦係時候揾啲新產品衝擊吓, 免得對cdp 習慣咗而變成no feel.

反正, 我依然唔會用死一隻品牌,  除非要試效果, 我先會連續幾星期用同一隻產品. 所以後宮仍有3000佳麗, 比我按需要去寵幸.