每季, 不同的彩妝公司都有新產品上場, 這回RMK的春天色…真係造到好FRESH 的感覺 ~ 都係粉粉嫩嫩的, 仲帶著令人著迷的幻彩感.

有時, 我真係好佩服啲彩妝公司…每季都可以出到新產品, 而且又會有新的化妝手法. 所以, 我最愛去WORKSHOP…吸收新資訊又可以試晒最新的產品.

RMK 會有3隻眼影色 + 3隻胭脂色 ~ 都係帶有幻彩的感覺. POSTER 的MODEL 正係化上02的主打色. 胭脂則用 01 粉紅色. 對綠色有偏見的我, 看到咁大範圍的上綠色 ~ 說實MODEL 靚女就得…凡人得咩?!

BA 解答說, FOR POSTER 影相才會誇小小. 正常的化法, 係你PICK 兩隻色上眼而已. 即係主色 (打橫嗰隻色) + 任何一隻配角色 (打直嗰3隻, 3選1). 而上嘅位, 在眼蓋上就OK, 不用搽到去眉骨的. 這隻眼影很細滑, 不用上EYE BASE 直接上眼, 顯色度都幾好. 同埋佢係帶幻彩的, 所以好易HANDLE  + 唔會比人濃妝FEEL.

我都係愛啡系多啲, 所以就請BA 給我化個啡色的眼妝.

而胭脂係好新奇的. 佢分淺色 + 胭脂色. BA 說, 這季上的範圍會大啲, 同會貼眼位小小 ~ 跟住我就諗 ~ 咁咪會似造大戲咁?! BA 說, 因啲色造得好SOFT 又帶幻彩, 所以唔會變大戲妝. 佢教我先用淺色在面珠上大範圍落色. 一來可以像造了HIGHLIGHT咁提升好氣色, 2來就可以令胭脂的感覺更幻彩 (所以唔SUGGEST 用胭脂掃兩邊MIX 埋上面, 要分先後上). 果然, 上了帶幻彩的胭脂, 氣色大好.

當天MODEL DEMO 了綠色 + 灰色眼影. 一看, 原來DEMO 綠色眼影的MODEL 係我之前合作過兩次的TAYLOR….而化灰藍色的眼影, 都好好看, 因佢會滲出淡淡的紫色.

看見TAYLOR 演譯的幻彩綠, 都好fresh 吓, 係我接受到的範圍, 我就 “學”吓用綠色再化一個. 先用綠色造BASE, 但我會用多少少灰色去拉大眼型. 再用點藍色去BLEND吓綠色的邊界位．效果都很不錯. 帶幻彩的藍.綠色絕對可以接受 (我只係怕實色的粉藍 + 粉綠色 ~ 因好80年代的感覺)

這季的甲油, 都係幻彩色的, 當中我最喜歡淺紫色. (看我5隻手指都唔同色…就知我在這PARTY 試得幾開心! ~ 貪心的小狗, 係唔會放過任何有得玩化妝品的機會!!!)