2014 Kasumigaura Marathon (前篇)

記得當年在新西蘭讀中學時, 我最怕就係一年一度的 cross country run. 冇得揀, 全校都要去….跑5公里左右, 但要跑過小河流, 泥濘, 再穿過幾個牧場才回到學校. 因當年都起碼160lbs, 跑不到100米已想死, 仲要條路很崎嶇;  跑(行居多)完已十足走完難咁……相當辛苦.

 

就算回到香港, 開始regular 去gym, 但永遠都唔會跑. 都係跳堂+造weight training; 頂多去行山. 如是者, 3年前, 教練提議我去試吓跑10k渣馬…就係咁, 開始接觸跑步這玩意.

 

跑步, 可以話好易, 你有對腳, 有對跑鞋就可以自己隨時去跑. 但亦可以好難, 如你要跑到指定的步速, 距離和時間. 其實, 以前3年, 我只係由跑唔到500m 練到跑到10k…但真係慢到呢…夠胆死9-10分鐘1k (其實同行路差唔多). 跑完10k 就要瞓足幾日回魂.

 

但都3年la, 跑極都係咁慢 (什至越跑越慢), 又真係過意不去…所以上年就跟朋友參加跑步班…..阿sir 每次都chur 到我哋似隻電兔咁, 係咁跑, 衝時間…..真係比死更難受. 但慢慢, 的確發現, 步速有改善. 但我這休閒型的人, 都只係隨心去跑….反正渣馬都係1年後嘅事, 目標都只係1小時左右完成10k, 唔駛咁chur la;

 

有天, 一位gym 友都跑開步的, 話佢個跑會搞一趟去日本東京土浦跑17k (即10里)…. 土浦這馬拉松, 當然比不上東京和大板那個咁盛大和有名氣….但勝在有全馬以外的選擇. 機會難得, 所以我口快快答應. 後來才發現, 大鑊la, 跑多平時7k原來都幾係喎, 仲要一開波就上斜路 (從來未跑過上斜)… 香港嗰啲cert, 我向來唔志在. 但這趟不知何來的火, 好想要土浦張cert. 但要攞cert, 時限比香港的賽事嚴 ~ 以我當時的步速 (10K最盡, 都要8″30 的龜速), 冇可能17k全程造到6″30 – 7″pacing law

 __

就在農曆年後, 開始喪操 ~ 教練以操半馬的standard 去教我地. 1星期起碼5天:

l   2天4-5k + weight training

l   1天跑interval ~ 大概10k (速度練習),

l   2 天 長課 (16-20k) 或上斜練習 (10k).

l   有時跑得里數未夠, 再要加多天跑埋條數.

 

其實以老人家我的身體, 根本頂唔住咁強的訓練 (所以時時都病到7彩), 但唔谷又達唔到標. 點都好, 這兩個月的艱辛, 可一不可再….盡了力, 就是讓自己不去後悔嘛!

 

明天出發la….2014年4月20日 土蒲賽…..相信會是個好好的經歷.

 

 

Leave a Reply