我的Pre-Wedding @ Palau Weh

Palau Weh係印尼的一個島, 因為係山卡la, 要轉內陸機再坐船先入到去, 所以未被污染, 係潛水嘅好地方. 這地方對我哋嚟講, 好有記念價值, 估唔到結婚前可以再去, 所以就拜託幾位會影相的團友, 同我哋影番輯, 留個念.

 

事前, 我唯一要準備的, 就係上淘寶買件婚紗. 經朋友介紹 (她那件淘得不錯), 就去了天使的嫁衣: http://tianshidejiayi.taobao.com/  , 買了件人仔二百頭的婚紗. 朋友比咗好好嘅意見 ~ 就係盡量揀tube top + 後面綁繩的 ~ 可以大大減低唔啱身嘅機會.

weddinggown

但我希望揾番件同我的vera 有啲似嘅款, 所以就揀咗佢…..但實物同相片落差好大 (cutting + material 都係兩碼子嘅事, 條拉鏈好弱, 真係驚佢會爆開) …..不過只係二百頭, 你想要啲乜?! 影相ok咪算. (不過, 如果聽從朋友意見, 的確可以避免我以下的問題)

 

雖然佢有size chart, 而我亦有比多次我嘅size 佢 ~ 因我比較高, 要長啲 + 胸位要細啲….在網上跟廠家聯絡時, 佢哋話可以同我改…..當然, 嚟到時, 就冇改 ~ 婚紗吊腳的 + 胸位造得太高, 好怪. 雖然佢有好多紙口位比我改, 但我cheap嘛, 唔想比多幾百出去改, 反正只著一次. 好在有朋友係家政高手, 同我用絲帶去駁長肩帶位 + 用線鎖緊胸口位, 成個效果就好好多.

 

去到, 梗係日日潛; 但團友都好有心, 利用休息時間, 同我哋影咗兩次. 第一次, 可惜水退, 但影到好靚的日落.

__ 2

__ 3

但第二次, 潮漲但就作落雨, 所以天色麻麻. 但都將好多珍貴的片段留下來.

__ 1

 

自從開始搞結婚啲嘢, 事事順利 + 可以省好多, 都係多得各方朋友出力幫手. 所以, 我跟他都是幸運兒.

 

__ 4

2 thoughts on “我的Pre-Wedding @ Palau Weh

  1. Tata, 很自然很靚喎。Btw, 我見到Amazon 有賣Sublime Instant Lift, 好似你先前提過另一隻差不多。你可以去youtube睇下。

    1. 我都响fb, 見到類似的產品都越嚟越多…..

      曾經有過一刻衝動想去造埋線….但係怕死又怕痛, 最後都係算la. 目前造多啲護膚, keep好啲皮膚先….到時, 再拜託攝影師同我photoshop 吓啲相, 好過節食+整容.

Leave a Reply

Your email address will not be published. Required fields are marked *